باکووری کوردستان
- نزیکەی هەفتەیەکە لە ناوچەی لیجەی ئامەدئامەد ئۆپراسیۆنێکی سەربازیی سوپای تورکیا بەردەوامە. سەربازە ئۆپراسیۆنچییەکان هەڕەشە لە گوندنشینانی ئەو ناوچەیە دەکەن و ڕێگایان پێنادەن لە ماڵەکانی خۆیان بچنەدرەوە.[1]
- سەرلەبەیانیی ئەمڕۆ پۆلیس هەڵیکوتایە سەر ماڵان. لە دوای پشکنینی ماڵەکان، نیزامەدین تۆگوچ هاوسەرۆکی هەدەپەهەدەپە لە ئێلح و 7 کەسی تریان دەستگیرکرد. ئەو 8 کەسە دەستگیرکراوەیان گواستووەتەوە بۆ بەڕێوەبەرایەتیی ئاسایشی ئێلح.
- سەرلەبەیانیی ئەمڕۆ لە گەڕەکی باغلەرباشیی ناوچەیی خەلیلیەی ڕحا پۆلیس هەڵیکوتایە سەر ماڵان و محەمەد کلچ بەڕێوەبەری ڕێکخستنەکانی هەدەپەی شاری ڕحای دەستگیرکرد. پۆلیس دەستیان گرت بەسەر کۆمپیوتەر و تەلەفونەکانی ئەندامانی ئەو ماڵانەدا کە هەڵیانکوتاوەتە سەری. لە گەڕەکی کارائۆتلاک-یش جەندرمە هەڵیکوتایە سەر ماڵی گەنجێک بە ناوی ڕەسوڵ شەکەر. ئەو گەنجەیان بە پاساوی بڵاوکردنەوەی بابەت لە تۆڕە کۆمەڵایەتییەکاندا دەستگیرکرد.[1]
- وەزارەتی ناوخۆوەزارەتی ناوخۆی تورکیا لەبارەی ئەو ئۆپراسیۆنەوە ڕایگەیاند لە ئۆپراسیۆن لە ئێلح نیزامەدین تۆگوچ هاوسەرۆکی هەدەپە و 7 کەس، لە ئاگری 25 لایەنگری هەدەپە، لە ئەنقەرە 5 کەس، لە موش 1 کەس و لە مێردین 1 کەس و لە ڕحا 9 کەس، کە بە گشتی دەکاتە 49 کەس، دەستگیرکراون.[1]
رۆژهەڵاتی کوردستان
- بەگوێرەی هەواڵێکی تۆڕی مافەکانی مرۆڤی کوردستان، سوپای پاسداران دەستیکردووە بە گواستنەوەی ڕۆکێت و چەکی قورس بەرەو ڕۆژهەڵاتی کوردستان و لە سنەسنە، مەریوانمەریوان، کامیاران، پاوەپاوە، سەوڵاواسەوڵاوا و چیاکانی شاهۆ و کۆساڵان جێگری کردوون.[5]
- دەیان سەر ئاژەڵی مەڕدارانی شاری پیرانشارپیرانشار لە لایەن سپای پاسدارانەوە لە سنووری نێوان هەرێمی کوردستان و کوردستانی ئێراندا دەستیان بەسەردا گیرا.[7]
باشووری کوردستان
- سەعات 6ی بەیانی ئەمڕۆ، لە گەڕەکی ئازادی شارۆچکەی کۆیەکۆیە پیاوێک خێزانەکەی کوشتووەو دواتریش خۆی کووشتوە.[2]
- سەرپەرشتیاری میحوەری مەخموورمەخموور-گوێر ڕایگەیاند، هاوپەیمانان چەکدارانی داعشداعشیان لە باشووری گوندی کوشاف بۆردوومانکرد و 6 چەکداریان کوژراون.[3]
