$باشووری کوردستان$
- کاتژمێر سێی شەوی ڕابردوو چەکدارە توندڕەوەکانی #داعش# بە تۆپ و دۆشکە و چەکی قورسەوە هێرشیان کردووەتە سەر هێزەکانی #پێشمەرگە#ی کوردستان لە شارۆچکەی #شنگال# بێ ئەوەی زیانی گیانی بەدواوە بێت، بەڵام پێشمەرگە لە حەوت شوێنی ئەو شارۆچکەیە کشاوەتەوە، ئەمە جگە لەوەی زیانی بە داعش گەیاندوە.
- داعش شارۆچکەی شنگاڵی داگیرکرد و خەڵکەکەشی ئاوارەبوون.
- داعش ژمارەیەکی زۆری لە ئێزیدییەکانی شنگاڵی کوشت.
- چەکدارەکانی داعش مەزارگەی سەیدە زەینەبیان تەقاندەوە.=KTML_Photo_Begin=https://www.kurdipedia.org/files/relatedfiles/2014/23721/0011.JPG=KTML_Photo_Alt=03-08-2014=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2014/23721/0011.JPG=KTML_Photo_End=
- چەکدارانی داعش، ماڵی پەڕڵەمانتاری کورد موحسن سەعدون لە لە شارەدێی زومار لە پارێزگای نەینەوا دەتەقێننەوە.
- سەرچاوەیەکی ئاگادار، ڕایدەگەیەنێت، کە حکومەتی فیدڕاڵی ئێراق وحکومەتی هەرێمی کوردستان بۆ ڕووبەڕووبوونەوەی داعش، گەیشتوونەتە ڕێکەوتن.
- هێزەکانی پێشمەرگەی کوردستان هێرشێکی گەورەیان بەپاڵپشتی چەندین چەکی قورس بۆ سەر چەکدارانی داعش لە شارۆچکەی شەنگال و زوممار دەستپێکرد.
- بەشێک لەو چەکە قورسانەی لە ڕێگەی فڕۆکەخانەی نێودەوڵەتی #هەولێر#ەوە گەیشتنە هەرێم ڕەوانەی هێزەکانی پێشمەرگە کران و بڕیارە بە مەبەستی هێرشکردنە سەر چەکدارانی داعش لە شەنگارو و ناوچە کوردستانییەکانی دەرەوەی هەرێم بە کاربهێنرێن.
- لە دوای ئەوەی شارۆچکەی شنگال کەوتە دەستی چەکدارانی داعش، هێزێکی #یەپەگە# گەیشتنە سنووری ئەو شارۆچکەیە لە ئێستادا لەگەڵ داعش دەجەنگن.
- پارێزگاری نەینەوا بانگەوازێک ئاڕاستەی وڵاتانی جیهان دەکات بۆ ئەوەی بەپەلە فریای ئێزدییەکانی شارۆچکەی شنگال بکەون، ڕاشیدەگەیەنێت کە دوای چەند سەعاتێکی تر هەزاران ئێزدی گیان لەدەست دەدەن.
- داعش شارەدێی #ڕەبیعە#شی گرت.
- پاش دەستبەسەراگرتنی شارەدێکانی #زوما ڕ# و ڕەبیعە چەکدارانی ڕێکخراوی دەوڵەتی ئیسلامی دەستیان بەتەقاندنەوەی ماڵی پەڕڵەمانتار و بەرپرسانی کورد و مەزارە ئایینییەکان کردووە، سەرچاوەیەکیش ڕایدەگەیەنێت، تا ئێستا هەشت ماڵی کوردەکان تەقێنراوەتەوە.
- داعش نزرگەی شێخ شەرەفەدینی تەقاندەوە.
- بەپرسێکی یەکێتی لە شنگال ڕایدەگەیەنێت کە پێنج لیوای پێشمەرگە و زێرەڤانی لە ناوچەی شەنگال و زوممار بوون بەبێ شەڕ کشاونەتەوە و تا ئێستاش پێشمەرگە نەگەشتونەتەوە شنگال و ئەو شەڕەش لەو ناوچەیە دەکرێت هێزەکانی پەیەدە دەیکەن نەک پێشمەرگە.
- دوای ئەوەی کە لە شەوی ڕابردووە لەلایەن چەکدارانی داعشەوە شارەدێی زوممار کۆنتڕۆڵکرا، هێزەکانی پێشمەرگە توانیان ئەو شارۆچکەیە کۆنتڕۆڵ بکەنەوە.
- لە #ڕانیە# لەنیوەشەودا ژنێک لەلایەن هاوسەرەکەیەوە کوژرا.[1]
$رۆژئاوای کوردستان$
- شەوی ڕابردوو گرووپە چەکدارەکانی داعش لە گوندی سحێلا لەسەر سنووری خۆراوای کوردستان لە دژی هێزەکانی پێشمەرگە بۆسە دەنێنەوە و لە ئەنجامدا ژمارەیەک پێشمەرگە شەهیدبوون و شەش پێشمەرگە بەبرینداری کەوتنە دەستی داعش و لەلایەن #شەڕڤان#انی YPG وە ڕزگار کران.[1]

