رەنگ و ڕووێ شێخ شەحتاند؛ ئەو ل تەریقێ غەلتاند
کچ کوشت و خوون لێ شەبتاند؛ شەرعێ ژ بابێ دیەتێ
رۆژا کو بەرسیس خەلقاند؛ تەقدیر ل ئاتی نەفقاند
ب ئەمرێ خودێ کچ خەنقاند؛ ب زاریی و قیامەتێ
حەیفا لەتیفا شەکەرین؛ دائو برا لێ تێت گرین
ئەوراد ل شەیخ گرتی برین؛ ڕەش کر ب داغا فرقەتێ
ل عابدای داغا ببێم؛ ل سۆرگولا باغا ببێم
یا سنبلا ئاغا ببێم؛ غەیری د باغێ حشمەتێ
یا ل گەردەنا ڕەنگ عاج ببێم؛ یا ل کوفیا ڕەنگ زەر تاج ببێم
هندی مەدحا ب دیباج ببێم؛ ناکم خلاس ڤێ قسسەتێ
یا قەنج ئەوە گوناه بکین؛ ڤێ نازکێ وندا بکین
ئیشەڤ د سەیلێڕا بکین؛ ئەللاه غەریق کت ڕەحمەتێ
ئەللاه ل بەرسیس حەکماند؛ شەیتان مغار لێ هەدماند
مالەک ب سەردا عەدماند؛ نائێتە سەر سەلاحەتێ
شەیتان ژ ڕێ بر زاهدە؛ پاش کو فهێت کر عابدە
یا شەیخ ئیجازا من بدە؛ دا ئەز هەڕم سیاحەتێ
دەستوور بدە من ئیشەڤە؛ دا چم ب نک باڤێ خوەڤە
جارەک ببینم بێمەڤە؛ داخاز بکم ژێ شیرەتێ
بێ شیرەت و تەدبیرەکی؛ بێ ئوستکار و پیرەکی
نا دن جەوابا میرەکی؛ بڤێ دچنە فەزاحەتێ
نەزەرا میرانە گەرمە؛ ماییە فەهم ئەو قەدەر مە
کو بەلا بچێتە ژ سەر مە؛ ئەز ئەداکم حوججەتێ
ئەز دزانم ڤێ جەوابێ؛ دا چمە نک پیر و بابێ
بێ تەدبیرا وی قە نابێ؛ قولزما علمییەتێ
هندی د ئاسێ بت قسەت؛ ئەو مال خراب ڕێ تێ دبەت
ڤان موشکلان ئەو حەل دکەت؛ پڕ عاقلە فەهم دڕەتێ
بەرسیس دبێ بەندێ هەڕە؛ زاهر بکە ژ بابێ خوەڕە
جەوابەکی بینە ژ مەڕە؛ مائل بکن ڤێ دەفعەتێ
بەرسیس کو بن ژ با ڤەبوو؛ ئەبیەز ژنک وندا ڤەبوو
بابێ کوڕی پێ شاڤەبوو؛ گو ئختیار ژ کووڤە تێ
ئەبیەز بەیان کر گۆتنە؛ فسق و فجور حەققێ منە
من پێ کرن قەتل و زنا؛ شکینا ستوونا عززەتێ
حەققێ منە ژ ڕێ برن؛ قەتل و زنا م پێدا کرن
باندی دڤێ بەرسیس کرن؛ قەسساس بکن حکومەتێ
ئبلیس ژ ئەبیەز بەر گەڕاند؛ ئێسیر ژ کەربان دا دڕاند
تەعن و دژوون کو پێ بڕاند؛ زیبەندە سیما سورەتێ
بەرسیسە سەردارێ چیان؛ تاعەت دکر وی ژ پیان
شێڤێد د سالا هەفتیان؛ داخل کری د خەتیئەتێ
ئەو عابدێ جه سەومەعە؛ د خەوفا خودێدە خاشعە
خێر ل زنایێ ڕاجحە؛ ل دەفتەرا خاسییەتێ
ل دەفتەرا هەرچی کە خاس؛ باندی کو دی ڕاست بێ قساس
ئەو دێ ژ ئاگر بی خلاس؛ گونەه نەما ل زممەتێ
شەیتین ل ئەبیەز لەومە کر؛ تە ب خاترێ بابێ خوە کر
ئیمان ژ بەرسیس چێ نەکر؛ ڕابە هەڕە کفایەتێ
رابە شەڤەک دیسان هەڕە؛ ئەر وی سوجود بر ژ تەڕە
ئەو دۆژەهێ بو مەفەڕە؛ تاڤێژنە خەتیئەتێ
ئەمر تە دێ ئەبیەز کەڤێ؛ چوو بن گوهێ میر وێ شەڤێ
خەونا کو حاکم پێ نەڤێ؛ ژێڕا دکت حکایەتێ
د خەونێ دبینت حاکمە؛ ئەللاه بخۆ پێ عالمە
کوشتن ل بەرسیس لازمە؛ ژێڕا ددت شەهادەتێ
شەیتین ب سۆرەت باکرێ؛ هاوار کرە باب و برێ
ئان وی د نێڤ ئاخێ کرێ؛ قەت کەس د هانا من نەتێ
جارەک وەرن تەفتێش بکن؛ تەماهییا قەمێش بکن