- ئەنجوومەنی خۆبەڕێوەبەریی دیموکراتیکی شەنگالشەنگال پیرۆزبایی لە نادیە مورادنادیە موراد چالاکوانی کوردی ئێزدی و دکتۆر دێنس ماکویچی داکۆکیکار لە مافی ژنان لە کۆمای کۆنگۆی دیموکراتیک کرد، کە بە شایانی وەرگرتنی خەڵاتی ئاشتیی نۆبڵ ناسێنراون لە جیهاندا.[1]
- سەرۆکی یەکێتیی هاوردە و هەناردەکاران ڕادەگەیەنێت: لەم ڕۆژانەدا نرخی خۆراک و سەوزە و میوە و کەلوپەلی تر لە کوردستان دادەبەزێت و بازرگانان جگە لە ئێران، کەلوپەل و خۆراک لە وڵاتانی دیکەوە هاوردەی هەرێم دەکەن.[6]
دەرەوەی کوردستان
- پۆلیسی بەریتانیا ڕایگەیاند: تەرمی کچێکی کورد بە ناوی ئاڤان نەجمەدینئاڤان نەجمەدین تەمەن 32 ساڵان لە ماڵەکەی خۆیدا لە شاری فێنتۆن دۆزراوەتەوە.[4]
- ئەمڕۆ پلاتفۆرمی هۆرام یەکەم کۆنفرانسی هەورامان ناسیی دەرەوە وڵاتی بە دروشمی ژیانی پێکەوە و کۆمەڵگای فرەڕەنگ لە ستۆکهۆڵمی پایتەختی سوید دەستپێکرد.[5]
- بەشی دووەمی زریپۆشەکانی دروستکراوی ڕووسی لە جۆری BMP-3 ڕادەستی سوپای عێراقی کرا و بەمنزیکانەش بەسەر یەکە سەربازییەکانی هێزەکانی وشکانی دابەش دەکرێن.[3]

سەعات (11)ی سەرلەبەیانی ئەمڕۆ بەسەرپەرشتی هەڤاڵ کۆسرەت ڕەسوڵ عەلیکۆسرەت ڕەسوڵ عەلی جێگری سکرتێری گشتی، کۆبونەوەی ئەنجومەنی سەرکردایەتی یەکێتیی نیشتمانیی کوردستانیەکێتیی نیشتمانیی کوردستان لە شاری سلێمانیسلێمانی بەرێوەچوو.
کۆبونەوەکە، کە هاوکات بوو لەگەڵ ساڵیادی ماڵئاوایی ڕابەرو سکرتێری گشتی سەرۆک مام جەلالمام جەلال، بە دەقیقەیەک وەستان بۆ ڕۆحی پاکی سەرۆک مام جەلال و شەهیدان دەستی پێکرد، دۆخی سیاسی کوردستان بەشێوەیەکی گشتی و ئەنجامەکانی هەڵبژاردن بەتایبەتی تاوتوێکراو و هەڵسەنگێندرا.
ئەنجومەنی سەرکردایەتی جەختیکردەوە، لە پێویستی تەواوکردنی ڕێکارە یاسایی و هونەرییەکانی پەیوەست بە هەڵبژاردن لەلایەن کۆمیسیۆنەوە بەشێوەیەکی بێلایەنانەو لەسەر بنەما یاسایی و دیموکراسیەکان و هەموو جۆرە ساختەکارییەک بە کارێکی نایاسایی و دژ بە بنەماکانی دیموکراسی و مافی مرۆڤ دەزانین، لەهەمان کاتدا هەموو جۆرە چەواشەکارییەک بۆ شێواندنی ڕاستیەکان و هەموو پەلاماردانێک بۆ سەر یەکێتی بەتوندی ڕەتدەکەینەوە.
دووپاتیشی دەکەینەوە، کە یەکێتی لە ڕێگای کەناڵە یاسایی و ڕەسمیەکانەوە، هەوڵی تەواوی خۆی بۆ پاراستنی متمانە و دەنگی دەنگدەران دەخاتەگەڕ، لە کاتی ڕاگەیاندنی ئەنجامی کۆتایی هەڵبژاردنەکانیش هەڵوێستی کۆتایی خۆی ڕادەگەیەنێت.
