بە یەکێک لە چالاکترین ئافرەتە شانۆکارەکانی کورد ئەژمار دەکرێت، هەروەها چەندین کاری شانۆیی بە تەنیا لە کوردستان و ئەوروپا پێشکەش کردووە.
ناوی تەواوی (تەلار جەمال خدر) ە، ساڵی 1972 لە گەڕەکی قولەی شاری #ڕانیە# لەدایک بووە، ساڵی 1985 لە قۆناغی خوێندنی سەرەتایی بووە دەستی بەکاری هونەری کردووە بە شانۆگەریەکی منداڵان بەناوی (چۆلەکەکان) ، ساڵی 1988 و 1989 لە #رانیە# بەشداری کردووە لە شانۆگەری (نالی خەونێکی ئەرخەوانی- شێتەکانی ئەم ڕۆژگارە) ، دەرچووی پەیمانگایی هونەرە جوانەکانی #سلێمانی#یە 1994، ساڵێک مامۆستای بەشی شانۆیی پەیمانگایی هونەرە جوانەکانی #هەولێر# بووە، لە ساڵی 1996وە لە تاراوگە دەژی و لەوی زۆرتر و پڕۆفیشناڵ تر بەردەوام بووە، لە دوو گرووپی شانۆی سوید و تیپی شانۆیی ئارارات کاری کردووە و ئەندامە، لە ناسراوترین بەرهەمەکانی (مەرگ و کچ- دایکە ئازاکە- کورسییەکان- ژنەکەی ئەو ماڵە- خاڵە ڤانیا- میدیا- بەردی سەبوری) وچەندانی تر، لە سوید (فیلمی هیوا- درامای وەرشەی خێزانی) ، لە کوردستان (ئاکامی نەهێنیەکان- پەناگایی هیوا) ، خەڵاتی باشترین ئەکتەری پێ دراوە، 1989لە شانۆگەری شێتەکانی ئەم ڕۆژگارە،
بەرهەمەکانی: (چۆلەکەکان 1985) (نالی و خەونێکی ئەرخەوانی 1988) (شێتەکانی ئەم ڕۆژگارە 1989) (شا ژنی یاخی بووەکان) (شوورای چین) (دایکە تازەکە) (کورسییەکان) (سەمای ڤێتنامی) (ژووری ژمارە 6) (ماسییە ڕەشە بچکۆڵەکە) (دارستانی بەختیاری) (مەرگ و کچ) (فیلمی سینەمایی- هیوا) [1]