فەرماندی ھێزا ئێزدخانێ ل شنگال دیارکر، کو ھەموو کوردێن ئێزدی دێ دەنگدانێ بەلێ بۆ ڕیفراندۆم و سەربەخوەیا کوردستانێ دەن، چونکو خەونا مللەتێ کورد دەولەت بوونە.
حەیدەر شەشۆ فەرماندی ھێزا ئێزدخانێ ل شنگال گۆت: ڕیفراندۆم بۆ سەربەخوەیا کوردستانێ خەونا ھەموو مللەتێ کوردە ژمێژە ئێزدی چاڤەرێ ڤێ ڕۆژا مێژوویی دکەن، ئێزدخان ھەموو دێ پێکڤە بەرەڤ دەنگدانا بەلێ بۆ ڕیفراندۆمێ و سەربەخوەیا کوردستانێ چن، چونکی ڕیفراندۆم دێ چارەنڤیسی شنگالیان دیار کەت، ئێدی ئێزدخان تووشی قڕکرنێ نابیت، و دێ ھێتە سەر ب ھەرێما کوردستانێ ڤە.
ناڤبری ھەروەسا گۆت: گرنگە ھەموو ئێزدی یەکرێز بن بۆ ڕیفراندۆمێ دەنگدانا بەلێ بۆ سەربەخوەیا کوردستانێ دەنگی بدەن، چونکی دێ ھەموو خەونێن مللەتێ مە بجە ئینت.
شێخ شامو نوونەرێ کوردێن ئێزدی ل پەرلەمانێ کوردستانێ وی ژی دیارکر، کو بڕیارا ئەنجامدانا ڕیفراندۆمێ بۆ سەربەخوەیا کوردستانێ ل دەڤەرێن دەرڤەی ئێدارا ھەرێما کوردستانێ بتایبەتی ھێڤی و ئومێدێن کوردێن ئێزدی گەش کرن.
نوونەرێ کوردێن ئێزدی ل پەرلەمانێ کوردستانێ دیارکر، کوردێن ئێزدی دگەلدانە ڕیفراندۆم بۆ سەربەخوەیا کوردستانێ بھێتە کرن، چونکی ڕیفراندۆم کلیلا چارەسەریا ئیش و ئازارێن کوردێن ئێزدی یە، دێ ئێزدی ژ غەدر و کارەسات و قڕکرن و فەرمانان قورتال بن و ب ڕیێا دەنگدانا بەلێ بۆ ڕیفراندۆمێ بۆ سەربەخوەیا کوردستانێ”.
پەرلەمانتارێ کوردێن ئێزدی خوەیا کر، نوکە دەم ھات دەست ب ھوشیارکرنا خەلکی بھێتە کرن، بۆ پێشکداریکرنا د ڕیفراندۆمێ دا، چونکی دوژمن دێ پلانێن خوە چڕترکەن بتایبەتی ل دەڤەرێن کوردێن ئێزدی نەخاسمە شنگالێ، پێدڤیە کوردێن ئێزدی ژێ ئاگەھداری پینگاڤیێن دوژمنان بن و باش بزانن، کا نوری مالکی دکارەساتا شنگالێ دا چو کریە و نوکە بۆ ئێزدیان چو کریە.
شێخ شامو، گۆت:” ئەو گرۆپ ولایەنێن دەرکی یێ بۆ تێکدانا ڕەوشا ئێزدیان ھاتینە شنگال پێدڤیە مجاملی ل سەر چارەنڤیسی ئێزدیان نەکەن چونکو ئەو گرۆپ ولایەن دژی ئێزدیان کاردکەن وان بەرژوەندیا کوردێن ئێزدی نەڤیت یا گرنگە خەلکی مە ژێ دھشیاربن وبریاری ل سەر چارەنڤیسی خوە بدەن”.
نایف سەیدۆ ڕێڤەبەرێ ناحیا سنۆنێ سەر قەزا شنگالێ ڤە دیارکرکو پتریا خەلکێ ناحیا سنۆنێ دێ پێشکداریێ ڕیفراندۆمێ دا کەن بۆ سەربەخۆیا کوردستانێ چونکو کلیلا چارەسەریا برینێن خەلکێ مەیە دێ کوردێن ئێزدی ژ کارەساتان ڕزگاربن و ژ میژایە کوردێن ئێزدی چاڤەری ڤێ ڕۆژا میژوویێ دکەن.
رێڤەبەرێ ناحیا سنۆنێ، دیارکرکو کوردێن ئێزدی گەلەک جاران داخوازکریە بھێنە سەر ھەرێما کوردستانێ ڤە لێ دوژمنان ئاستەنگ دروستکرینە بۆ ئێزدیان نوکە ئەو وەخت ھات کوردێن ئێزدی برینێن خوە چارەسەر بکەن ئەنجامدانا ڕیفراندۆمێ ل دەڤەرێن دەرڤەی ئێدارا ھەرێما کوردستانێ دێ مە ژ کێشەیێن دوو ئێداری ڕزگارکەت دێ ب فەرمێ ھێنە سەر ھەرێما کوردستانێ ڤە دێ باشتر کاروبارێن کوردێن ئێزدی ھێنە .
خۆیا ژی کر ئێزدی دێ ڕیێا ڕیفراندۆمێ خوە ژ عەرەبین غەدر ڕزگار کەن ھەر نوکە ئەم دێ دناڤ خەلکێ خوە دا کارکەین ب ڕیێا ھەمە جور گرنگیا ڕیفراندۆمێ بگەھتە ھەموو وەلاتیان ھەموو ھێز و شیانێن خوە خەلکێ مە دێ پشتەڤانیی ل ڕیفراندۆمێ کەت.[1]