$باشووری کوردستان$
- حەیدەر عەبادی، سەرۆک وەزیرانی عێراق، مۆڵەتی تا کاتژمێر 2 و نیوی بەرەبەیانی ئەمڕۆی داناوە بۆ کشانەوەی پێسمەرگە و ڕۆیشتنی سوپای عیراق بۆ ناو #کەرکووک#.[2]
- سەرلەبەیانی ئەمڕۆ، سەعد حەدیسی، بەرپرسی نووسینگەی سەرۆکوەزیران لە لێدوانێکی تەلەفزیۆنیدا کە بۆ سکای نیوز ڕایگەیاند، کە هیچ مۆڵەتێک بە پێشمەرگە نەدراوە بۆ کشانەوەی لە کەرکووک.[2]
- پەرپرسێکی مەرزی نێودەوڵەتی #پەروێزخان# ئاشکرای دەکات، لە بەرەبەیانی ئەمڕۆەوە کۆماری ئیسلامی ئێران بەڕەسمی مەرزی پەروێزخانی داخست، هەموو جۆرە ئاڵوگۆڕێکی بازرگانی و هاتوچۆی گەشتیاری ڕاگرت.[1]
- لەلایەن کۆماری ئیسلامی ئێرانەوە کاروباری بازرگانی لە مەرزی نێودەوڵەتی #باشماخ# ڕاگیرا و تەنیا هاتوچۆی گەشتیاريی ئاساییە.[2]
- وەزارەتی دەرەوەی عێراق ڕایگەیاند، لەسەر داوای وەزارەتی دەرەوەی عێراق، ئێران دەروازە سنوورییەکانی نێوان وڵاتەکەی و هەرێمی کوردستانی داخستووە، هۆکارەکەشی بۆ ئەنجامدانی ڕیفراندۆم گەڕاندووەتەوە.[4]
- لیژنەی ئەمنی کەرکووک ڕایگەیاند کە هاوپەیمانی نێودەوڵەتی هۆشداریداوە، هەرلایەنێک هێرش دەستپێبکات ئەوا هاوپەیمانان بۆردومانی دەکەن.[1]
- #نێچیرڤان بارزانی# ڕایگەیاند، نابێ ئێران داخستنی سنوورەکان وەک فشار بەکاربهێنێ، چونکە لە بەرژەوەندی کەسدا نییە و هیچ کێشەیەکیش چارەسەر ناکات.[3]
$رۆژئاوای کوردستان$
- 275 چەتەی #داعش# و خێزانەکانیان، کە هاوڵاتی سوریان، لە ناوەندی شاری ڕەقە خۆیان ڕادەستی شەڕڤانان کرد.[4]

زۆر نهێنی و بەپەلە
بەروار: 15-10-2017
بەڕێز جەنابی سەرۆک
سڵاوێکی گەرم
لەسەر فەرمانی جەنابتان لەڕێگەی کاک فازڵ بەرواری ڕاسپێردراوی پارتیمان لەناو لەشکری عێراق، تەنسیقی تەواومان لە گەڵ حکومەتی بەغداد هەیە و جەنابتان دڵنیا دەکەین لە میحوەری ئێمە بە هیچ جۆرێک تەقە ڕوونادات بەرامبەر سوپا و چەکدارانی عێراقی.
لەرێگەی کاکە شاخەوان عەبدوڵاشەوە هێزەکانی عێراق و حەشدی شەعبی بەڵێنی ئەوەیان پێداوین کە هیزەکانیان لە پردێ زیاتر پێشڕەوی ناکەن.
بۆیە بە خوێنی خۆمان جەنابتان دڵنیادەکەینەوە کە ئه و بەرنامەیەی لە نووسینگەی تایبەتی سەرۆک پێمانگەیشتووە بۆ پردێ، وەکو خۆی جێ بەجێ دەکەین و ئەوەی لە جەنابتمان پێویستە تەنیا دڵنیابوونە لەوەی کە ئەمشه و هێزەکانی کاک شێخ جەعفەر هانبدرێن ئەوان لە میحوەری خۆیان لە کەرکووک تەقە لە سوپای عێراقی بکەن بۆ ئەوەی بەرنامەکەمان بەرامبەر جەلالیەکان سەدا سەد سەرکەوتوبێت‌ و بە پێشڕەویی جەنابتان پارتیمان ئەم قۆناغەش تێپەڕبکات.