کۆبونەوە، لە ڕوانگەی پەرۆشی یەکێتی بۆ پاراستنی یەکریزی و ئارامی و بەرژەوەندییە باڵاکانی گەلی کوردستان، جەختیکردەوە، لە پەنابردن بۆ ڕێگای گفتوگۆی بەرپرسیارانەی لایەنە سیاسیەکانی کوردستان بەئامانجی ڕەخساندنی زەمینەیەکی ئارام بۆ چارەسەرکردنی کێشەکان.
لەبەشێکی تری کۆبونەوەکەدا، ئەنجومەنی سەرکردایەتی پیرۆزبایی لە د.بەرهەم ئەحمەد ساڵح کرد، بەبۆنەی هەڵبژاردنی لەلایەن ئەنجومەنی نوێنەرانی عیراقەوە بەسەرۆک کۆماری عیراق و پشتیوانی سەرکردایەتی یەکێتی-یشی بۆ سەرکەوتنی لە ئەرکەکانیاندا دووپاتکردەوە.
هەروەها ئەنجومەنی سەرکردایەتی پیرۆزبایی لە کچە کوردی ئێزدی خاتوو نادیە مورادنادیە موراد کرد، بەبۆنەی وەرگرتنی خەڵاتی نۆبڵ بۆ ئاشتی بۆ ساڵی 2018.
سەبارەت بە دۆخی عیراق، پێکهێنانی کابینەی حکومەت، یەکێتی سوورە لەسەر مافە دەستورییەکانی گەلی کوردستان و ئاساییکردنەوەی دۆخی کەرکووککەرکووک و خانەقینخانەقین و ناوچە کوردستانیە جێناکۆکەکان و پێکهێنانی حکومەتێک، کە ڕەنگدانەوەی هەموو پێکهاتەکانی عیراق بێت و هەنگاوی کردەیی بنێت بۆ چارەسەرکردنی کێشەکان.
لەسەر ئاستی عیراق و کوردستانیش، ئەنجومەنی سەرکردایەتی، پرسی شەراکەتی ڕاستەقینە لە حوکمڕانی و بەرپرسیارێتی هاوبەش بەگرنگ دەزانێت، بۆ چارەسەرکردنی کێشەکان و ئارامی لەپرۆسەی سیاسی.
لە کۆبونەوەکەدا، جۆش و خرۆشی جەماوەری دڵسۆزی یەکێتی، کەسوکاری سەربەرزی شەهیدان و ئەنفالکراوەکان و ئەندامان و دۆستان و تێکۆشەران و پێشمەرگەپێشمەرگە و ئاسایش و هێزەکانی ناوخۆ و کەمئەندامانی سەنگەرو زیندانیانی سیاسی و ڕێکخراو و کۆمەڵە و ئۆرگانەکان و ژنان و گەنجان و سەرجەم چین و توێژەکانی کوردەواری، لە هەڵمەتی بانگەشەی هەڵبژاردن و ڕۆژی دەنگدان بە بەرزی نرخێندراو سوپاسی و پێزانینی ئاراستەکردن، کە بەشێوەیەکی ئارام و شارستانیانە پشتیوانیان لە لیستی (105)ی یەکێتی کرد.
بۆ قۆناغی نوێی خەباتی سیاسی و پەرلەمانی، لەسەر ئاستی عیراق و کوردستان، یەکێتیی نیشتمانیی کوردستان، بەخوێندنەوەو هەڵسەنگاندنی هەمەلایەنانەی دۆخەکە و پێویستیەکانی قۆناغەکە، خۆی سازدەدات و درێغی ناکات لە سەلماندنی مافەکانی گەلی کوردستان و پاراستنی یەکریزی نیشتمانی و باشترکردنی گوزەرانی هاووڵاتیان و بەدیهێنانی ئامانج و بنەما لە مێژینەییەکانی یەکێتی.
ئەنجومەنی سەرکردایەتی
یەکێتیی نیشتمانیی کوردستان
06-10-201806-10-2018

ئەمرۆ شەممە 6/10/2018 ئەنجومەنی سەرکردایەتی یەکگرتووی ئیسلامیی کوردستانیەکگرتووی ئیسلامیی کوردستان بە ئامادەبوونی بەرێز مامۆستا سەلاحەدین محەممەد بەهائەدین ئەمینداری گشتی و بەسەرپەرشتی بەرێز مامۆستا سەعید عەلی عەبۆ سەرۆکی ئەنجومەنی سەرکردایەتی کۆبوونەوەیەکی نائاسایی سازکرد بە مەبەستی تاوتوێکردن و هەڵسەنگاندنی پرۆسەی هەڵبژاردنی پەرلەمانی کوردستان کە لە 30/9 دا ئەنجام درا..