$باشوورێ کوردستانێ$
03-08-2014 - ڕوژا کۆمکوژییا کوردێن ئێزدی
- دەمژمێر سێ یێ شەڤا بوهری چەکدارێن توندڕەو یێن داعشێ ب تۆپ و دۆشکە و چەکێن قورس ئێرشا سەرهێزێن پێشمەرگێ کوردستانێ ل باژێڕوکێ #شنگال# کرن و بێی کوو زیانا گیانی بدیف دا بهێت، لێ پێشمەرگە ل حەفت جهێن شنگالێ ڤەکشیا، ئەڤە بلی وێ زیانا کو پێشمەرگەی ب داعش گەهاندی.
- داعشێ باژێڕوکێ شنگاڵی داگیرکر و خەلکێ وێ ئاوارە بوون.
- داعشێ ژمارەیەکە زور یا ئێزدی یێن شنگالێ کوشتن.
- چەکدارێن داعشێ مەزارگەهێ سەیدە زەینەب ژی پەقاند.=KTML_Photo_Begin=https://www.kurdipedia.org/files/relatedfiles/2014/23721/0011.JPG=KTML_Photo_Alt=03-08-2014=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2014/23721/0011.JPG=KTML_Photo_End=
- چەکدارێن داعشێ، ماڵا پەڕڵەمانتارێ کورد موحسن سەعدون ل ل زومار یا سەر ب پارێزگەها نەینەوا ژی پەقاند.
- چاڤکانییەکێ ئاگەهدار، ڕادگەهینیت، کو حکومەتا فەدڕاڵ یا ئیراقێ وحکومەتا هەرێما کوردستانێ ژبو ڕیبەڕیبوونا داعشێ، گەهشتینە ڕێکەفتنێ.
- هێزێن پێشمەرگێ کوردستانێ ئێرشەکا بەرفرە ب پاڵپشتیا چەندین چەکێن قورس ژبو سەر چەکدارێن داعش ل باژێڕوکێ شنگال و زوممار دەستپێکرن.
- پشکەکا وان چەکێن قورس ب ڕییا فڕۆکەخانەیا ناڤدەوڵەتی یا #هەڤلێر#ێ گەهشتنە هەرێمێ و ژبو هێزا پێشمەرگە هنارتن و بڕیارە ئەوە کو ژبو ئێرشکرنە سەر چەکدارێن داعشێ ل شەنگال و و دەڤەرێن دن یێن کوردستانی یێن دەرڤەی ئیدارەیا هەرێمێ بهێن بکار ئانین.
- پشتی کو باژێڕوکێ شنگالێ کەتە دەستێ چەکدارێن داعشێ، هێزەکا یەپەگە گەهشتنە سنوورێن وێ و ل نهادا دهەمبەر داعشێ دجەنگن.
- پارێزگارێ نەینەوا بانگەوازێک ئاراستەی وڵاتێن جیهانێ دکەت ژبو بهەوار هاتنا ئێزدی یێن باژێڕوکێ شنگالێ، هەروەسا پشتی چەند دەمژمێرێن دن ب هزاران ئێزدی گیانێ خوە ژدەست ددەن.
- داعشێ باژێڕوکێ #ڕەبیعە# ژی گرت.
- پشتی داگیر کرنا باژێڕوکێن زوما ڕ و ڕەبیعە چەکدارێن ڕێکخراوا دەوڵەتا ئیسلامی دەست ب پەقاندنا ماڵا پەڕڵەمانتار و بەرپرسێن کورد و مەزارێن ئایینی یێن ئێزدییان کر، چاڤکانی دبێژن، هەیا نها هەشت ماڵێن کوردان پەقاندینە.
- داعشێ مەزرگەهێ شێخ شەرەفەدین ژی پەقاند.
- بەپرسەکێ یەکێتی نشتیمانی کوردستان ل شنگال ڕادگەهینیت کو پێنج لیوایێن پێشمەرگە و زێرەڤانی ل دەڤەرا شنگال و زوممار بوون لێ بێی کوو شەڕ بکەن ڤەکشیان و هەیا نها ژی پێشمەرگە نەگەهشتییە شنگال و ئەڤ شەڕەش کو ل دەڤەرێ دهێت کرن هێزێن #پەیەدە# دکەن نە پێشمەرگە.
- پشتی کو شەڤا بوهری ژئالێ چەکدارێن داعشێ باژێڕوکێ زوممار هات کۆنتڕۆڵ کرن، هێزێن پێشمەرگەی کارین ڤی باژێڕوکەی کۆنتڕۆڵ بکەن.
- ل ڕانیە د نیڤا شەڤێ دە ژنەک ژ ئالێ هەڤژینێ خوەڤە هات کوشتن.[1]
$رۆژئاوای کوردستان $
- شەڤا بوهری گرووپێن چەکدارێ یێن داعشێ ل گوندێ #سحێلا# لسەر سنوورێ ڕوژئاڤایێ کوردستێ دژبەری هێزێن پێشمەرگە بۆسەیەک دەینا و ل ئەنجامدا ژمارەیەک پێشمەرگە شەهیدبوون و شەش پێشمەرگە ب زامداری کەتنە دەستێ داعشێ و پشتڕە ژئالێ شەڕڤانێن #YPG# هاتنە ڕزگار کرن.[1]

