کینەکانی خۆڕاگری شەنگال-یەبەشە لە ساڵیادی کۆمەڵکوژی شەنگالدا ڕاگەیێنراوێکی بڵاو کردەوە کە تێیدا هاتووە:
بەر لە هەموو شتێک یادی هەموو ئەو شەهیدانە دەکەینەوە کە بوون بە قەلغانی ئاگرین و گیانی خۆیان بەخت کرد و بوون بە سیمبولی تێکۆشانی دژی داگیرکاری و قڕکردن، بوون بە ناسنامە و شکۆی گەلەکەیان. ئەو ڕەنج و قوڕبانیانەی #شەڕڤان#انی ئازادی بۆ گەلەکەمان دایان، هەموویان بە ڕێز و حورمەتەوە یاد دەکەینەوە.
ئێمە وەکو گەلی شەنگال لە 6هەمین ساڵیادی 73هەمین فەرمانداین کە بە دەستی چەتەکانی #داعش# ئەنجامدرا، لە 7هەمین سالیادیشیدا بە پێشەنگایەتی شەهید مام زەکی، بەرخۆدان، زەردەشت، پیر حەمید، نازێ نائیف و بێریڤاندا، عێراقی فیدراڵ و دیمۆکراتیک و خۆسەری شەنگال بە تێکۆشانێکی گەورە بەدی دێنین.
بە تایبەت گەلی ئێمە و ڕای گشتی جیهان ئەوەی بە ڕوونی بینی کە هۆکاری هێرشەکانی دوژمن بۆ سەر گەلەکەمان، دەگەڕێتەوە بۆ خۆبەرێکخستن نەکردن و نەبوونی هێزی جەوهەری. جگە لەم هۆکارانە هۆکارێکی دیکەش ئەوەیە کە لە چوارچێوەی 73هەمین فەرماندا گەلەکەمان لە دەرەوەی هێزی جەوهەری خۆی، بڕوای بە هێزێکی دیکە کردبوو. چونکە پەدەکە کە دەیوت، شەنگال دەپارێزین، بەڵام لە 73هەمین فەرماندا پشتی لە گەلەکەمان کرد و ڕایکرد، بە تایبەتی گەلەکەمان و گشت گەلانیش ئەوەیان بۆ ئاشکرا بوو کە ڕۆلێکی چۆنی بینی.
گەلەکەمان ئەوەشی بۆ ئاشکرا بوو کە لەو فەرمانەدا کێ خاوەنداری لێکرد و کێ پشتی تێنەکرد و کێش قوربانی بۆیدا. جارێکی تر ئەوەی بینی کە کێ خیانەتی لێکردن و پشتی تێکردن و ڕایان کرد. بۆیە گەلەکەمان هیچ کات ڕەنجی شەڕڤانانی ئازادی لەبیر ناکات و جارێکی دیکەش ڕێگە نادات کە ئەوانەی خیانەتیان لێکردن، لەسەر خاکی شەنگال بژین. ئەو کەسانە لە ئێستادا هەوڵدەدەن ئەو ڕەنج و قوربانیەی درا، ڕەش بکەن، دیسان ویستیان خۆیان وەکو خاوەنی کۆمەڵگای ئێمە پیشان بدەن و لە گەڵیشیدا ئەم فەرمانە وەکو بازرگانی بەکار بێنن، بەڵام ناتوانن خۆیان لەو ڕووە ڕەشە ڕەزگار بکەن.
گەلەکەمان کە ئیدی دەرسی لەو فەرمانانە وەرگرت کە بەسەری هاتوون، بە گەورەکردنی هێزی جەوهەریان، سیاسەتی خۆبەڕێوەبردن لەسەر بنەمای پارادیگمای نەتەوەی دیمۆکراتیک هێزی جەوهەری خۆی بونیاد دەنێت. گەلەکەمان کە باش دەزانێت گەورەترین وڵامدانەوەی فەرمان و کۆمەڵکوژیەکان، ئەوپەڕی بە پارادیگمای نەتەوەی دیمۆکراتیک و لەم چوارچێوەیەدا بە بونیادنانی عێراقی فیدرال و دیمۆکراتیک و خۆسەری شەنگال بەدی دێت. ئەمەش لە دوای فەرمانی 73هەمیدا ڕوونتر بەدی کرا. بۆ ئەمەش، بە بەرفراوانکردنی ڕێکخستنی جەوهەری خۆی لەسەر بنەمای پاراستنی جەوهەری، ڕێگە نادەین دوژمن بگات بە ئامانجەکانی.
