ئاهێ ژ دەردێ دل نەکت، هەرچی نەدی ئازارێ چەرخ
دەربێ ل نێڤا دل ددت، لامع سفەت نووبارێ چەرخ
تێن سینەیان پەیکان نهین، ئامانجێ وان تیران ئەمین
داما بەلایێ دەر کەمین، هەر گۆشە دۆرمادارێ چەرخ
بیرا خوە تینن غەنجەیان، عاشق د نێڤ ئشکەنجەیان
تاڤێتە دل بەر پەنجەیان، هەردەم ژ نوو شونقارێ چەرخ
کو ڤان لەتیفان گولعزار، لەو تێن ژ بولبول ئاه و زار
شوونا گولان ڕەستینە خار، نێڤا جهێ گولزارێ چەرخ
سەد بازییان ئەڤ حەققەباز، تینت ب حیلە کارساز
گەه گەه کو نازە و گەه نیاز، سەححار و پوڕ مەککارێ چەرخ
هەرچی بخوونت سوحبەتێ، ئاخر د جاما شەربەتێ
زەهرا هەلاهل دێ دەتێ، دا دل نەدن ئازارێ چەرخ
ئەڤ ئەررەیا ژەهری ددان، من ژێ د دل دا بن سنان
ما ل بەهرێ فەرقێ دژمنان، بێت و بڕەت منشارێ چەرخ
دژمن ژ جان تالان بتن، ئەو خوەهرێ نالان بتن
مێلاک و دل کالان بتن، لێ بێت و ڕەت غەددارێ چەرخ
داڤ گەهتە خانی مسلی دەیر، چەندین کەواکب تێنە سەیر
پێکان ب داڤێ شوبهی تەیر، هەر ژێ دبارن تارێ چەرخ
ئەو گەزمەیێن وەک شوور و تیر، ڕەجم و بەلا ژێ تێنە ژیر
هندی کو دلبەر تێنە سیر، هەر وێ ئەڤە کردارێ چەرخ
شەمس ب شەمس جام ب جام، حەتتا دکن دەورێ تەمام
ئاتەش دڕێژت هەر مەدام، ئەڤ گونبەدێ دەووارێ چەرخ
ئاگر د ئاب و گل دکت، قەلبان ژ قەلبان هل دکت
مەتقەب د جان و دل دکت، دائم ئەڤستن کارێ چەرخ
چەندین د خووبانن ڕەزم، من ژێ د دل دانن گەزم
ئامانجێ وان ڕەمزان ئەزم، سەرعەسکەرێ سەییارێ چەرخ
من پوڕ شەڤان حەتتا سەحەر، دانینە ڕێ سەمع و بەسەر
ئەو ماهڕوو ما بێتە دەر، تا بیمە نەوبەتدارێ چەرخ
کەس دی ل لەوحێ سینە قەت، نەقشەک ڤە هاتی بێ غەلەت
هەردەم ژ نوو یەک تازە خەت، تاڤێتە دەر پەرگارێ چەرخ
مە ژ حەسرەتا شیرین لەبان، خەو تێتە چەهڤان قەت شەبان
فەریاد دەرن بەر کەوکەبان، پورسێ بکە ژ بیدارێ چەرخ
ڤان ڕەهرەوێن هممەت بلند، بەردانە مەیدانێ سەمەند
سەرگەشتەیین حەتتا ب چەند، ئەڤ ڕەکبێ مەشعەلدارێ چەرخ
گاڤەک ژ دەنگێ زەنگلان، ئێمن چ ڕوونین مەنزلان
هەی هەی ببینن مەحملان، فەریادە هەر قەنتارێ چەرخ
پوڕ من ژ ڤێ چەرخێ مەلا، کێشانە ئافات و بەلا
ئەبلەه دبینم وی هەلا، هەرچی ژ دل بت یارێ چەرخ
#مەلای جزیری# [1]