باندی ل من ڤەتێش بکن؛ من زێڕ و زیڤ ب کێر نەتێ
زێڕێ کو هۆستا چێکری؛ تاجا مورەسسەع ل سەری
نائێت ب کێر خەلقێ مری؛ ژ من ڤەکن ڤێ کسوەتێ
بابێ ژ خەونێ دل ڤ گەست؛ شاه و غولام ڕابوون ب قەست
چوونە شکەفتێ دەست ب دەست؛ داخواز دکن ئەمانەتێ
ئەمانەتە بارێ مەزن؛ شەیخ گۆ ئەز و ئەمرەد و ژن
دونیا حەرام دوورە ژ من؛ ثوي ژ شەئنێ من نەتێ
خەلقنۆ جەوابا شەیخ ئەڤە؛ ئەو جان نەهات بەنگی مەڤە
ڤەگەرییا ئو هاتەڤە؛ وندا ڤەبوو وێ ساعەتێ
تەحقیق نەکر وان ئەو جەواب؛ ژ یارییا خەلقێ خراب
وان گۆتە شەیخ (هیا کذاب)؛ سەر ڕاست ببی عبارەتێ
دل سەعەیا قەتلێ دکن؛ کوشتن تنێ چ لێ دکن
هەتیانە ناڤ سهلێ دکن؛ ب سەرڤە چوونە توربەتێ
ئەو ناگهان ب سەرڤەبوون؛ نیشان و زولف ژ دۆرڤەبوون
لازم ژ گریان زەرڤەبوون؛ ئانینە دەر ژ وەحشەتێ
کچ کەوکەبا شەڤ تاریان؛ ئەو زاهدێ ژ حوریان
بو خونیێ ئەنساریان؛ یا ڕەب بەلا ژ بال تە تێ
یا ڕەب تو کەس سەودا نەکی؛ فهێت و شەرمەزار نەکی
عەیبا ل کەس ئزهار نەکی؛ حەتتا ڤە ڕۆژا ساعەتێ
عەیبێ د خەف بوون ئەشکەرە؛ حەمیان بهیست ئەو ماجەرا
بەرسیس هلاویستن (بشرا)؛ هاتە حەدێ هلاکەتێ
جەلاد ژ گەنجان کار دکت؛ بەرسیس ژ دەست هاوار دکت
مەلعون خوە لێ ئزهار دکت؛ دیسان گهایە لەعنەتێ
بەرسیس گری گۆتی بزار؛ نیەت خرابێ قەلسێ یار
چڕا نە هاتیە دیار؛ بێ شەفقەت و بێ ڕەحمەتێ
گۆ خلوەیا باب دوور بوو؛ گەه د (لبنان) و گەه (طور) بوو
سەکنیمە حەتتا حوزور بوو؛ ئەڤە گهامە خزمەتێ
200
خەلقنۆ بنێڕن کازبی؛ ئەڤ ڕەنگ دبێتە ڕاهبی
ئەز قەنج دزانم سەبەبی؛ کافر دکت کەیفییەتێ
بەرسیس گۆ ب قوتبێ خاس کی؛ ڤێ قسا موشکل تو ڕاس کی
من ژ ڤێ بەندێ خلاس کی؛ ببمە قۆلێ مننەتێ
دوژمنان ئنساف چو نینە؛ تە دڤێ دونیا شیرینە
سەجدە بۆ زاتێ مە بینە؛ دا بکم شەفاعەتێ
ئەر تێنە من سەجدا سەری؛ جارەک بکم ئەز مەهدەری
هادر ل تە ڤەبن دەری؛ فی الحال د بینی ڕەحمەتێ
ئەو عابدێ بێ دەولەتە؛ ناڤێ ژ دونیایێ ڕەتە
ڤی خەبەری باوەر کەتە؛ سەجدە دبت ژ زەرورەتێ
ئەو عابدێ بینایی وعود؛ شەیخ ب ئیشارەت بر سجود
شرکا عەزیم چوو بو وجود؛ ئیمانێ بر ب شرکەتێ
ئیمان ژ بەرسیس بوو جودا؛ شەیتین ڤەکوشتی زاهدا
فروار کر بارێ خودا؛ مەکسەب نەکر تجارەتێ
هەفتێ و یەک سالی تەمام؛ تاعەت دکر دائم و دام
قەبول نەکر شاهێ عەلام؛ یەک جار برە خوسارەتێ
قەنج ناس بکن ئەللاهەکی؛ بەر خدمەتا پادشاهەکی
زایع مەکن ب گوناهەکی؛ ئێمن مەبن ژ هەیبەتێ
بێ حساب مکسی خەبەردان؛ ژ یاریا قەلس و نەمەدان
دێ نەدامەت بێ ب سەردان؛ میم و حێ ب ڕوایەتێ
میم و حێ ئەڤ بەند دگۆتن؛ ئەم ب مەعنایێ هەڤۆتن
عوجبێ گشت خێران دشۆتن؛ لەو ڕیاء ب کێر نەتێ
فعلا خراب خود بینییە؛ عوجبێ مەکن ل دینییە
دەربا سەراست سەکینییە؛ ژ دەروێشی و حەقارەتێ
#فەقێ تەیران# [1]