ناڤ: شەعبان
ناڤێ بابێ: سلێمان
ژ دایکبوویێ: 01-02-196501-02-1965
ژیاننامە
مالباتا وی ژ دەڤەرا بەرواری بالا د سالێن شێستان دا ، ژ گوندێ ( ئورە ) ژ بەرواری بالا مشەختی ھاڤینگەھا (سەرسنک)دەڤەرا ئامێدی بوویە ، و ل وێرێ خل تاخێ ، ژیوار و سروشتێ ھوزانڤانێ مە وئەو جڤاکێ ھاڤینگەھا سەرسنکێ یێ بجویک و جوگرافیا وێ یا جوان ونازک وشرین ، پێکھاتا کەسایەتیا شەعبان سلێمانی یا زاروکی جدای ھەر کەسەکی پێک ئینا .
خاندنا خو یا سەرەتایی بداوی ئینا و قەستا باژێرێ دھوک کریە و ناوەندی و دناوەندیا خاندنێت ئیسلامی ب داوی ئیناینە ، لسالا 1986 قەستا باژێرێ بەغدا کریە بو خواندنێ ل ( کولیژا الشریعە/ قسم الدراسات الاسلامیە) سەرب( زانکویا بەغدا) ، دھەمان سالدا بوویە ئەندامێ ( تیپا شورەشڤان ) یا ھونەری و دەھان کار یێن شانوویی ئەنجام داینە وەک شانوگەرێن (ساخێ مری ، ئەمیکلا ،سەرھاتی ھەمی ، نجنسکی وکاتی زەماوەندی ........... ھتد) دگەل گروپێ وی سەردەمی ژ قوتابێن کورد ل بەغدا. و ژ ئەگەری نە بەشداربونا وی د (معسکرات التدریب الجیش الشعبی ) یێن قوتابیان ژ لایێ رژیما بەعسی ڤە ل وی دەمی ژ کولیژێ ھاتە دەرئیخستن ل سالا 1989
پشتی سەرھەلدانی سالا 1991 بویە رێڤەبەرێ رادیویا ( اف ام ) دەنگێ قوتابیان و لاون لدەڤەرا ئامێدی . ژمارەکا زور ژ ھوزانێن وی رێ یا بەلاڤبونێ د رادیویێ دیت ، وژلایەکێ دی پتر ژ (40) چیروکێن تەمسیلی وەک ئامادەکەر و دەرھێنەر یێ رادیویی شەعبانی بو رادیویێ دروستکرینە .
شەعبان سلێمان خودانێ یەکەم دراما تەلەڤزیونی بویە ب نڤیسین وزارڤەکرن ل شاشا تەلەڤزیونا (خەبات ) ب فلمێ ( ئومێدا من) ل دھوکێ ژ دەرھینانا (عادل حەسەن)
تاکو سالا 1993 رابویە ب دامەزرانا (پەیاما دەڤەرا ئامێدیێ) وەک دامەزرێنەر و ئامادەکەر و دەرھێنەر وشیایە پتر ژ (60) کورتە چیروکا پێشکێشی تەلەڤزیونا دھوکێ بکەت بو ماوەی چەندین سالا وبەردەوامیێ پێ بدەت.
پشتی خو چەکدارکرن ب خواندنێ لسەر رێک و رێبازێن ھوزانێ وھزرا دانانا رێک و ستایلەکێ نوی لسالا 200 ، شەعبان سلێمان بریارا ھاتنا ناف گورەپانا ھوزانێ دا ب ستایلێ خو یێ ڤەکری و برەنگێ (دیوان سیدی) ب ئەزمونا سیدیێ (مێمێ ) کو ل رادیویا دھوک کاک ئەمیر سەدیق درستکریە ,
ژبەرکو ل وی دەمی ل دھوکێ دیوارەک دناڤبەرا خەلکی و ھوزانی دا پەیداببو گەلەک جارا و ھندەکا مرنا ھوزانێ راگەھاند بو لسالا2002 یەکەم دیوانا خو ل ژێر ناڤێ ( تورا ئەڤینێ ) ب دەنگ لسەر سیدی وکاسێتا دەزگەھێ (حەسەن شەریف ) بەرھەمھێنایە و بەلاڤ کریە کو تەجروبەک و ئەزمونەک بو رەنگەکێ سەردەم یێ گەھاندنا ھوزانێ بو وەرگری وناڤەروک بانگەک بلد بویە بو ژخەو راکرنا خەلکی ژ پالپشتیا ھەڤرکێت سیاسی بو ریزگرتنا کوردینیێ پتری رەنگێن حیزبا
شەعبانێ ھوزانڤان ، بو ھەلبژارتنا ستایلێ خو وەسا ھزر دکر خەلک شارەزایە ئێدی ل خوشی و مفایێ خو دگەریت نە ل زەخرەفەو مامکێت ھوزانا و وەرگر نە ئامادەیە بجیت ل قاموسا بگەریت کا ھوزانڤانی ج گوتیە
لسالا 2004 دیوانا دووێ بناڤێ (پەیاما عەشقێ ) دیسان ب دەنگ لسەر سیدی و کاسێت بەرھەم ئینایە گرنگی تێدا ئیخستیە پەیوەندیا ژنێ و زەلامی(نێر و مێ) د رەفتارێن عشقێ دا ودڤی سی دی دا و دھندەک ھوزانێن خودا ژ ھەستا ژنێ خەبەر دایە .