ئاماری جینۆسایدی کوردە ئێزدییەکان لە ڕێکەوتی #03-08-2014#
لە ڕێکەوتی 03-08-2014، شاری #شەنگال# و چەند گوندێکی ئێزدی نشینی دورەبەری وەک: #کۆچۆ#، تل بنات، تل عەزێر، تل قەسپ و ... لەلایەن هێزە چەکدارەکانی دەوڵەتی ئیسلامی ئێراق و شام (#داعش#) هێرش کراوەتەوە سەریان و کارەساتێکی دڵتەزین خوڵقا کە دەکرێت وەک مێژوویەکی تاڵ و زیندوو تۆماربکرێت.


ئاماری قوربانیانی ئەم جینۆسایدە بە وتەی بەڕێز #سعود مستو نەجم# بەڕێوەبەری گشتی کاروباری ئێزدییەکان بە شێوەی خوارەوەیە:
- لە رۆژی یەکەمی ئەم هێرشە رەشە، 1293 کەس لە کوردانی ئێزدی شەهید کران.
- 2745 منداڵ، هەتیو (بێ دایک و باوک) و بێسەروشوێن کران.
- 68 مەزارگەی ئایینی تایبەت بە بڕوادارانی ئایینی ئێزدی تەقێنرا.
- 6417 کوردی ئێزدی رفێندران و بێسەروشوێن کران کە لە کۆی ئەمانە 3548 کەس ئافرەت بوون و 2869 کەس پیاو بوون.
- لە ئەنجامی ئەم هێرشە درەندانە و خوێناوییە، 96 گۆڕی بەکۆمەڵ دۆزراوەتە کە تا ئێستا (2024) 49 گۆڕ کاری لەسەر کراوە و کراوەتەوە و ناسێندراوە.
- تا ئێستا (2024) لە کۆی 653 ئێسک و پروسک، 242 ئێسک و پروسک گەڕاوەتەوە کوردستان و زێدی ڕەسەنی ئێزدییەکان.
پێش روودانی ئەم کارەساتە ژمارەی پێناسەی هاوڵاتییانی ئێزدی 550 هەزار کەس بووە کە لە پاش ساڵی 2014 نزیکەی 20٪ کۆچی دەرەوەی وڵاتیان کردووە.[1]

جەماوەری کوردستان!
هێزە کوردستانی و عیراقییەکان!

