دەزگەهێ خێرخوازییا بارزانی، دەزگەهەک ناحکومی و نە یێ سیاسی یە کو ل ساڵا 2005 ل هەڤلێرا پایتەختا هەرێما کوردستانێ هاتییە دامەزراندن کو مەسرور بارزانی سەرۆکێ بۆردێ دامەزرێنەرێن وێیە و ڕاستەڕاست چاڤدێرییا کارێن وێ دکەت. ل سەر لۆگۆیا ڤی دەزگەهەی گووتنەکە مەلا مستەفا بارزانیمەلا مستەفا بارزانی کوو بناڤی وی هاتییە دامەزراندن کو دبێژیت (شانازییە بو مروڤ کو خزمەتکارێ گەلێ خوە بیت) نڤیساندییە.
ڤی دەزگەهەی بو کارێن خوە مووڵەت ژ حکومەتا فدڕاڵا عیراقێ و حکومەتا هەرێما کوردستانێ ژبو کارێن ڕێکخراوێن ناحکومی وەرگرتییە. ژ ئەگەرا کارێن مرۆڤ دۆستانە ێین ڤی دەزگەهەی ل عیراقێ و هەرێمێ پێوەندییەکە موکوم دناڤبەرا ڕێکخراوا بارزانی و ڕێکخراوێن خێرخوازیێن جیهانی ڕە هەیە. ب سەدەما کارێن مرۆڤ دۆستانەیێن ڤێ ڕێکخراوێ د کۆمبوونا مەها 4 یا ساڵا2016ێ یا کارگێڕی و هەماهەنگییا نەتەوێن هەڤگرتی بڕیار لسەر هاتە دان کو دەزگەها خێرخوازییا بارزانی وەکە ڕێکخراوەکە ناحکومی ببیت ب ئەنداما ڕاوێژکارییا تایبەت ل ئەنجومەنا ئابووری و کومەڵایەتی یا سەر ب نەتەوێن هەڤگرتی (ECOSOC) .
د بەرنامێن ڤی دەزگەیەی دە گەهاندنا هەڤکارییانە ژبۆ خەلکێ کەمدەرامەت و ئاوارە و پەنابەر و بوارێن پەروەردەیی ب تایبەت پەروەردەییا زارۆکانە.
ژبەر نەبوونا دەزگەهەکە ناڤخۆیی بو گەهاندنا هەڤکارییان بو کەمدەرامەت و لێقەومیێن کوردستانێ ئەف ڕێکخراوە پێدڤییەکە گنگ بوو ژبو گەهاندنا هەڤکاریێن ناڤخویی و دەرڤە بو خەلکێ کەمدەرامەت ل کوردستانێ و عیراقێ.
ئوفیسا سەرەکە یا دەزگەهێ خێرخوازی بارزانی ل هەڤلێرا پایتەختا هەرێما کودستانێیە کو سەرپەرشتییا 13 کامپێن ئاواران ب هەماهەنگی دگەل دەستەیا ڕووبورووبونا قەیرانان ل سنوورێ پارێزگەها هەڤلێرێ دکەت.
چهێ ئیماژێیە دەزگەهێ خێرخوازی بارزانی ئوفیسێن خوە ژ پتریا باژێرێن هەرێمێ و دەرڤەی ئیدارەیا هەرێما کوردستانێ وەکە (دهوک، سلێمانی، گەرمیان، شنگال و نەینەوا) هەنە و ل کەرکووکێش و ل هەمی کامپێن ئاواران ئۆفیس و سەنتەر و نینەرایەتیێن خوە دەیناینە.[1]