لسالا 2006 دیوانا ( دەولەتەک ژ عەشقێ ) وەک پەرتوک چاپ کریە , ھەرجەندە ھەمی گاڤا دھزرا ھوزانڤانی دا ئەوبو لسەر کاسیت و سیدی ب دەنگ وموزیک ھوزانا خو جێکەت و پەرتوکا خو ب ناڤێ لسەری دیار بەلافکر کو قەفتەک ژ باشترین ھوزانێت سیدیێ یەکەم و دووەم کرنە تێدا وپشتی (1000) دانە ژێ کەتینە بازارێ دھوکێ تنێ بو ماوەی (25) روژا ھاتنە خەرج کرن
لسالا 2007 دیوانا ( تو ھاتیە چ ) لسەر سیدی بەلاڤ کریە ئەوژی پشتی خورتبونا بازارێ کرینا ھوزانا وی ل تومارگەە و نڤیسینگەھێت سیدیا دەزگەھێ (حەسەن شەریف) جارەکا دی خو لبەرھەمێ وی یی نوی کرە خودان و (8000) دانە ژ سیدی وکاسیت ژێ کوپی و بەلافکرن و فروتن کو یەکەم جارە و ئەزمونە ل دھوکێ و کوردستانێ ھوزان وەک ستران دبیتە بەرھەم و دھێتە فروتن
ژبەرکو ھوزانڤانێ مە دستایلێ خودا شارەزایێ کارئینانا زمانێ لشێ خو بو ئەو لڤین وبزاڤێن لەشی یێن شەعبان سلێمان دھوزانێ دا دکرن , شیایە ستایلێ خو ێ ھوزانێ ب زانابون زمانەکێ لەشی یێ تایبەت ب خوڤە درست بکەت ودگەل خوندنا ھوزانێ بگونجینیت وگونجایە بو شاشێن تەلەڤزیونا بدەھان دیدار دگەل ھاتنە سازکرن مینا کەنالێن ئاسمانی ( کوردستان، کوردسات، روژ، زاگروس ،نەوروز،....ھتد.)
ھەمان دەم ھوزانڤانێ مە شیا ب دەھان ئاواز و ھوزانا بو ھونەرمەندان دروست بکەت ، وەک : (حەسەن شەریف ، محەمەد تەها ئاکرەیی, ھەڤال ئیبراھیم ، کاروان کامل , ئیسماعیل جومعە ، رێبوار رئوف ، بلند ئیبراھیم ، شڤان گەرماڤی ،وھبی سەدیق ، سەمیر سەدیق ،لقمان دوسکی ......ھتد.)
سیدیێ خو یێ چوارێ بناڤێ(بیکا بارانێ) بەرھەم ئینانایە لسالا2008 و ئەڤ سیدی یێ نوی دیسا تومارکرن بو ب دەنگ موزیک ، یاگرنگ ئەوە ئەڤ جارە ئەڤ بەرھەمە یێ لژێر ناڤێ ( بیکا بارانێ ) کەنالێ ئاسمانی یی (ڤین تیڤی) خو لێ کریە خودان ول کومپانێت ئسیتەنبولێ ھاتیە درستکرن و ھەر دوێ سالێدا بویە پەرتوک دیسان ب مەھەکێ ل بازاری خلاسبویە.
