ناڤ: مستەفا
ناسناڤ: مستەفا کێستەیی
ناڤێ بابێ: محەمەد ئەمین عەبدولحەمید
ڕۆژا ژ دایکبوونێ: 1957
ڕۆژا شەهیدبوونێ: #13-03-1993#
جهێ ژ دایکبوونێ: گوندێ #کێستە# ی دەڤەرا بەروارا بالا
$ژیاننامە$
مستەفا محەمەد ئەمین عەبدولحەمید، بەرنیاس ب مستەفا کێستەیی، ل ساڵا 1952 ل گوندێ کێستە ل دەڤەرا بەرواریا ژ خێزانەکا هەژار و کوردپەروەر ژ دایک بوویە، ل گوندێ هرورێ خواندنا خو یا سەرەتایی ب دوماهیک دئینیت، لێ ژبەر باردوخێ سەختێ ژیانێ و تۆپبارانکرنا دەڤەرێ ب بەردەوامی ژ لایێ ڕژێمێ ڤە نەشیا بەردەوامیێ بدەتە خواندنا خو، ل ساڵا 1976 دگەل خێزانا خو و گەلەک ژ مروڤێن خو ئاوارەی باکوورێ کوردستانێ دبیت و ل دەڤەرا مامخورا ئاکنجی دبیت و ل وی دەمی برایێ وی شەهید محەمەد و بابێ وی مەلا محەمەد ئەمین د زیندانێدا بوون ژبەر ئەگەرێن سیاسی، ل ساڵا 1981 دگەل خێزانا خو جارەکا دی دچیته ئیرانێ و ل ئوردوگایێ سێرو ئاکنجی دبن، ل ڕۆژا 13-03-1993 دهێتە شەهید کرن.
$خەباتنامە$
شەهید مستەفا محەمەد ئەمین عەبدولحەمید بەرنیاس ب مستەفا کێستەیی، ل ساڵا 1967 د ژیێ 15 ساڵیێدا دبیتە پێشمەرگە و ناڤێ وی دگەل هێزا سەلیم ئەسعەد خوشەڤی ل گوندێ قومریێ دهێتە تۆمارکرن و بەردەوام دبیت ل سەر کارێ خویێ پێشمەرگایەتیێ هەتا ساڵا 1975، ل دەستپێکا شۆڕشا گوڵانا پێشکەفتنخواز ل ساڵا 1976 شەهید مستەفا کێستەی پەیوەندیێ ب مەحمود ئێزدی دکەت و دبیتە پێشمەرگە و پلا ئامر مەفرەزە وەرگرت، ل ساڵا 1979 ناچار بوو دگەل مالا خۆ ئاوارەی ڕۆژهەلاتێ کوردستانێ بوو و ل کۆمەلگەها سێرو ئاکنجی بوون و ژ بەر بارێ ئابووری ناچار دبیت مالا خو ل گەلەک جها ڤەگوهێزیت وەکی باژێرێ #ورمێ# و باژێرێ #خوێ#، ل ساڵا 1979 دهێتە هەلبژارتن بو ئەندامەتیا کۆنگرەی نۆیەمی #پارتی دیموکراتی کوردستان# ل زێوە.
ل ساڵا 1991 دگەل هێزا مەلا ڕەمەزان قومری ڤەگەریا ئاخا کوردستانێ و پشکداری د سەرهلدانێ دا کر و پاشی پلا بەرپرساتیا ڕێکخراوێ وەرگرتیە و ژ بەر شیان و ژێهاتییا وی چەندین پلێن بەرپرسیێ وەردگریت و پاشی دبیتە ئامر هێز، ل ساڵا 1994 بوو ئامر فەوجێ 4 سەر ب سوپایێ 1 ڤە.
گرنگترین چالاکیێن لەشکەرى یێن شەهید مستەفا کێستەی ڕولەکێ بەرچاڤ تێدا دیتی دناڤبەرا ساڵێن (1974 – 1995):
داستانا گرێ قەسروکێ ل ساڵا 1974.
داستانا (سپیرێز/کێلیا شەدا) ل ساڵا 1974.
داستانا چیایێ زاڤا ل ساڵا 1974.
داستانا کورێ ل ساڵا 1976.
کەمینا دەشتا سێمێلێ ل ساڵا 1976.
داستانا گەلیێ قیامەتێ.
گرتنا چەند سیخورێت ڕژێمێ ل باعەدرێ ل ساڵا 1977.
کەمینا شکەفتێ و کانى مازێ ل ساڵا 1977.
کەمینا ڕژێمێ ل دەڤەرا نەهلێ ل ساڵا 1978.
کەمینا ڕژێمێ ل دەڤەرا شوش و شەرمنا ل ساڵا 1978.
کەمینا ڕژێمێ ل سەرێ پیرسى ل ساڵا 1978.
پشکدارى د ڕویدانێت پارتى و یەنەکە ل کوردستانا تورکیا ل ساڵا 1978.
پشکداری د سەرهلدانا ساڵا 1991.
داستانا گەلیێ قومریێ ل ساڵا 1992.
پشکداری د ڕویدانێت 1/5/1994.
پشکدارى د داستانا (#کەسنەزان# ، دولا #بالیسان#) و گەلەک داستانێن دى یا کری. [1]