غاری بارگير هەتا ناوقەدی هەورازە
بارگير لەڕەسەنی ئەسپ و ماين-ە و لەبەر خراپی بۆ ئەسپ سواری و غاردان ناگونجێت يان لەبەر قرغی و بچوکی خاوەنەکەی ناچار بۆ گواستنەوەی کەل وپەلەکان و بار بەکاری دەهێنێت، کەواتە بارگير ڕانەهێنراوە بۆ سوارسوارێنێ و غارغارێن ئەگەريش له و بوارە تاوی بدەيت ئەوا غاری تا ناوقەدی هەورازە و لە هەورازی سەخت و دژواردا پەکی دەکەوێت و ناتوانێت بەردەوام بێت و لە پێشبڕکێکە دا دەدۆڕێت، ئينجا ئەم ئيديۆمە بەشێوەی-تريش هاتووە لەجياتی بارگير، پشيلە کراوە بەنمونە و وتراوە(بازی پشيلە تا دەرگای کادينە) لێرەدا لەجياتی بازدان غاردان بۆ بارگير هاتووە ئەوە بەمەبەستی سوکی و کەم سەيرکردن بەکاردەهێنرێت بۆ کارێک يان ئيشێک يان خۆهەڵکێشانی پياوێک يان کەسێک بە تەنزەوە پێی دەوترێت هيچ خۆتان سەغڵەت مەکەن(غاری بارگير هەتا ناو قەدی هەورازە)
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 935 جار هاتیە دیتن