ناو: ئەڤین
نازناو: ئەڤین هروری
ناوی باوک: تاهیر ئیبراهیم
ساڵی لەدایکبوون: 1974
شوێنی لەدایکبوون: شاری #دهۆک#
$ژیاننامە$
یاساناس و سیاسەتمەدار ئەڤین تاهیر ئیبراهیم، ناسراو بە (ئەڤین هروری)، ساڵی 1990 پەیوەندی بە ڕیزەکانی #پارتی دیموکراتی کوردستان#ەوە کردووه، ساڵی 2010 لە کۆنگرەی سێزدەیە‌مدا بە‌ ئەندامی ئەنجومەنی سەرکردایەتی پارتی دیموکراتی کوردستان هەڵبژێردراوە‌ و کراوەتە یاریدەدەری بەرپرسی مەکتەبی ناوەندی ڕێکخستنی پارتی دیموکراتی کوردستان.
ئەڤین هروری ساڵی 1974 لە دهۆک لەدایکبوو.‌ ساڵی 2008 بەکالۆریۆسی یاسای لە بەشی یاسا و ڕامیاری لە زانکۆی دهۆک وەرگرتووە. شارەزای زمانەکانی کوردی و فارسییە.
$خەباتنامە$
‌ ساڵی 1975 لە دوای نسکۆی شۆڕشی ئەیلوول لەگەڵ خانەوادەکەی وەک پەنابەر ڕووی لە وڵاتی ئێران‌ کردووە. ساڵی 1990 پەیوەندی بە ڕیزەکانی پارتی دیموکراتی کوردستانەوە کردووە و ساڵی 1998 گەڕاوەتەوە باشووری کوردستان و وەکوو کادیر لە ڕێکخستنی پارتی دیموکراتی کوردستان کاریکردووە. ساڵی 2007 کراوەتە بەرپرسی ئەنجومەنی پارێزگای دهۆکی #یەکێتی ئافرەتانی کوردستان#.
ساڵی 2010 لە کۆنگرەی سێزدەیەمدا بە‌ ئەندامی ئەنجومەنی سەرکردایەتی پارتی دیموکراتی کوردستان هەڵبژێردراوە‌ و کراوەتە یاریدەدەری بەرپرسی مەکتەبی ناوەندی ڕێکخستنی پارتی دیموکراتی کوردستان.[1]