سەرەتا کۆبوونەوە سوپاس و پێزانینی خۆی ئاراستەی سەرجەم ڕێکخستنەکان و ئۆرگانەکانی حیزب و کاندیدە بەرێزەکان و دەنگدەرانی لیستی (بەرەو ئیصلاح) کرد و هەوڵ و ماندووبوونەکانیانی بەرزنرخاند.
پاشان کۆبوونەوە هەڵوەستەی کرد لەسەر ئەنجامە بەراییە ڕاگەیەنراوەکان و نیگەرانی خۆی دەربڕی بەرانبەر ئەو پێشێلکاری و ساختەکاریانەی کە لایەنەکانی دەسەڵات ئەنجامیان داوە و بووەتە هۆی ناشیرنکردنی پرۆسەکە و زیادکردنی ڕێژەی دەنگی لایەنەکانی دەسەڵات بە شێوەیەکی نایاسایی و دوور لە پێوەرەکانی دیموکراتی و مافەکانی مرۆڤ.
لەوبارەیەوە کۆبوونەوە بڕیاریدا بە ڕەتکردنەوەی دەرئەنجامە سەرەتاییە ڕاگەیێنراوەکانی هەڵبژاردنەکە، بەهۆی ئەو هەموو پێشێلکاری و ساختەکاریانەی کە ڕووبەرووی پرۆسەکە بووەتەوە.
لە تەوەرەیەکی تردا کۆبوونەوە ڕاوەستا لەسەر دابەزینی ڕێژەی دەنگەکانی یەکگرتووی ئیسلامی کوردستان بە شێوەیەکی چاوەڕواننەکرا و، لەو بارەیەوە کۆبوونەوە ڕایگەیاند کە سەرکردایەتی یەکگرتوو ڕاشکاوانە داندەنێت بەو پاشەکشە نەخوازراوەدا و ئامادەیە بۆ لە ئەستۆگرتنی هەر بەرپرسیارێتیەک لەو بارەیەوە ڕووی تێبکات.
بۆئەو مەبەستە سەرکردایەتی بڕیاریدا هەموو هەوڵەکانی بخاتە گەڕ بۆ چارەسەرکردنی دەرهاویشتەکانی ئەم پاشەکشەیە و ئەنجامدانی گۆڕانکاری پێویست لە تێکڕای ئۆرگانە حیزبیەکان و دانانی پلانی پێویست بۆ بەخۆداچوونەوە و خۆنوێکردنەوە و تێپەڕاندنی ئەم قۆناغە خراپە و گرێدانی کۆبوونەوەی گشتی لە زووترین کاتدا.
سەبارەت بە بژاردەکانی بەردەم یەکگرتووی ئیسلامی کوردستان بۆ مامەڵەکردن لەگەڵ دەرئەنجامەکانی کۆتایی هەڵبژاردنەکان، هەر لە بایکۆتکردنی تێکڕای پرۆسەی سیاسی یان هەر هەڵوێستێکی تر، کۆبوونەوە بڕیاریدا بە ئەنجامدانی ئەو ڕێکارانەی کە لە پێرەوی ناوخۆی حیزبدا دیاریکراوە و هەرچی زووە بڕیار و هەڵوێستی ڕۆشن لەو بارەیەوە ڕابگەیەنێت.
لەکۆتاییدا کۆبوونەوە داوای کرد کە ڕێکخستنەکان و ئۆرگانەکانی حیزب هەموو پێکەوە بە گوڕ و تینەوە پێشوازی لە قۆناغی نوێ بکەین و ئەرک و بەرپرسیاریەتیەکان جێبەجێ بکەین و بەشکۆ و هیمەتی بەرزەوە پەیام و ئامانجەکانی یەکگرتوو بە ئەنجام بگەیەنین.
06-10-201806-10-2018