ناڤ: شێخ حەسەن عەواڵانی
ساڵا ژ دایکبوونێ: 1932
ڕۆژا مرنێ: #09-02-1990#
جهێ ژ دایکبوونێ: سلێمانی
جهێ مرنێ: سلێمانی
$ژیاننامە$
شێخ حەسەن عەواڵانی هوزانڤانەکێ دیار و نشتیمان پەروەرێ کوردستانێیە، ب ڕییا هوزانێن خوە ب گشتی و ئەوێن نشتیمانی ب تایبەتی خزمەتەکە زوور ب گەلێ کوردستانێ و شورەشێن وانا کرییە.
هوزانا (ئەو شەهیدێن) کوو بوو دوو شەهیدێن ماڵباتا خوە ل ساڵا1962وویان نڤیساندییە و ئەوا کوو ماموستا ئەنوەر قەرەداغی دبێژیت کوو ئەڤ هوزانە ل ساڵا 1974ێ ژ ئالێ تیپا موسیقییا شوڕەشێ ل گوندێ وەسانی یێ سەر ب دەڤەرا نالەکایەتی وەکە سروودا نشتیمانی هاتییە تومار کرن هەستا شوڕەش و بەرخوەدانێ د ناڤا پێشمەرگە و وەڵات دۆستێن وی سەردەمەی وی سەردەمەی زیندی ڕاگرتییە. ب درێژاهییا شوڕەشێن ئازادیخوازێن کوردستانێ ئەڤ سرودە ل تاڤایا ڕادیۆیێن کوردی دهاتە پەخش کرن.
شیخ حەسەنێ عەواڵانی ل ساڵا 1932وویان ل پارێزگەها سلیمانیێ د ماڵباتەکە ئایینی ژدایک بوویە، ل ناڤەڕاستا سالێن 1960 ماڵباتا وی چووینە چەمچەماڵ لێ پشتی دوو ساڵان چووینە سلێمانیێ و ل ور ئاکنجی بووینە.
ل کارگەها جگاران ل سلێمانیێ وەکە کرێکار هاتییە دامەزراندن لێ ب ئەگەرا خوەندەواری و هشیارییا وی ل سەندیکایا کرێکاران کارێ خوە درێژە پێدایە.
هوزانڤانێ مە هەر ل سەرەتایا ژیانا گەنجاتییا خوە حەز و خولیایەکە زێدە بو نشتیمان و هوزانان هەبوویە ب ڕییا هوزانان خوە هەست خوە یێ ناسک ژبو جوداهییا چینایەتی و نەتەوێ خوە نێشاندایە، خودیێ چەندەها دیوانێن هۆزانی یێن چاپکرییە وەکە (باخی عەواڵان، چەمی ڕەزانی قارەمان، چیای پیرەمەگروون)، چەند دەستنڤیسەک ل پشتی خوە هێلاینە کو هەتا ڤی دەمەی چاپ نەبووینە.
شێخ حەسەن ب ڕییا بەرهەمێن خوە یێن ب پیت خزمەتەکە بەرچاڤا ڕووناکبیریێ ب گشتی و ئەدەبا بەرگریێ ب تایبەتی کرییە.
هوزانێن نشتیمانیێن وی ب دەقێن بەرزێن ئەدەبێ خووڕاگریێ تێن ئەژمار کرن ب ئەگەرا هندێ کوو د دەما نڤیساندنا زوربەیا وا بەرهەمان ئەو بخوە دناڤا ڕووداوێن وی سەردەمەی دا بوویە و ب ڕییا بەرهەمێن خوە هانا شوڕەشێ و شوڕەشڤانان بوو بەرخوەدانێ دایە.
ئێک ژ هوزانێن وی نەوروز بوو کو دبێژیت:
من ناڵێم نەورۆز نەورۆزی منە
جەژنە پیرۆزە پیرۆزی منە
هەتا نەبینم کوردستان گشتی
یەکی گرتووە ورد و درشتی
ئەوساکە ئەڵێم چەکوشەکەی کاوە
لە کەللەی سەری زوحاکی داوە.
ب مخابنیڤە قەدەرێ ڕێ نەدا هوزانڤانێ مە نشتیمانێ خوە یێ ئازاد ببینیت و ڕوژا 09-02-1990 و ل ژیێ 58 ساڵیێ وەغەرا دوماهیکێ کر و ل گرێ شێخ محێدین ل باژێرێ سلێمانیێ هاتە بخاک سپاردن.[1]