- مانگرتنی زیندانیانی سیاسی کورد لە باکوری کوردستان پەرە دەسێنێت و ژمارەیان گەیشتۆتە 167 زیندانی ئەوەش وەک ناڕەزاییەک لەبەرامبەر ڕێگریی لە سەردانکردنی #عەبدوڵڵا ئۆجەلان# ڕابەری بەندکراوی #پەکەکە# لە گرتووخانەی دوورگەی ئیمرالی ئەو وڵاتە.
- ئەمڕۆ بەڕێوەبەرایەتی گشتی چاودێری و گەشەپێدانی کۆمەڵایەتی #هەڵەبجە# بەهەماهەنگی لەگەڵ چەند ڕێکخراوێکی بواری منداڵاندا، لە یاریگای گشتی شاهۆی حەمەفەرەج کەرنەڤاڵی هەڵدانی کۆلارەی بۆ منداڵانی هەڵەبجە سازکرد، کە لە کەرنەڤاڵەکەدا کەسوکاری منداڵان ئامادە بوون و چەند چالاکییەک بەڕێوەچوون.[1]
- شەوی ڕابردوو 20 چەتەی #داعش# هەوڵیاندا بە شێوەیەکی نهێنی هێرش بکەنە سەر هەرێمی شەداد لە باکوری سوریا و سەنگەرەکانی هێزەکانی سوریای دیموکراتی، بەڵام شەڕڤانان وەڵامی ئەو هێرشەیان دایەوە و پاشان شەڕ ڕوویدا. لە ئەنجامدا هێرشەکە تێکشکێندرا، نۆ چەتەی داعش کوژران و لاشەی هەر نۆ جەتەکە کەوتە دەستی شەڕڤانان، چەتەکانی دیکەش برینداربوون و بەبرینداری لە مەیدانی شەڕەکە هەڵهاتن.
- بەرپرسی نوسینگەی دهۆکی ڕزگارکردنی ڕفێنراوانی کوردی ئێزدی لەدەستی داعش ڕایگەیاند، لەدەوربەری کاتژمێر 10:30ی ئەمشه و نۆ کەسی دیکە لەکوردانی ئێزدی لەدەستی چەکدارانی داعش ڕزگارکران.[2]
- لە هۆلًی تەلاری هونەری سلێمانی بۆ 16یەمین ساڵ، ڕێورەسمی بەخشینی خەڵاتی زێڕینی بلە بەئامادەبوونی ڕێژەیەکی بەرچاو لەکەسایەتی سیاسی و ناسراو بەڕێوەچوو.[3]

سەعات (12)ی پێشنیوەرۆی ئەمڕۆ (08-04-2017)، لەبارەگای مەکتەبی سیاسی لەسلێمانی، بەسەرپەرشتی هەڤاڵ کۆسرەت ڕەسول عەلی جێگری سکرتێری گشتی و بەئامادەبوونی هەڤاڵ هیرۆ ئیبراهیم ئەحمەد ئەندامی مەکتەبی سیاسی، کۆبونەوەیەک لەگەڵ بەرپرس و ئەندامانی دەستەی کارگێری مەکتەبی سیاسی و عەدنان موفتی بەرێوەچوو.
لەکۆبونەوەکەدا، دۆخی ناوخۆی یەکێتی بەوردی باسکراو کۆبوونەوەی مەکتەبی سیاسی یەکێتیو پارتی، سەردانی وەفدی هاوبەش بۆ لای لایەنە سیاسیەکانی کوردستان بۆ ڕیفراندۆم و چوونی وەفدی هاوبەش بۆ بەغدا تاوتوێ کرا.
سەرەنجام :
1. کۆبونەوەی هاوبەشی مەکتەبی سیاسی یەکێتی و پارتی و لایەنە سیاسیەکانی ترو ڕاگەیاندراوە هاوبەشەکەی یەکێتی و پارتی، وەک سەرەتایەک بۆ ڕیفراندۆم، بەباشی هەڵسەنگێندرا.
2. دوای گوێ گرتن لەڕاپۆرتی زارەکی هەڤاڵ عەدنان مفتی، سەردانی وەفدی هاوبەش بۆ بەغداو چاوپێکەوتنیان لەگەڵ بەرپرسانی باڵاو هێزە سیاسیەکان، لەپێشەوەیانەوە سەرۆک کۆمارو سەرۆکی حکومەت و سەرۆکی ئەنجومەنی نوێنەرانی عیراق، بۆ دۆزینەوەی ڕێگەچارەی گونجاو بۆ مافی ئاڵا هەڵکردن لەکەرکوک و ڕیفراندۆم، بە ئەرێنی هەڵسەنگێندرا.
3. سەبارەت بەدۆخی ناوخۆی یەکێتی، تێکرا ئامادەبوانی کۆبوونەوەکە، جەختیان کردەوە، کە چی دیکە ناکرێ دیسپلینی حزبایەتی و جێبەجێ کردنی پەیرەوەی ناوخۆ و ژیانی حزبایەتی و پەیرەوی ناوخۆ فەرامۆش بکرێ، بۆیە بڕیاردرا، کە لیژنەیەک بەسەرپەرەشتی کۆسرەت ڕەسول عەلی جێگری سکرتێری گشتی و لێپرسراو و ئەندامانی دەستەی کارگێڕ و هێرۆ ئیبراهیم ئەحمەد ئەندامی مەکتەبی سیاسی و بافڵ تاڵەبانی وەک لێپرسراوی سکرتاریەتی هەڤاڵ سکرتێری گشتی و گەیاندنی پەیامی کۆبونەوەکان بەجەنابی مام جەلال، ئەرکیان پێ سپێردرا، بەرپرسیاربن لە جێبەجێکردنی تەواوی ئه و بڕیارانەی لە ئەنجومەنی سەرکردایەتی و مەکتەبی سیاسی دەدرێن، سەبارەت بە یەکێتیی نیشتمانیی کوردستان، هەروا لەسەر کاری حکومەت، دامودەزگاکانی ئاسایش، پێشمەرگە، تەواوی ئۆرگانەکان و ڕێکخراوە دیموکراتیەکان. لەپێشەوەی ئەرکەکانیشیان چۆنێتی جێبەجێکردنی پەیرەوی ناوخۆ و دارشتنی ڕێسای جێبەجێکردنی سزاو پاداشت لەناو ئۆرگانەکانی یەکێتی-دا، بەپێی بڕیاری دوایین کۆبوونەوەی ئەنجومەنی سەرکردایەتی، کە لەرێکەوتی(13-03-2017) ئەنجامدرا، ئه و هەڤاڵانەی پێشلکاریان ئەنجام دابێ، سەرزەنشتی ڕەسمیان ئاراستە دەکرێ.
دەستەی کارگێڕی مەکتەبی سیاسی
یەکێتیی نیشتمانیی کوردستان
08-04-2017