رۆژانی (2-03-08-2014) ناوچە کوردستانییەکانی پارێزگای نەینەوا (زممار، شەنگال و..) کەوتۆتە بەر هێرشێکی فراوانی هێزەکانی داعش، ئەمەش بۆ تەواوکردنی ستراتیژی داعشییەکان لەسنوری پارێزگای نەینەواو بەستنەوەی سەراپای ئەو دەڤەرە، بەپارێزگای حەلەب و پاشان، نەخشە ستراتیژییەکەیان، پێکەوە بەستنی ناوچە سوننی نشینەکانی عیراق و سوریایە. لەدوای ئەوەی ئەمەشیان بۆ بچێتە سەر، ئینجا تەواوی پرۆسەی سیاسی عیراق و ئەزمونی دیموکراسی کوردستان دەخەنە ژێر هەرِەشەی تیرۆریستییەوە. سیناریۆکەشیان دیاربوو کە:

دوای کۆنترِۆڵکردنی ناوەندو دەوروبەری سوننی-نشینی پارێزگای نەینەوا، هەروەها تەلەعفەری تورکمان-نشین و ڕاوەدوونانی مەسیحییەکان، قۆناغی نوێیان لەپەلاماری پارێزگاکە دەستپێکرد، ئەوانیش ناوچە کوردستانییەکانە، بەزۆریش زێدی ئێزدییەکانی پارێزگاکەیە. لەمەشدا، گومانمان نییە، بۆیان بکرێ توندتر لەشیعە و مەسیحییەکان، ڕقی سەلەفیان بەئێزدییەکاندا دەرِێژن.
خەڵکی خۆراگری کوردستان!

هەر لەسەرەتایی پەلامارەکانی داعشەوە، یەکێتیی ڕامان وابوو، جارێ دوژمنایەتی کوردستانیان بەشێوەیەکی کاتی هەڵپەساردووەو کە بەنەرمیش بەرامبەر کورد، دەدوان، بۆ دەستخەرۆکردن بوو، نەک قبوڵکردنی ئەزمونی دیموکراسی، بۆیە دڵنیابوین، لەناوچەکانی دەرەوەی هەرێمەوە پەلاماری کوردیش دەستپێدەکەن. لەدوا نەخشەشیاندا، تێکدانی ئەزمونی دیموکراسی کوردستان ئامانجی کۆنەپەرستانەیانە.

بەم پەلامارە، کە بەداخەوە هەندێک سەرکەوتنی عەسکەری کاتیشیان لەناوچەکەدا بەدەستهێناوە، لەمەودوا داعشەکان، ئیتر لەهەر کوێیەکی کوردستان، تایبەت لەپارێزگاکانی دیالە و سەڵاحەدین و کەرکووک-دا، بۆیان هەڵبکەوێ، پیلانەکانیان بەپەلامارو تۆقاندنی فراوانتر جێبەجێ دەکەن. بەم نەخشە نوێیەش، ئیتر هەرێمی کوردستان کەوتە بەردەم قۆناغێکی عەسکەری تری چارەنوسساز. ئەویش ئەوەیە، کە چیکە، شەرِی بەرگری دادمان نادات. تەنانەت بەرگری لەقازانجی داعشەکانیشە. ڕێگای ڕاست و دروست ئەوەیە ئەم هێزە کۆنە پەرستانە، دەبێ بەهێرشی فراوانی ڕزگاریخوازانە، وەڵام بدرێنەوە.

دەرهەق بەناوچەکانی شەنگال و زممارو ئەو ناوچەیەش، کە بەداخەوە سەدان هەزار کورد، دووچاری چارەنوسی مەرگ و ژیان بونەتەوە. دەوڵەتی عیراق و، دەوڵەتانی ناوچەکەو، جیهان و نەتەوەیەکگرتووەکان، هەقوایە دەستبەجێ بەهانای خەڵکەکەوە بێن، پێش هەموو شتێک لەکۆمەڵکوژی بیانپارێزن. ئینجا گوزەرانیان دابین بکەن.