خزمەتکاری ڕێبازی بارزانی
پێشمەرگەی کەمئەندام و بەرپرسی میحوەری 5ی دبس
د. کەمال کەرکووکی
15ی 10ی 2017
⚠️ تێبینی: کوردیپێدیا لە دروستیی ئەم بەڵگەنامەیە دڵنیا نییە، هۆکاری بڵاوکردنەوەی بۆ ئەوەیە کە لە پاشەڕۆژدا ڕاستی و دروستیی ئەم بەڵگەنامەیە بسەلمێدرێت.

ڕاگەیەنراوی کۆبوونەوەی هاوبەشی
#پارتی دیموکراتی کوردستان# و #یەکێتیی نیشتمانیی کوردستان#
لە (15-10-2017) لە #دوکان#، بارەگای هاوینە هەواری سەرۆک #مام جەلال#، کۆبوونەوەی هاوبەشی مەکتەبی سیاسی (یەکێتی -پارتی) ئەنجامدراو، دۆخی ئێراق و ناوچەکە و کوردستان، هەڵسەنگێندرا، سەرەنجام:
یەکەم-جەخت لەسەر یەکڕیزی گەلەکەمان و هێزە سیاسییەکانی کوردستان کرایەوە، کە دەستەبەری ڕاپەڕاندنی ئەرکە هاوبەشەکانن، لەم قۆناغەدا.
دووەم-کۆبوونەوە، سووربوونی خۆی لەسەر چارەسەرکردنی تێکڕای کێشەکان، بەدیالۆگێکی بێ مەرجی بەرپرسیارانەی بوونیاتنەر لەنێوان #هەولێر# -#بەغدا#د ڕادەگەیەنێ.
سێیەم-هێزە کوردستانییەکان، ئێستاش، هەر ئامادەن گفتوگۆیەکی بێ مەرج و کراوە و بوونیاتنەر، لەسەر بنەمای بەرژەوەندی بەغدا و هەولێر و پرنسیپە دەستوورییەکان، ئەنجامبدەن.
چوارەم-کۆبوونەوە، لەبەرژەوەندی هەموو لایەکی دەزانێ، لایەنە سیاسییە سەرەکییەکانی ئێراق و کوردستان بەشداری دانووستاندنی نێوان هەرێم و بەغدا بکەن، هەروەها لایەنە نێودەوڵەتییەکانیش چاودێری پڕۆسەکە بکەن.
پێنجەم-لەسەر کێشەی سەربازیی و ئاساییش، لە ناوچەکانی دەرەوەی هەرێمی کوردستان، یان هەر شوێنێکی دیکە، هەموو چەشنە دەستێوەردانێکی سەربازی، یان جوڵاندنی هێز و هەڕەشە و گوڕەشە، جگە لە مەترسییەکانی لەسەر پەیوەندی هەرێم و بەغدا، هەڕەشەشە لەسەر هەر جۆرە هەوڵێکی ڕاستگۆیانە، بۆ چارەسەری ئاشتییانەی کێشەکان. هەروەها ڕاستەوخۆ پێشێلکردنی یاسا و ڕێسایە کە بڕیاریان لێ دراوە، هێزە چەکدارەکانی ئێراق، بۆ یەکلایی کردنی کێشە سیاسییە ناوخۆییەکان، بەکاربهێندرێ.
لە کۆتایشدا، هەردوولا، سڵاو بۆ پێشمەرگە قارەمانەکان دەنێریین، کە لە شەڕی تێکشکاندنی #داعش#دا، پێناسەی پارێزەری ئازادی جیهانیان وەرگرت و ئێستاش، سەنگەری پێشەوەی بەدیهێنانی ئامانجەکانمانن.
پارتی دیموکراتی کوردستان
یەکێتیی نیشتمانیی کوردستان
#15-10-2017#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=