ل ناڤ ئەردێ پرۆژێ ستراتیجى یێ فرۆکەخانا #دهۆک#ێ یا نێڤ دەولەتی، 13 شینوار هاتنە دیتن، ڕێڤەبەریا شینوار و کەلەپۆریا پارێزگەها دهۆکێ ژى بەحس ل دیتن و پاراستنا وان شینواران دکەت. د.بێکەس بریفکانى، ڕێڤەبەرێ شینوار و کەلەپۆریا پارێزگەها دهۆکێ ژبو دەژگەهێن ڕاگهاندنێ دیارکر: ل ناڤ ئەردێ پرۆژێ قرۆکەخانا دهۆکێ دا کو دێ کەتیە سنورێ قەزا سێمێل یا سەر ب ڤی پارێزگەهەی، 13 شینوارێن جۆدا جۆدا هاتینە دیتن، کو ئەڤە ژى دۆپاتیێ ل مێژوو و شارستانیەتێ ل کوردستانێ ب گشتی و ڤێ دەڤەرێ ب تایبەتی دکەتن، ئەو 13 شینوارێن کو د ڤی جهەی دا هاتینە ڤەدیتن، شینوارێن جۆدا جۆدانە ژ وان شینوارێن هەتا ڤێ گاڤێ هاتیە دیتن.
شینوارێ دیتی یێ کوو دکەفتە سنوورێ ڤی پرۆژەی، پەرستگەهەکە کۆ ل سەردەمێ میتانیان ل ڤێ دەڤەرێ هاتیە درۆستکرن کۆ مێژوویا وێ ژ بۆ 1350- 1550 ساڵان بەرى زاینى دزڤریت.
رێڤەبەرێ شینوار و کەلەپۆریا پارێزگەها دهۆکێ گۆت ژى: کەسێن کۆ دناڤ ئەردێ فرۆکەخانا دهۆکێ دا کار دکەن گەلەک ڕێز ل وان شینواران گرتیە و ب هەستیاری ڤە دەسکارییا وانا هەتیە کرن هەتا وی دەمەی کوو ئالیێن مەبەست ئاگەهدار کرینە، هەلبەت ل هەمى جیهانێ دەستکارى د شینواران دا ناهێتە کرن، لەوڕا ئەو شینوارە دێ ل جهێ خۆ مینن، هەیا وی دەمەی کو فرۆکەخانا دهۆکێ دهێت درۆستکرن ژى دێ ئەو شینوارە جوانى و تایبەتمەندیەکە دیتر ل فرۆکخانێ دروستکەن و مە مەبەستە کو پشتی تمام بوونا ڤێ فروکەخانێ دێ ل جهەکێ هەژی و ب باشترین شێوە هێنە پاراستن.
جهێ ئیماژێیە کو پرۆژێ دروستکرنا فروکەخانا نێڤ دەولەتییا دهوکێ پروژەکێ ستراتیجی یە کابینەیا نوو یا حکومەتێ یە ولسەر ئەرکێ حکومەتا هەرێما #کوردستان#ێ لڤێ دەڤەرێ دێهێت ئەنجام دان.[1]