لەماوەی ئەو 6 ساڵەدا هەم بۆ ئازادکردن و هەم بۆ پاراستنی شەنگال بۆ ئەوەی بگاتە ئارامی خۆی، هێزەکانمان لە یەبەشە و یەژەشە، ڕۆڵێکی گەورەیان بینی. دوای ئازادکردنی شەنگال و بەدیهاتنی ئارامی شەنگال، گەلەکەشمان دەستی بە گەڕانەوە کرد. تا ئێستا بە هەزارن خانەوادەمان گەڕاونەتەوە بۆ شەنگال. ئەمەش بۆ یەکەم جارە لە مێژووی گەلەکەماندا ڕوودەدات. گەلەکەمان لە ئەنجامی کۆمەڵکوژیەکانی پێشووتردا کە شانسی گەڕانەوەیان نەبوو بۆ سەر خاکەکەیان، دوای هەر کۆمەڵکوژیەک بە ناچاری کۆچیان پێدەکرا. بەڵام لە 73 هەمین فەرماندا، هێزەکانمان لە یەبەشە و یەژەشە لەگەڵ خۆڕاگری گەورەی گەلەکەمان، کۆتاییان بەو مێژووە هێنا. ئەوە بووە هۆکاری گەڕانەوەی گەلەکەمان. ئەمە لەگەڵ خۆشیدا، لە چوارچێوەی پارادیگمای نەتەوەی دیمۆکراتیکدا بە تایبەت گەلەکەمان و بە گشتی گەلانی ناوچەکە خۆیان بەرێکخستن کرد و سیاسەتیان کرد و بە بونیادنانی هێزی جەوهەری خۆی، بۆ هەموو گەلانی ناوچەکە بوون بە بناغەی ژیانێکی ئارام. لێرەدا گەورەترین پشکی تێکۆشان هی شەهیدانمانە. لە تێکۆشانی 6 ساڵدا ئەگەر دەستکەوتێکمان بەدەست هێنابێت و گەیشتبینە ڕۆژی ئەمڕۆ، ئەوا لە سایەی خۆڕاگری و تێکۆشانی شەهیدانی وەکو مام زەکی، بەرخۆدان، دڵگەش، بێریڤان، نوژیان، نازێ نائیف، زەردەشت و نزیکەی 400 شەهیدەوە بەدی هات.
بە تایبەت دەوڵەتی فاشیستی تورک و هاوکارانی، کە هیچ ئەنجامێکیان لە 73هەمین فەرمان بەدەست نەهێنا، تەنانەت لەم ڕۆژەشدا ڕووبەرووی هێرشەکانی بووینەتەوە. ئێمە لە قۆناغێکی بەم شێوەیەدا دەژین. خۆڕاگری گەل و هێزەکانمان لە یەبەشە و یەژەشە وەک چۆن فەرمانی 73هەمینی 3ی ئابی ساڵی 2014ی بێئەنجام هێشتەوە، وەکو چۆن بۆ ئازادکردنی شەنگال و ئارامی ناوچەکە، ڕولێکی گەورەمان بین، لە ڕۆژی ئەمڕۆشدا بە ڕۆحی خۆڕاگریە بێوێنەکەی شەهیدانمان، لە خۆڕاگریدا دەبین و ئەو هێرشانە پوچەڵ دەکەینەوە.
بێگومان زیهنیەتی قڕکەر و کۆمەڵکوژ، هیچ کات ناوەستێت و هەمیشە لە هەوڵی ئەوەدا دەبێت کە گەل ڕووبەرووی کۆمەڵکوژی بکاتەوە. ئەمڕۆ بە تایبەت بۆ گەلەکەمان و گەلانی ناوچەکە، مەترسی ئەنجامدانی کۆمەڵکوژی بەردەوامی هەیە. وەکو چۆن لە ساڵی 2014دا ئەبوبەکر بەغدادی لە موسل خەلافەتی ڕاگەیاند، ئەمڕۆش ئەردۆغان لە ئایاسوفیا خەلافەتی خۆی بۆ گشت جیهان ڕاگەیاند. ئەمەش بە تایبەت بۆ گشت گەلەکەمان و گەلی عەرەب و گەلانی ناوچەکە و ڕۆژهەڵاتی ناوەڕاست دەبێتە مەترسیەکی گەورە. زیهنیەتی فاشیستی ئاکەپە-مەهەپە ئەو خەلافەتەی لە ئایاسۆفیا ڕایگەیاند، بە هێرشی قڕکردن لە ڕۆژهەڵاتی ناوەڕاستەوە دەستی پێکرد و ئەوەش ئاشکرا دەبێت کە وازیان ئاوات و خەونی عوسمانی و میساقی میللی نەهێناوە. ئەم زیهنیەتەی ئەردۆغان لەگەڵ خۆیدا بۆ گەلەکەمان، گەلی عەرەب و گەلانی ناوچەکە و گشت جیهان، مەترسی ئەلقاعیدە و ئیخوان موسلیمین دێنێت. بۆ ئێمە وەکو هێزی یەبەشە و یەژەشە لەم 6 ساڵەدا بە پێشەنگی مام زەکی، بەرخۆدان، زەردەشت، حەمید، نازێ و بێریڤان، وەکو چۆن بە خۆڕاگریەکی گەورە بووین بە وڵام، ئەمڕۆش بە خۆڕاگری ئەم شەهیدە پێشەنگانەمان، تێکۆشانێکی گەورەتر دەکەین و لە بەرامبەر ئەو هێرشانە دەبین بە وڵام.
بۆ ئەمەش ئێمە بانگەوازی ئاڕاستەی گەلەکەمان و گەلانی ناوچەکە دەکەین، کە هەموومان بە یەکەوە لە 7هەمین ساڵیانی فەرمانی 73 هەمیندا، لە دەوری یەبەشە و یەژەشە هێزی پاراستنی جەوهەریمان گەورەتر بکەین، بەمەش دەتوانین ڕێگری لە هێرشی دوژمنان بکەین و ئازادی خۆمان بپارێزین.[1]