شەعبان سلێمان رێباز و ستایلەک پەیداکر دبێژیت ((پەیڤ ئامانێ رامانێ یە )) رامانێن مەزن وگران دپەیڤێن ئاسان دا د پالڤەدای بن و د خەیالەکا نێزیکی ھزرا خەلکی و ب جەندین وێنەێت واقعی و ھیما د زنجیرا رێکخستی دا وکیش و سەروایەکا بێتە گوھورین ب موزیکەکا ژ ناڤدا و ژدەرڤەی یا ھوزانێ خو دیارکەت و بدەت و رتمەکا ھوزانێ دخواندی َدا ژ سترانەکێ خوشتر لێ بکەت کو ھەمی ئامیرێت ئاڤاکرنا ھوزانا وی ھەڤ بگرن تاکو ئارمانجا ھوزانی ب لڤاندنا ھەست و میشکی وەرگری ب رەنگەکێ ھونەری سواری پێلا بکەت ببەتە جیھانا ھوزانا خو لدوماھیی وەرگر خوشیێ دگەل مفای ژی وەرگریت
لسالا2009 سیدیێ بناڤێ (گوتگوتک) دیسان بەلاڤکر بھاریکاریا کومپانیا ڤین تیڤی ستایلەکێ نوی لکومپانیەکا تورکی ھاتە چاپکرن وب ھەزاران دانە ژێ ھاتنە فروتن کلیپا وەغەر ژێ ھاتە بەرھەمئیینان دڤی سیدی دا پتر بارێ ئافرەتێ و ئیسلاما سیاسی و نەتەوەیی و رەخنا جڤاکی وسیاسی تێدا بەرچاڤبون
دھەمان دەمدا وپشتی سالەکێ لسەر داخازا یەکەتیا نڤیسەرێن کورد ھوزانێن وی سیدی دگەل کومەکا دی یاھەلبەستان بونە پەرتوکەک بھەمان ناڤ(گوتگوتگ) دیوانەکا دی یا ھەلبەستان ئێکەتیا نڤیسکارێن کورد تایێ دھوکێ چاپکرنا وێ ب ئەرکێ خو زانی ژبەرکو شەعبان ئەندامێ کارا یێ نڤیسکارێن کوردە تایێ دھوکێ
لسالا 2011 شەعبانی سیدیێ خویێ ب ناڤێ (رابە خانی) دەرکریە کو ژ بابەتێن دلینی رومانتیک تێکەلبویە دگەل بابەتێن نەتەوەیی وەک گازیا خانی بو دەولەتبونی ژ سەرکردێن کورد ھەلبەستا شنگال و کەرکوک و ڤێ جارێ ب ستایلی تێکەلیا سترانێ دگەل ھەلبەستێ ھاتە مەیدانێ نمونە کلیپا (رابە خانی) کو دەستپێک ب سترانا (راپ) یا ئەمریکی تێکەلی دکەل ھەلبەستێ و دیڤدا سەلیقەکا سترانا کوردی کو کوردان دئاڤاکرنا کەلا (دمدم) دا دگوت ئەڤ ستایلی نوی شەعبان شیا خو نیزیک سنێلێ کورد بکەت وھزرا خانی و نەتوەبونێ بدەتێ
و دوماھیک کارێن نوی و نوکرنا ستایلی وپشتی شەرێ داعش شەعبانی گوتنا ھەلبەستێ دگەل سترانێ بو پشتەڤانیا پێشمەرگەیی سترانەک دووقولی ھەلبەست و ستران دگەل (رێکێش سەیرانی) ئینا دمەیدانێ دا پاشان بو یەکبوونا کوردا و ئێکگرتنا پێشمەرگە و شەرڤانان ل مەیدانێ شەعبانی دگەل (حەسن شەریف) کلیپ ھەلبەست و ستران بو خوراگریا کوبانێ دیاری گەلی گورد کر ل ھەر چوار پارچا

پەرتوکێت ھوزانڤان شەعبان سلێمان
1- پەرتوکا( دەولەتەک ژ عەشقێ ) یەکەم دیوانا ھەلبەستا لسالا 2006
2- پەرتوکا بیکا بارنێ دیوانا دووەم یا ھەلبەستا 2008
3- پەرتوکا ( گوتگوتگ ) دیوانا سێیەم یا ھەلبەستا 2009
4- پەرتوکا چوارەم رێزانا ھوزانێ دەربارەیی زانستێ ھوزانێ 2010

سیدی یێن شەعبان سلێمانی درستکرین
