دواڕۆژ، بورهان یەحیا
لژنەیا لێبۆرینا گشتى ل پارێزگەها #دهۆک# ئەرکێن خۆ ب دووماهى ئینان و ب ڤى رەنگى 681 کەسان مفا ژ قانوونا لێبۆرینا گشتى وەرگرت و هاتنە ئازادکرن یان سزایێن وان کێم بوون.
دلێر عەبدوللا ئەندامێ لژنەیا لێبۆرینا گشتى ل پارێزگەها دهۆک د راگەهاندنەکێ دا کو دانەیەک بەردەستێ دواڕۆژە ئاماژەکرییە پشتى بۆرینا 8 مەهان ژ کارێ لژنەیا لێبۆرینا گشتى ل دهۆک 502 کەس مفادار بوون و هاتنە ئازادکرن کو پترییا وان کو 310 کەس بوون ب رێژەیا 100% لێبۆرین ژێ گرت و دووڤدا 162 کەس ب رێژەیا 30% مفادار بووینە.
دیارکر ب یاسا لێبۆرینا گشتى 179 کەس مفادار بووینە و دەمێ زیندانبوونا وان ب رێژەیێن جودا هاتییە کێمکرن لێ ئازاد نەبووینە و ب ڤى رەنگى کو 91 کەس ب رێژەیا 30% سزایێ وان هاتییە کێمکرن و دووڤدا 70 کەس ب رێژەیا 20% و 10 کەس ب رێژەیا 100% بتنێ لێبۆرین ژ ئێک دۆسیەیا وان گرتییە.
خویاکر ل دەمێ دەرکرنا بڕیارا لێبۆرینێ بۆ 7 کەسان دووبارە تاوان ئەنجامداینە لەوا بڕیارێن وان هاتنە هەلوەشاندن کو 5 ژوان ب رێژەیا 100% مفادار بوون و 2 کەس ژى ب رێژەیا 30% مفادار ببون.
ئاماژەکر سەرجەمێ گشتیێ مفادارێن هاتینە ئازادکرن 502 کەس بوون و یێن سزایێ وان هاتینە کێمکرن ژى 179 کەس بوون و یێن بڕیارا لێبۆرینا وان ژبەر دووبارەکرنا تاوانێ هاتییە هەلوەشاندن ژى 7 کەس بوون کو سەرجەمێ وان دبیتە 688 کەس.[1]
#21-09-2018#