بيرهاتنا (29) سالييا دامەزراندنا بنگەهێ لالش يێ ڕەوشەنبيرى ل هەمى ئەندام و کادرێن بنگەهى و تەڤايا خوشک و برايێن ئێزدى پيرۆز دکەم. ب ڕێز و پێزانين ل کار و خەبات و چالاکى يێن بنگەهێ لالش دنێڕين کو هەرتم وەک دروشما وێ دبێژيت: کانييەکا زەلالە دهەرکە د رووبارێ رەوشەنبيرييا کورديدا.
د ڤێ بيرهاتنێدا جارەکا دى هەمى خوشک و برايێن خۆ يێن ئێزدى پشتڕاست دکەين کو وەک هەرتم دێ پشتەڤانێن ماف و داخازێن وان بين و هەر چ پێويست بيت دێ کەين، هەروەسا هندى خوشک و برايەکێ ئێزدى، رەڤاندى مابيت، دێ هەولێن مە ژبۆ ڕزگارکرنا وان، يان ديارکرنا چارەنڤيسێ وان بەردەوام بن.
ئەم ب دلگرانى ل بوويەرێن دەڤەرا شەنگالێ و نەچاربوونا خوشک و برايێن ئێزدى دنێڕين کو جارەکا دى ئاوارە دبن. داخازێ ژ حکوومەتا عيراقێ دکەين ب هاريکاريێ دگەل حکوومەتا هەرێما کوردستانێ هەمى هەولا بدەن بۆ ئارامکرنا ڕەوشا شەنگالێ و هەمى دەڤەرێن ئێزديان و ئاڤەدانکرنا وان و ڤەگەڕاندنا ژيانێ و خزمەتگوزارييان ژبۆ وان.
هەر ب ڤێ هەلکەفتنێ، سەرۆکێ بەرێ يێ دەستەيا بلندا بنگەهێ لالش يێ ڕەوشەنبيرى خودێ ژێ زێ ڕازى شێخ شامۆ و کار و خزمەتا وى ب بير تينين کو بەرى هەيامەکێ کۆچا داويێ کر. بيرهاتنا وى ب خێر و جانێ وێ شاد.
نێچيرڤان بارزانى
سەرۆکێ هەرێما کوردستانێ
[1]
2022/5/12
⚠️ تێبینی: ئەم بابەتە بە رێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!