ئەم نەخشە هەڵکۆراوە، لە قەدپاڵی چیایی دەربەندی بێلوولە، لە بەرزی نزیکە 150 م لە نزیک گوندی بێلوولەی شارەدێی #مەیدان#.
ئەم نەخشەیە (90 سم) درێژە، نەخشی جەنگاوەڕێکە، کە پێی خستووەتە سەر سنگی یەکێک لە دوژمنەکانی و سەربازێکی دیکەیان لەسەر چۆکە و لەم جەنگاوەرە دەپاڕێتەوە. جەنگاوەرەکە بە قەبارەی گەورەتر دروستکراوە.
نووسێنێکی مێخی لەنێو چوارچێوەیەکدا هەیە، نووسینەکەی بەشێوەیەکی ناڕێک نووسراوە و تەواونەکراوە، تا ئێستا خوێندنەوەیەکی تەواو دڵنیا بۆ نووسینەکە نەکراوە، بەڵام یەکێک لە خوێندنەوەکان ناوی پادشاکەی بە (تاردوونی) خوێندووەتەوە.
سەبارەت بە مێژووی نەخشەکەی بۆچوونی جیاواز هەیە، هەندێکیان دەیگەڕێننەوە بۆ کۆتایی هەزارەی دووەم و سەرەتای هەزارەی سێیەم.
[1]