ئێزدییەکان.. لەمێژووی خۆیاندا، زۆرجار دووچاری سیاسەتی قرِکردن بوونەتەوە، بەڵام ئەمجارە لەهەموو جارێک مەترسیدارترە. چونکە، داعشەکان و بەعسییەکان و ئەوانەی هاوپێناویانن، بەچەکی هەمەجۆر، لەماوەیەکی کەمیشدا، بەو ڕقە سەلەفییەی هەیانە، دەتوانن تاوانی زۆر گەورەتر بەرامبەریان ئەنجام بدەن. هەربۆیە، بەرپەرچدانەوەی دەستبەجێ و کۆمەکی پێویستی دەست و برد، لەم کاتەدا، بۆ دەیان هەزاری لێقەوماویان کە ئێستا لەچیای وشک و برینگی شەنگاردا، خۆیان پەناداوە، زۆر گرنگە.

دۆخەکە، ستراتیژێکی ڕۆشنی دەوێ. شەرِی لێدەو هەڵێ، لەقازانجی سیاسی و عەسکەری ئێستادا نییە. شەرِەو عیراق و سنوری کوردستانی گرتۆتەوە. یەکچاو بوونی ستراتیژی لەم شەرِە چارەنوسسازە، زۆر گرنگە. بێگومان ئەمەش پێویستی بەنەخشەیەکی هەمەلایەنەی هەموو لایەنەکانی دەرگیرە بەم شەرِە ترسناکەوە، لەوڵاتانی گەورەوە، بۆ وڵاتانی ناوچەکەو کوردستانیش. ڕاستە ئەوانە، فرسەتی سەرکەوتنێکی کاتیان قۆزتەوە، بەڵام شەرِی هەمەلایەنەی بە بەرنامە، بەپشتیوانی خەڵک و دۆستان، لەدوا ئەنجامدا، تیرۆریستەکان تێکدەشکێن و گەلەکەمان و لەگەڵماندا، هەموو خەڵک و دیموکراتخوازانی ناوچەکە، ئەم شەرِە چارەنوسسازەش دەبەینەوەو دوا دوژمنانی دیموکراسیش تێکدەشکێن.

کە دۆخەکەش وای لێهاتبێ، شەرِی تەواو ڕووبەرِوومان بوبێتەوە، ئیتر دەبێ هەموو ڕێگاکان و شێوەکانی شەرِو تاکتیکەکانی دەرهەق بەسەرکەوتنی ستراتیژی شەرِەکە، پەیرەو بکرێ.

لەپێشەوەدا تۆکمەترکردنی شەرِگەکان و لێپێچینەوەش لەکەمتەرخەم و خەمساردەکانی سەنگەرەکان کە دەرفەتی سەرکەوتن بۆ دوژمنان ئاسان دەکەن، پێویستە. هەروەها داوا لەهەموو لایەک، هەموو کاربەدەست و کەسایەتییەک و میدیاکان دەکەین، چیکە وەکو جاران، مامەڵە لەگەلڕ هێزی پێشمەرگەو ئەمنی عەسکەری و هەواڵی شەرِگەکان نەکەن. ئێمە دڵنیاین لەدڵسۆزی و پەرۆشی هەموو ئەو بەرِێز و لایەنانەی سەردانی پێشمەرگە دەکەن، بەڵام باشترین پەرۆشی ئەوەیە، نهێنی هێزەکان، جموجۆڵی هێزەکان، شوێنی هێزەکان و چۆنیەتی ڕاپەرِاندنی ئەرکی هێزەکان.. دوور لەچاوی کامێراو سەردانی میوانەکان بپارێزرێ. لەم بارەوە، پێویستە سەرۆکایەتی هەرێم و وەزارەتی پێشمەرگە برِیارو بەرنامەی نوێی هەبێ.. چونکە سەرکەوتن گرنگترە لەدەرکەوتن.
ئیتر بۆ پێشەوە بەرەو سەرکەوتن بەسەر کۆنەپەرستاندا.

مەکتەبی سیاسی
یەکێتیی نیشتمانیی کوردستان
03-08-2014