ئێکەمین دەزگەهێ خواندنە بلندە ل دەڤەرێ، و هاتیە دامەزراندن لپەی بریارا سەروکاتیا ئەنجومەنێ وەزیران یا ژمارە (4579) ل رێکەفتی 29-08-2004 ێ.
ئەڤ پەیمانگەهە بلندترین دەزگەهێ خواندنێ یە ل دەڤەرا ئامێدیێ، کو دکەڤیتە سەنتەرێ باژێرکی. و دوو پشکێن زانستی ب خوڤە دگریت، پشکا کارگێری کار و سیستەمێن کومپیوتەری) نە.
پەیمانگەها تەکنیکی یا ئامێدیێ هەر ژ دەستپێکا خو گەلەک کێماسی هەبوینە تایبەت د بوارێ ستافێ زانستی و نەبوونا ئاڤاهیەکێ گونجای و هولێن خواندنێ ب ئاستەکێ پێتڤی وە ئەڤ کێماسیە ژی نە بتنێ ل ڤێ پەیمانگەهێ هەبوینە بەلکی ل زوریا زانکو و پەیمانگەهێن هەرێما کوردستانێ توشی ڤێ ئاریشێ بوینە، ئەڤ کێماسیە ژی بوینە ئەگەرێ وێ چەندێ پەیمانگەە نەشیایە پشکێن خواندنێ ل خو زێدە بکەت ژ بلی هەر دوو پشکێن هەین، دیسان ژ لایێ هژمارا کادر و کارمەندێن لێ هاتینە دامەزراندن ناڤبری بو مە دیار کر کو ل سالا دامەزراندنێ، هژمارا کارمەند و وانەبێژا ب تنێ هەڤدە(17) کەس بوون، لێ سال بو سالێ هژمارا میلاکێ پەیمانگەهێ بەرەڤ زێدە بوونێ ڤە چوویە، تا ئەڤ سالا خواندنێ (2009-2010) ێ بوینە 72 (حەفتێ و دوو) کەسی د هەمی بوارێن پێتڤی دا.
سەبارەت هەلگرێن باوەرنامێن بلند (دپلوما بلند، ماستەر و دکتورا) ل سالا دامەزراندنێ دب تنێ ئێک هەلگرێ نامەیا بلند بوو (ماستەر)، لێ د سالێن لدویڤدا کومەکا فەرمانبەران ئەوێن لسەر میلاکێ پەیمانگەهێ هاتینە وەرگرتن ل زانکویا دهوکێ ب مەرەما وەرگرتنا باوەرنامێن بلند د پسپوریێن جودا جودا دا.
ل پەرتوکخانا پەیمانگەها تەکنیکی یا ئامێدیێ ڤە ب هزارەهان پەرتوکێن هەین کو د بوارێن جودا جودا یێن زانستێن (کومپیوتەری، کارگێری ب هەمی جورێن خو ڤە - جڤاکی – یاسایی و دەروونی و گشتی) تێدا هاتینە خرڤەکرن و روژانە قوتابی مفای ژ پەرتوکخانێ وەردگرن.
سەبارەت ئاڤاهیێ پەیمانگەە تێدا ئاکنجی (ئەڤ ئاڤاهیێ نوکە پەیمانگەە تێدا ئاکنجی د بەروەختە ئەو ژی ئاڤاهیێ "سەندیکا ماموستایێن ئامێدیێ " یە.
و جهێ ئاماژە پێکرنێ یە کو نوکە ئاڤاهیەکێ مودێرن (هەڤچەرخ) دەرڤەی سەنتەرێ قەزا ئامێدیێ ل رێێا مرێبکا دهێتە ئاڤاکرن و وەسا بریارە کو ئەڤ ئاڤاهیە پشتی دەمەکێ کێم ب دویماهی بهێت و ل وی دەمی هەمی پشک و بنکێن پەیمانگەهێ دێ هێنە ڤەگوهاستن بو ئاڤاهیێ نوی.
دەربارەی هژمارا قوتابیێن لێ هاتینە وەرگرتن و دەرچوون، کو هژمارا قوتابیێن لێ هاتینە وەرگرتن ل سالا دامەزراندنا پەیمانگەهێ (2004-2005) 35 سیە و پێنج قوتابی بوون و خوێندنا خو ل پەیمانگەها تەکنیکیا یا دهوک دەستپێکربو ماوێ هەیڤەکێ، ژ بەر کو ئاڤاهیێ پەیمانگەهێ ل ئامێدیێ دهاتە نویژەنکرن. ل سالانە هژمارا قوتابیێن ل پەیمانگەهێ دهێنە وەرگرتن زێدە دبن ل دویڤ پلان و رێنمایێن (ناڤەندا وەرگرتنا قوتابیان) ل هەڤلێرێ، و د ئەڤ سالە دا هژمارا قوتابیێن ل پەیمانگەهێ هاتینە وەرگرتن ل گەل قوتابیێن بەردەوامن ل سەر خواندنا خو دگەهنە (276) دوو سەد و حەفتێ و شەش قوتابیان، دیسان سەرجەم قوتابیێن دەرچوین هەر ژ سالا (2004-2005) ێ تا ئەڤ سالە ل پەیمانگەها تەکنیکی یا ئامێدیێ (189) قوتابیا یێن دەرچووی. و بارا پتر ژ وان قوتابیێن دەرچووی سەر میلاکێ پەروەردێ هاتینە دامەزراندن.