1- سیدیی تورا ئەڤینێ 2002 تومارکەھا دوسکی لقمان دوسکی وشیرواد عبدللە دھوک
2- دیوانا سیدی پەیاما عەشقێ 2004 دەزگەھێ ستیر دھوک
3- سیدیی ( تو ھاتیە چ ) 2007 دەزگەھێ حەسەن شەریف دھوک
4- سیدیی بیکا بارانێ 2008دەزگەھێ فین تیفی درستکرن ازاد عبدللە تومارکرن نێرت محەمەد
5- سیدی گوتگونگ 2009 دەزگەھێ ستێر ھاریکاری اوجیم قیێر وێنە ئاری جلال
6- سیدی رابە خانی 2012

کلیپێن شەعبانی چێکرینکلیپێن شەعبانی چێکرین
1- ستەمکار 2003 بەرھەمێ کوردستان تیڤی یا ئاسمانی دەنگ نسرەت محەمەد حەسەن دەرھێنان عادل عبدالرحمن
2- بەرسف 2006 وێنە دیار بەرواری ل ئستانبولێ ھاتیە وێنەکرن دەرھێنان سابر مستەفا بو ڤین تیڤی
3- کلیپا تو ھاتیە چ 2007 بەرھەمێ شەعبان سلێمان دەرھێنان ھەرمان محەمەد تاھر
4- کلیپا وەغەر 2009 بەرھەمێ شەعبان سلێمان دەرھێنان بێوار بداخ بو ڤین تیڤی
5- کلیپا ئەردەوان زاخویی 2010 بەرھەمێ دەلال تیڤی دەرھێنان کامیران بێتاسی
6- کلیپا دوھی وئەڤرو2011 بەرھەمێ ڤین تیڤی دەرھێنان بێوار بداخ
7- کلیپا تو بتنێ یا ژھەژی 2011 رشید یحیی بەرھەمێ دھوک تیڤی ل ستودیێ
8- کلیپا رابە خانی 2012بەرھەمێ ڤین تیڤی دەرھێنان حسێن حەسەن
9- کلیپا کەکێ پێشمەرگە 2013 فین حسێن حەسەن
10- کلیپا باران2013 دەزکەھی شڤین حسێن حەسەن
11- کلیپا داعش دکەل رێکیش سەیرانی 2014
12- کلیپا شەنکال 2014 وار تیڤی ھرمان محەمەد تاھر
13- کوبانێ 2015 دگەل حەسەن شەریف وار تیڤی دەرهێنان ھەرمان محەمەد تاھر
14- کلیپا دەولەت دەولەت دگەل رێکێش سەیرانی 2015

سترانێن شەعبانی دروستکربن یان پەیڤ یان ئاوازسترانێن شەعبانی دروستکربن یان پەیڤ یان ئاواز
1- چوپی فەتاح پەیڤێن سترانا مروڤایەتی ئاواز: محەمەد زکی
2- ماموستا ئێلی سترانا شەھید فێستیڤالا پەیمانگەھێ ئاواز: ماموستا خەتاب
3- حەسەن شەریف، پەیڤ و ئاوازێن سترانا کوبانێ و ئاوازا سترانا لێ نارینێ و پەیڤ ماموستا موید تەیب
4- محەمەد تاها ئاکرەیی، پەیڤ و ئاواز یێن سترانا حەشتە دکەم
5- بلند ئیبراھیم، ھوزانا سترانا دێ کەنگی کو ئاوازا ئەمیر سەدیقیە و ھوزانا سترانا چ گازندا نەکە ژ ئاوازێن بلند ئیبراهیم
6- کاروان کامل , ھوزانا سترانا مروڤایەتی ئاواز محەمەد زکی
7- نازک نێروەیی پەیڤ و ئاوازا سترانا لمن ببورە
8- ئیسماعیل جومعە پەیڤ و ھوزانا سترانا دینی خودانێ رەحمێ
9- رێبوار رئوف ،پ سترانا بیژە ئەری بدینی سورانی
10- شڤان گەرماڤی، پەیڤ و ئاواز سترانا کچکێ سلێ
11- وھبی سەدیق ، ئالا و دەولەت
12- سەمیر سەدیق ، سترانا تو ھاتیە چ
31- لوقمان دوسکی ، پەیڤێن سترانا زەریا جارا ئاوازا ئەمیر سەدیق و پەیڤ و ئاوازێن سترانا پپێشمەرگە
