-ئەمڕۆ لە شاری #سلێمانی# کۆنگرەی نەتەوەی کوردستان (کەنەکە) بە بەشداری لایەنە سیاسییەکانی هەر چوار پارچەی کوردستان دەستیپێکرد و پاتی دیموکراتی کوردستان، بایکۆتی کردووە.
-بە پێی ئاژانسی‌ فورات نیوز، بەیانی ئەمڕۆ #ئادەم گەڤەری# پەرلەمانتاری #هەدەپ#ە، لەکاتی بەشداریکردنی‌ لەپرسەیەک لەشاری ئەنقەرە، لەلایەن هێزە ئەمنییەکانەوە دەستگیرکراوە.
-هۆگر عەزیز، وتەبێژی‌ پۆلیسی‌ #هەولێر# ڕاگەیاند پیاوێک لە شارەدێیی #ڕزگاری# سەر بە شارۆچکەی #خەبات#ی هەولێر پاش ئەوەی کاتژمێر 3ی بەرەبەیانی ئەمڕۆ شەممە گەڕاوەتەوە ماڵەوە، ژنەکەی لەگەڵ پیاوێکدا لە ماڵەکەی خۆی بینیوە و بەوهۆیەوە هەردوکیانی کوشتووە.
- بەهۆی ڕووداوی هاتووچۆوە، کاتژمێر 5ی سەرلە ئێوارە، لەسەر ڕێکەی سلێمانی-#دەربەندیخان#، نزیک گوندی #چنارە#، منداڵێک گیانی لەدەستداوە و 9 کەسی تر بریندار بوون.
-ڕزگارکردنی پێشمەرگە دیلەکەی ژێر دەستی داعش، لەلایەن هێزەکانی دژەتیرۆرەوە، لەسنووری داقووق، ئەو پێشمەرگەیە لە ڕۆژی 27-05-2017 لە کاتی هێرشی چەتەکانی داعش، بۆسەر سەنگەرەکانی پێشمەرگە بە دیل گیرابوو.