ئەڤرۆ، شاکر ئەتروشی:
عیسا بەنستانی، هەلبەستڤانێ دیارێ باژێرێ زاخۆ، د دیدارەکێ دا بۆ پەرپەرێ ئەدەبی یێ رۆژناما ئەڤرۆ دیارکر کو ل سالا
1967 کو ل وی دەمی ژیێ وی هەڤدە سال بوون حەزا نڤیسینا هەلبەستێ ل دەف وی پەیدابوو، لەورا دەستپێکر، هەتا سالا
1979 حەفت هەلبەستێن خوە دانە هونەرمەندێ نەمر (
ئەردەوان زاخۆییئەردەوان زاخۆیی) شەش ژوان ب دەنگێ ئەردەوانی بوونە ستران و سترانا حەفتێ نەگەهشت تۆماربکەت، دووڤدا سترانا (کانی) دا هونەرمەند سەلام زاخۆیی، پشتی کریە ستران، حکومەتا ئیراقێ یا وی سەردەمی سەرا وێ سترانێ گەلەک نەخۆشی بۆ (سەلام)ی چێکرن و هاتە ئێشاندن.
دەربارەیی ڤێ چەندێ هوزانڤان عیسا بەنستانی گۆت: هەلبەستێن من ئەوێن هونەرمەند ئەردەوان زاخۆیی کرینە ستران، ئەڤە نە (سینەم ژارە، سوارو، دیلان، مالا پرکابانی، ئەگەر دنیا دەریا بیت، بێ مراد).
هەر وەسا عیسا بەنستانی باس ل هەلبەستێن خوە یێن ب دەنگێ هونەرمەندێن دیتر هاتین گۆتن کر و گۆت: پشتی وی من هەلبەست داینە گەلەک هونەرمەند و سترانبێژێن دی، ژوانا (سەمیر زاخۆیی، عەبدولقەهار زاخۆیی، عەدنان سالح، حاجی زاخۆیی، رێکێش سەیرانی، بزاڤ زاخۆیی، بلند ئیبراهیم، هەژار محەمەد عەلی) و گەلەکێن دی.
ئەڤرۆ: دەربارەیی چاپکرنا پەرتووکا، ئەرێ تە بەرهەمێن چاپکری هەنە؟
عیسا: بەلێ، ل سالا
2011 من سەد هەلبەستێن خوە د پرتووکەکێ دا ل بن ناڤێ (دەنگێ چیا) چاپکرن، هەروەسا پرتووکەکا دی ل دۆر خەباتا ئێکەتیا قوتابیێن کوردستانێ ل زاخۆ ل سالا
1970 هەتا 2021
ئەڤرۆ: ئەرێ ب چ شێوە تو هوزانێن خۆ ددی سترانبێژان؟ بەرامبەری وەردگری؟
عیسا بەنستانی: ئەزچو جاران بازارێ فرۆتنا هەلبەستان ل گەل چو سترانبێژان ناکەم و هەموویان ئەز هۆسا ددەمێ، بەس هندەک ژوان بەرامبەر وێ هەلبەستێ تشتەک وەک دیاری بۆ من هنارتیە.
ئەڤرۆ ئەرێ تو پەیام و ناڤەرۆکا هەلبەستا خۆ ل دووڤ داخوازیا سترانبێژان دنڤیسی؟
عیسا بەنستانی: بۆ زانین ژی ئەز چو هەلبەستان نانڤیسم هەکە پەیامەک تێدا نەبیت و ناڤەرۆکا وان ژی هەر ئەز دهەلبژێرم، ئانکو ل دووڤ داخوازا سترانبێژان چو هەلبەستان کو ئه و بۆ من ناڤەرۆکێ بێژن نانڤیسم.
ئەڤرۆ: تو ژدایکبوویێ سالا
1950 یە و نوکە خانەنشینە ل زاخۆ دژیی، ژبلی هەلبەستێ ب چ ڤە مژوولی و دەمێ خۆ دبۆرینی؟
عیسا: من دوارێ راگەهاندنێ ژی دا کارکریە و بۆ دەمێ چەند سالان پەیامنێرێ (رادیۆیا نەوا) بووم، پێنج سالان رێڤەبەرێ رادیۆیا زاخۆ بووم، هەروەسا من بەرنامەک ب ناڤێ (دیوانا مامێ عەبدال) ل رادیۆیا گەنجان هەبوو، وی بەرنامەی گەلەک دەنگڤەدا.
ئەڤرۆ: پرۆژە و بەرهەمێن تە یێن داهاتی هەنە؟
عیسا: بەلێ، ژبلی کو من ل گەل نڤیسکار جەگەرخوین خورشید مە دو پرتووک چاپکرینە، ئه و ژی بەرناسێن کوردستانێ و بەرناسێن زاخۆ، ئەڤە دەمەکە ل گەل میدیاکار (شڤان عەبدی) مژوولی ئامادەکرنا پرتووکەکێ نە ل دۆر هەردو هونەرمەندان (ئەردەوان زاخۆیی و ئەیاز یوسف) پرتووک د قۆناغێن دووماهیێ دایە و کار یێ ل سەر بەردەوامە، هەر ئەز و شڤان مژوولی چەند پرتووکێن دی نە، ژوانا فۆلکلۆر و کەلتۆرێ زاخۆ و بەرناسێن بەهدینان یێن ساخ و پشکا دویێ ژ بەرناسێن کوردستانێ و یێن زاخۆ، کو ئەم ب هیڤینە ئیدارا سەربەخۆیا زاخۆ پشتەڤانیێ ل چاپکرنا وان بکەت، هەروەسا ل گەل (بەنستان عسمەت دیتۆ) مژوولی پرتووکەکا دی نە ل دۆر هۆزا بەنستانیان و بابێ وی (عسمەت دینۆ) دێ ب ئەرکێ چاپکرنا وێ رابیت.
[1]