13- رێکیش سەیرانی پەیڤ وئاوازێن سترانا پێشمەرگە و دەولەت
14- ھوزان دەروێش سترانا ھەر دەمە کا
15- ئەمان نھیلی سترانا کا دێ وەرە
16- تیریژ ئورمی سترانا گەر تە دزانی
17- نزار محەمەد میکائیل سترانا من بوچنە جەرگ و دل
18- موفق گوران ئاوازا سترانا یارێ پەیڤ محەمەد عەلی یاسین
19- ئومێد بەرواری پەیڤ و ئاواز سترانا من تو دڤیێ و دیسا پەیڤێن سترانا دیسا شەڤ ھات ئاوازێن حەسەن شەریف
20- ھەژار محەمەد عەلی پەیڤ و ئاواز سترانا ھەر ڤەشێرە
21- دلنیا قەرەداغی پەیڤێن سترانا ئەز گوری تەمە لاوو ئاواز دلنیا قەرەداغی
22- عبدالقهار زاخویی ئاوازا سرودا روژا مە ھات پەیڤێت فرست حاجی
23- جوتیار زاخویی پەیڤێن سترانا وەرە ڤە ئاواز ئحسان میکائیل
24- زید سترانا ئینگلیزی بارانا دھێت گوتنا سترانێ د کلیپێ دا ھوزانا من ئاواز و گوتن زید
25- سەلاح ئەمین پەیڤێن سترانا بھێلە بژیم ئاوازا سەلاح ئەمین
26- نێچیر ھەورامی سترانا کچێ نەوێرم ئاواز نێجیر ھەورامی
27- نیکار کامل سترانا ئەز یێ دژیم ب عەشقا تە ئاواز نیکار کامل
28- ھەرێم موحەمەد سترانا من حەزکر ئاواز ھەرێم موحەمەد
29- حەسەن شەریف سترانا باران ئاواز حەسەن شەریف

ئەو کەسین هوزانێن شەعبان سلێمان ئاوازکرینئەو کەسین هوزانێن شەعبان سلێمان ئاوازکرین
1- بلند ئیبراهیم سترانا چ گازندا بو من نە کە بو خو ئاوازکریە
2- خەتاب سترانا عمر شەھید بو ماموستا ئێلی ئاوازکریە
3- حەسەن شەریف سترانا دیسا شەڤ ھات بو ئومێد بەرواری ئاوازکریە
4- محەمەد زەکی سترانا وەرن مروڤایەتیێ بو چوپی فەتاح ، کاروان کامل و ھونەرمەندێ ئەمریکی دانا مایرس ئاوازکریە
5- رێبوار رەوف سترانا بێژە بو خو ئاوازکریە
6- بەرەڤان حسێن سترانا تو هاتیە چ بو سەمیر سەدیق ئاوازکریە
7- ئەمیر سەدیق سترانا زەریا جارا بو لوقمان دوسکی ئاوازکریە
8- تیریژ ئورمی سترانا گەر تە دزانی بو خو ئاوازکریە
9- دلنیا قەرە داغی سترانا ئەز گوری تەمە بو خو ئاوازکریە
10- ئحسان میکائیل سترانا وەرە ڤە بو جوتیار زاخویی ئاوازکریە
11- سەلاح ئەمین سترانا بھێلە بژیم بو خو ئاوازکریە
12- نێچیر ھەورامی سترانا کچێ نەوێرم (بادینی/ سورانی) بو خو ئاوازکریە
13- نیکار کامل سترانا ئەز یێ دژیم ب عەشقا تە بو خو ئاوازکریە
14- ھەرێم موحەمەد سترانا من حەزکر (بادینی/ سورانی) بو خو ئاوازکریە
15- حەسەن شەریف سترانا باران بو خو ئاوازکریە

دوماهیک کارێ درامایی کری ل سالا 2020 بو درمایەک ژ بو وار تیڤی نڤێسیە بناڤێ خەلو و جەلو پێک هات بو ژ 30 خەلەکان

باوەرناما دبلومێ ب زاستێ روژنامەڤانی ل سالا 2017\2018 ل زانکویا پولیتەکنیک\ دهوک پەیمانگەها تەکنیکی\کارگێری ب دەست خوڤە ئینایە.[1]