وتەبێژی بەڕێوەبەرایەتی هاتوچۆی هەولێر ڕایگەیاند، لەماوەی سێ ڕۆژی جەژنی نەورۆزدا حەوت ڕووداوی هاتوچۆ ڕویانداوە و بەهۆیەوە کەسێک گیانی لەدەستداوه و 11 کەسی دیکەش برینداربووە.
رائید فازڵ حاجی وتەبێژی بەڕێوەبەرایەتی هاتوچۆی هەولێر لەکۆنگرەیەکی ڕۆژنامەوانیدا ئەمڕۆ پێنجشەممە ڕایگەیاند، پلانەکەمان بەسەرکەوتوویی جێبەجێکرا و خەڵکی هەولێریش پابەندی پلانەکانی هاتوچۆ بوون، بەڵام بەداخەوە هەندێک ڕووداوی هاتوچۆ ڕوویاندا هەرچەندە ڕووداوەکان کەمتر بووە، بەڵام ژمارەی قوربانیان زیاتر بووە.
وتیشی: "لەکۆی 7 ڕووداوی هاتوچۆ 11 هاوڵاتی برینداربوو، یەک هاوڵاتیش گیانی لەدەستداوە و پێنج لەرووداوەکان لەدەرەوەی شار بووە و یەکێکیان بەهۆی سەرخۆشی و یەکێکیش بەهۆی ماتۆرسکلیەوە بووە".
وتەبێژی بەڕێوەبەرایەتی هاتوچۆی هەولێر ڕەتیشیکردەوە، گەشتیارانی عەرەب کێشەی هاتوچۆیان دروستکردبێت، چونکە ئەوان لەرێگەی کۆمپانیا گەشیاریەکان و پاسی تایبەتی گەشتیاریەوە هاتوون.
- 25-03-2016
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 3,850 جار هاتیە دیتن
ڕایا خو دەربارەی ڤی بابەی بنڤێسە!