ناڤ: محەممەد
ناسناڤ: ماملێ
ناڤێ بابێ: سەعید
ڕۆژا ژ دایکبوونێ: 02-06-192502-06-1925
ڕۆژا مرنێ: 23-01-199923-01-1999
جهێ ژ دایکبوونێ: تاخا خڕێ ل باژارێ مەهابادێ
جهێ مرنێ: مەهابادمەهاباد
ژیاننامە
محەممەد ماملێ (ژ دایکبوویێ 2یێ حوزەیرانا 1952 – کۆچکریێ 23یێ کانوونا دووەم 1999) هونەرمەندێ سترانیبێژ و مقامبێژێ کورد، خەلکێ باژارێ مەهابادێ یە. ماملێ ل ساڵا 1925ز ل ئێک ژ تاخێن باژارێ مەهابادێ، ب ناڤێ خڕێ ژ دایکبوویە. ناڤێ ویێ درست محەممەدێ کوڕێ سەعیدێ کوڕێ عەلییە. خواندنا خوە یا سەرەتایی ل قوتابخانا پەهلەوی و سەعادەت ا مەهابادێ تمام کرییە. ماملێ نازناڤێ باپیرێ ڤی یە کو ژ بۆ ڤی مایە. هەروەکی ئەو بخوە ژی دبێژیت کۆ بابێ وی نەخواندەوار بوویە و دەمێ سەرژمێریا گشتی ناڤێ تەواو ژێ خواستی، ڤی ژی گۆتییە سەعید مام عەلی، وان ژی سەعید ماملی نڤیسینە. چونکی د زمانێ فارسیدا پیتا ع د ئاخفتنێ دا ناهێتە بێژە کردن، لەو ماملێ بوو نازناڤ و کەتە سەر زارێ خەلکێ. محەممەدێ ماملێ خورتەک ل سەر خوە، ئارام و لێبوردە بوویە و گەلەک وەفادار بوویە هەمبەری خزم و دۆست و ناسکریێن خوە. ماملێ د ژیانا خوەدا سێ جارا ژیانا هەڤبەش پێک ئینایە، داوی هەڤژینا ڤی کو نها ل ژیانێ دا مایە ئامینە خانە. ماملێ خودانێ حەفت کوڕ و دوو کچانە، کو ئەڤ ناڤێ چەند ژ وانە: عەزیز ک ب ناڤێ خانە ناسکرییە، خەسرەو، چالاک، وریا، نەجات، شەونم و خوبی. ماملێ دبێژیت ئەز ب ڕادەیەکێ شەیدایێ سترانێن هونەرمەند ڕەفیق چالاکی بووم کو من کوڕەکێ خوە ب چالاک ناڤکریە. ماملێ چار برا هەنە کو ناڤێ وان: حەسەن، حسێن، موتتەلیب و جەعفەرن، گەل خویشکەک ب ناڤێ تووبا.
هەمی مالباتا ماملێ ل دەسپێک حەتا نها خودانێ دەنگەک خوەش و زەڵالن. بێگومان ئەڤ ب خوە هۆکارەک باش و گرنگە کو هونەرمەند هان دایە پتر تێکەلی جیهانا هونەری ببیت و وەک دەنگەک نەمر و ڕەسەن جهێ خوە د موزیکا کوردیدا بکەت. سەعید ماملێ کو بابێ ڤی یە، دەنگەک گەلەک خوەش هەبوویە. هەر وەسا ڕەحمانێ مامێ وی ژیک دەنگەک گەلەک خوەش و پاقژ هەبوویە، ب ڕادەیەک کو ڕوینشتیێن باژارێ قەلادزێ و دەورووبەری دهاتن و ب شەوان گوهداریا دەنگێ وی دکرن. ماملێ ل سەردەمێ پاشایەتیا ئیرانێ، چەند جارەکا هاتییە گرتن و بەند کرن. ئێکەم سترانا کو دەرگەهێ هونەرێ پێ ڤەکەر، سترانا ڕۆیی بە جێی هێشتم بوو.
ماملێ ل ساڵا 1963یێ هاتییە باژارێ قەڵادزێقەڵادزێ و بەشداریا ئاهەنگەکێ کرییە، هەر وەسا پاشان ل سلێمانیسلێمانی و سەرچنارسەرچنارێ. ماملێ پتر تێکل و ئاشنایێ خەلیل سەددیقی و ڕەفیق چالاکی بوویە و حەز کریێ سترانێن هونەرمەندان: تایەر تۆفیق، عەلی مەردان، سەید عەلی ئەسغەر کوردستانی، محەممەد عارف و تەحسین تەهای بوویە. د بوارێ هەلبەستێ دا ژیک حەزکریێ هەلبەستێن وەفایی، سلێمانێ شاوەلە، مارف ئاغا، گۆران، هەژار و هێمن بوو. گەلەک ژ بەرهەمێن وانا د سترانێن خوەدا ب کار ئینایە. ماملێ خودانێ پتر ژ 700 سترانایە. [1]