ناڤێ سێقۆلی و ناڤێ پێ هاتییە نیاسین: ئیسماعیل تاها شاهین سالح
ساڵا بوونێ: ڕۆژا دووشەمبووێ (24/6/1957) ل گوندێ سەیزارێ ژێری, سەر ب دەڤەرا (سێمێل)ێڤە, ب سەر دنیایێ کەڤتییە.
خواندن و قۆناغێن خواندنێ: ساڵا (1964)ێ بۆ جارا ئێکێ چۆیە قوتابخانەیێ. قۆناغا سەرەتایی ل گوندێ سەیزارێ ژۆری ب دووماهی ئینایە, ناڤنجی ل باژێرێ (سێمێل)ێ و ئامادەیی ل باژێرێ (دهۆک)ێ ب دووماهی ئینایە. ساڵا (1977-1978) ل زانکۆیا سلێمانییێ کۆلیجا ئادابێ پشکا جڤاکزانی(کۆمەڵناسی) هاتییە وەرگرتن. ساڵا (1981-1982) خواندنا زانکۆیێ ب دووماهی ئینا.
$دیرۆکا دەست ب نڤیسینێ کری$: سالا (1982)ێ دەست ب نڤیسینێ کرییە.
یەکەم بەرهەم کو بەلاڤکرییە: بەرهەمێ وی یێ ئێکێ گۆتارا (نە هەموو گۆتنێن مەزنان گیڕا ل بەرینە) د ڕۆژنامەیا (هاوکاری)دە هاتییە بەلاڤکرن. پاشتر, گەلەک بابەتێن دییێن هەمەجۆر ناڤبەین ناڤبەین د ڤان گۆڤار و ڕۆژنامەیێن کوردیدە بەلاڤکرینە: (هاوکاری , بەیان , کاروان, بزاڤ, ڕۆشنبیری نوێ, العراق, پاشکۆی عێراق, ڕاستەڕێ, ڕەسەن, پەیامی ڕاستی, ئەڤرۆ, کەپر, نووبەهار, چاڤدێر, ئاوێنە و ... هتد).
کورتییەک ژ ژیاننامەیا خوە د گەل نڤیسین و بەلاڤکرن و کارکرنێ د گەل سازییێن ڕەوشەنبیری:
سالا(1994)ێ, ل کۆلیجا شەریعەت و دیراساتێن ئیسلامی ل دهۆکێ وەک مامۆستایێ زمانێ کوردی هاتە دامەزراندن, و چار سالان ل سەرێک زمانێ کوردی و دەروونزانی و بنەمایێن ڤەکۆلانێ (أصول البحث) و بنەمایێن پەروەردەیێ (أصول التربیة) ل کۆلیجا ناڤبری گۆتینە. د پشتڕە بۆ دەمێ دو سالان وەک نڤیسکار ل ڕۆژنامەیا ڕەسەن کارکرییە. پاشێ بۆ دەمێ دو سالان زێدەتر وەک ڕاوێژکارێ زمانی ل دەزگەها سپیرێز یا چاپ و وەشانێ کارکرییە. د پشتڕە سالا (2004) ل سەر میلاکێ پەروەردەیێ وەک مامۆستا و پاشتر وەک ڤەکۆلەرێ جڤاکی هاتە دامەزراندن.
کارێ وی یێ نهۆ: ژ (1/8/2020) ێ وەرە خانەنشینە.
$بەرهەمێن وی یێن چاپکری:$
1- ((دەستپێکا خواندن و نڤیسینا کوردی)), دهۆک (چاپخانەیا کۆلیجا شەریعەتێ),1994.
2- ((ئاگری خوەلی ژێ دمینت)), کۆمەکا گۆتاران. دهۆک (چاپخانەیا زانست), 1998.
3- ((نەخش و نیگارێن بەڕکا کۆچەری)), دهۆک (ژ وەشانێن دەزگەها سپیرێز), 2005.
4- ((باڵندەێێن گۆشتخوەر)), دهۆک (ژ وەشانێن دەزگەها سپیرێز), 2005.
5- ((باڵندەیێن کوردستانێ)), پشکا ئێکێ(2005) و پشکا دووێ (2007), پشکا سێیێ (2008), پشکا چارێ (2008), دهۆک (ژ وەشانێن دەزگەها سپیرێز.
6- ((هنگڤین چەوا چێ دبیت؟)) ژ زمانێ عەرەبی هاتییە وەرگێڕان, دهۆک (ژ وەشانێن دەزگەها سپیرێز), 2005.
7- ((داروبار)), ژ زمانێ عەرەبی هاتییە وەرگێڕان, دهۆک (ژ وەشانێن دەزگەها سپیرێز),2006.
8- ((مێشەمۆر)), ژ زمانێ عەرەبی هاتییە وەرگێڕان, دهۆک (ژ وەشانێن دەزگەها سپیرێز),2007.
9- ((بەرگۆتییێن کۆچەرەکی دەشتینەبوویی)), هۆزان. دهۆک (ژ بەلاڤکرن و وەشانێن ئێکەتییا نڤیسەرێن کورد),2007.
10- ((ژ بۆ ڕێنڤیسەکا چێتر)), زمان و ڕێنڤیس. چاپا ئێکێ (2008)ێ: دهۆک (ژ بەلاڤکرن و وەشانێن ئێکەتییا نڤیسەرێن کورد).چاپا دویێ, زێدەکری و ڤەوەژارتی (2017)ێ: دهۆک (ژ چاپ و وەشانێن پەرتووکخانەیا گازی).
11- ((مامکێ منۆ مامانی)) مامک. دهۆک (ژ وەشانێن دەزگەها سپیرێز),2011.
12- ب سێ بابەتان پشکداری د (ئەنسکلۆپیدیا دهۆکێ)دە کرییە, دو ژێ نڤیسینن و ئێک وەرگێڕانە.
$بەرهەمێن ئامادەکری بۆ چاپێ:$
1- ((فەرهەنگا ئامەد)) فەرهەنگەکا مەیدانییه.. کرمانجی - سۆرانی - عەرەبی. نێزیکی (30) هزار پەیڤان تێ هەیە و ژ شەش بەرگان پێکهاتییە.
2- ڕێبەرێ بالندەیێن کوردستانێ.. ڕێبەرەکی مەیدانی و ڕەنگڕەنگە, ژ (500) بەرپەڕان پێکهاتییە.
3- ((باوەرییا بێ سیبەر)) کۆمەکا گۆتارێن هزری و جڤاکینە.
4- ((ئاخڤتن شەکرە نە ل هەمی زمان و سەران)) کۆمەکا بەرفرەهە ژ گۆتنێن مەزنان یێن نڤیسکاری ب خوە ژ دەڤێ خەلکی بهیستین و کۆمکرین. [1]
=KTML_Link_Facebook_Begin=https://www.facebook.com/ismail.t.sahin.5=KTML_Link_Facebook_Between=فەیسبووکی: ئیسماعیل تاها شاهین=KTML_Link_Facebook_End=