ناڤ: فایێق
ناڤێ بابێ: عارف
ڕۆژا ژ دایکبوونێ: #01-07-1933#
ڕۆژا مرنێ: #15-02-2022#
جهێ ژ دایکبوونێ: #سلێمانی#
جهێ مرنێ: سلێمانی
$ژیاننامە$
زانایەکێ کیمیاگەرێ باشوورێ کوردستانێە کو د ماڵباتەکە ڕەوشەنبیر ل 1 تەمووزا ساڵا 1933 ل تاخێ سەرشەقام یا باژێرێ سلێمانی ژدایک بوویێ یە.
ئێک ژ دامەزرێنەرێن سازییا (#کاژیک#) بوویە.خوەندنا خوە یا سەرەتایی و ناڤەندی و ئامادەیی ل قوتابخانەیێن ڤی باژێڕەی بوویە.
ژبو بەرەف پێش برنا ئاستێ خوە یێ زانستی ساڵا 1952یا زایینی چوویە کۆلێزا مەلەکی یا باڵا (کلیة الملکیة العالیة) و ل ساڵا 1956 باوەڕناما باکالۆریۆس بدەست خوەڤە ئیناندییە.
ساڵا 1961ێ چوویە ناڤا قەفەسا زێڕین و ژیانەکا نوو دگەل (فاتیمە عەبدلقادر) دەست پێکرییە، دڤی هەیامەیدا بەردەوام بوویە ل خزمەتێ هەیا دەمێ خانەنشین بوونا خوە، دگەل فاتیمایێ خودیێ 5 زارۆیانن بناڤێن (زەردەشت، نەغەدە، چنوور، ئاڤێستا، زێڕین).
د دەستپێکا ژیانا خوەدا هەستا نەتەوی کاریگەرییەکە زۆر لسەر هەبوویە، سەیدایێ فائق دگەل کومەکە هەڤالێن خوە وەکە (ماموستا #جەمال نەبەز# و ماموستا #ئەحمەد هەردی# و #فەرەیدوون عەلی ئەمین# و #عەبدوڵلا جەوهەر# و #کامیل ژیر# و دکتور #ئیحسان فوئاد#) تێکەلیەکە موکوم هەبوویە ژبەر ڤێ چەندێ هزرا وانا ژبو دانانا سازییەکە نەتەوی چوویە و هەر لسەر ڤێ بووچوونێ سازییا (ئازادی ژیانەوە و یەکێتی کورد) کاژیک کو ڕێکخراوەکە سیاسی و نەتەوی بوویە دامەزراندن کو ڕوڵەکە گرنگ د هشیار کرنا هەستا نەتەوی و ڕەوشەنبیر کرنا خەلکێ دەڤەرێ هەبوویە.
ل ساڵا 1974ێ دە بەشدارییا وشوڕەشا ئەیلوول ب سەر کردایەتییا مەلا مستەفا بارزانی دکەت کو ڕوڵەکە گرنگ دوێرێ ژیک دا هەبوویە هەتا دوماهیکا شوڕەشێ ل ساڵا 1975 ێ چاڵاکانە یێ پشکدار بییە.
پشتی ڕووداوا 6ێ ئادارا ساڵا 1975ێ دڤەگەڕت ژبو دەڤەرا خوە لێ بەلێ ژ ئالێ دەسەڵاتا خوو سەپینا وی سەردەمەی بوو ماوێ 13 ساڵان دهێتە دیر خستن (نەفی کرن) ژبوو بەغدایێ، دڤی هەیامەیدا کوو ل بەغدایێ بوو هات ڤەگوهاستن ژبوو (پەیمانگەها باڵایا پزشکی)، ل وێرێ وەکە پسپور و ماموستاێێ کیمیاوی بوویە، ڤەکولینێن زور د بوارێ کیمیایدا ئەنجام داینە و پشتڕە وەکە بەرپرسێ پشکا تاقیگەهان ل وێرێ هاتییە دەست نیشان کرن.
ب هەوڵ و ماندیبوونا خوە کاری 2 پەرتووکان ب ناڤێن (کیمیایا شیکاری و کیمیایا شیکارییا سەریری) ئامادە و چاپ بکەت و هەتا ڤێ گاڤێ ژی ل پەیمانگەهێن تەندروستی یێن کوردستانێ و پزشکی یێن عیراقێ مفا ژێ دهێت وەرگرتن.
ب مخابنیڤە ل ڕوژا 15ێ شوباتا ساڵا 2022 ل سلێمانیێ وەغەرا داویێ کر.[1]