بەناوی خودای مەزن و دلۆڤان
بەداخێکی زۆرە وە ئێوارەی ڕۆژی هەینی 17ی شوباتی 2023 پێشمەرگە و فەرماندەی ماندوونەناس و تێکۆشەر و خەباتگێڕ و نیشتمانپەروەری گەلەکەمان حەمید ئەفەندی کۆچی دوایی کرد.
حەمید ئەفەندی لە قۆناغە جیاجیاکانی بەرخودان و خەباتی گەلەکەمان و پارتی دیموکراتی کوردستان لە شۆڕشی ئەیلوول و شۆڕشی گوڵان و ڕاپەڕین و هەروەها لە قۆناغی دوای ڕاپەڕین و شەڕی ڕزگارکردنی ئێراق و شەڕی دژی تیرۆریستانی داعشدا پێشمەرگە و فەرماندەیەکی ئازا و بەرگریکاری سەرسەختی بەها و ئامانجەکانی گەلی کوردستان بووە. حەمید ئەفەندی تەمەنی خۆی لەپێناو دۆزی ڕەوای گەلەکەی تەرخان کرد و، پێشمەرگەیەکی وەفاداری ڕێبازی بارزانی و کوردایەتی و هەمیشە جێگەی متمانە و پشتبەستن بوو.
کۆچی دوایی حەمید ئەفەندی بۆ هەموومان کۆستێکی گەورەیە، کوردستان پێشمەرگەیەکی قارەمانی لەدەست دا و منیش برا و دۆست و هاوسەنگەر و هەڤاڵێکی خۆشەویستم لەدەست دا. سەرەخۆشی لە خۆمان و سەرکردایەتی و کادیر و ئەندام لایەنگرانی پارتی و هەڤاڵ و هاوڕێ و هاوسەنگەران و خانەوادەی بەڕێز و کەسوکاری خوالێخۆشبوو حەمید ئەفەندی و هەموو خەڵکی کوردستان و پێشمەرگە قارەمانەکان دەکەم.
لە خودای مەزن داواکارم ڕۆحی خوالێخۆشبوو حەمید ئەفەندی بە بەهەشتی بەرین شاد بکات و سەبر و ئارامی بە هەموو لایەک ببەخشێت.[1]
انا للە و انا الیه (راجعون)

#مەسعود بارزانی#
17ی شوباتی 2023