#کۆمەڵی دادگەریی کوردستان# لەناو ڕێکخستنەکەنی خۆیدا سەرقاڵی ئەنجامدانی ڕاپرسییە لەبارەی ئەوەی ئایا فڕاکسیۆنی حیزبەکەیان لە پەرلەمانی کوردستان لە دوای 6ی تشرینی دووەم لە پەرلەمانی کوردستان بمێننەوە یاخود بکشێنەوە؟
نزیکەی دوو هەفتەی دیکە بەپێی یاسا ماوەی یاسایی کارکردنی خولی پێنجەمی پەرلەمانی کوردستان کۆتایی دێت، بەڵام بە دەنگی فڕاکسیۆنی #پارتی دیموکراتی کوردستان# و #یەکێتیی نیشتمانیی کوردستان# و #بزووتنەوەی گۆڕان# و کۆتاکان ماوەی یاسایی پەرلەمان تا کۆتایی وەرزی پایزەی یاسادانانی ساڵی داهاتوو درێژکراوەتەوە.
لای خۆیەوە فڕاکسیۆنی #یەکگرتووی ئیسلامیی کوردستان# ڕایگەیاندووە کە ئەوان دوای تەواو بوونی وادەی یاسایی پەرلەمانی کوردستان لە پەرلەمان دەکشێنەوە و پەرلەمانتارەکانیان بەیەکجاری دەستبەرداری کاری پەرلەمانتاری دەبن.
کۆمەڵی دادگەری وەک فڕاکسیۆنێکی ئۆپۆزیسیۆن لە پەرلەمانی کوردستان، دەنگی بە درێژکردنەوەی تەمەنی پەرلەمانی کوردستان نەداوە و لە ئێستادا ئەو حیزبە تاوتوێی کشانەوەی یەکجاری لە پەرلەمان دەکات.
کۆمەڵی دادگەری لە ناو ڕێکخستنەکانیدا ڕاپرسییەکی تایبەتی ئەنجامداوە، بەپێی ئەنجامە سەرەتاییەکانی ئەو ڕاپرسییە بێت لە سەرجەم مەڵبەندەکانی ئەو حیزبە ڕێکخستنەکانی کۆمەڵی دادگەری دژی ئەوە بوون کە حیزبەکەیان لە پەرلەمانی کوردستان بکشێتەوە.
وا بڕیارە ئەنجامی کۆتایی ئەو ڕاپرسییە ناوخۆییەی کۆمەڵی دادگەری ببرێتە کۆبونەوەیەکی گشتی ئەنجومەنی گشتی کۆمەڵی دادگەری و لەو کۆبونەوەیە بڕیاری کۆتایی لەبارەی چارەنووسی فڕاکسیۆنی ئەو حیزبە بدرێت لە پەرلەمانی کوردستان. [1]
کوردیپێدیا بەرپرس نییە ل ناڤەڕۆکا ئەڤێ تۆمارێ و خودیێ وێ ژێڕە بەرپرسیارە. کوردیپێدیا ب مەرەما ئەرشیڤکرنێ تۆمار کرییە.
ئەڤ بابەت ب زمانێ (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 783 جار هاتیە دیتن
ڕایا خو دەربارەی ڤی بابەی بنڤێسە!