ناڤ: مستەفا
ناسناڤ: مەلا مستەفا
ناڤێ بابێ: محەمەد
ڕۆژا ژ دایکبوونێ: #14-03-1901#
ڕۆژا مرنێ: #01-03-1979#
جهێ ژ دایکبوونێ: بارزان
جهێ وەغەرا داویی: واشنتۆن
$ژیاننامە$
مەلا مستەفا کوڕێ شێخ محەمەد بارزانییه، ل 14-03-1903 ل گوندێ #بارزان# ژدایک بوویە، لدیف ژدایک بوونا وی شیخ محەمەد وەغەرا داویێ کر، د ژیێ 3 سالێدە و ل ساڵا 1906 ژ ئالێ سوپایێ تورک برایێ وی #شێخ عەبدولسەلام# دێهێتە گرتن و ژبو ماوێ 9مەهان مەلا مستەفا تەڤی دیکا وی دکەڤنە بەندیخانا تورکان، ڤەلڤینا شوڕش خوازانەیا وی ل ساڵا 1943ئان دە دێ دەست پێبکەت ئەو ژی پشتی هندێ کو برایێ وی شێخ ئەحمەد خوە تەسلیم کری، میرێ عیراقێ بڕیار دیرخستنا وی ژبۆ ئیرانێ دەرکر،
ل سالا 1945ئان دە دێهێتە بەغدایێ و حکومەتا عیراقێ دێ ب داخوازیێن وی ڕازی بتن لسەر وێ چەەندێ کو ڤەبگەڕت ژبو دەڤەرا بارزان ب مەرەمە کۆمکرانا چەکان ژ دەستێ خەلکێ دەڤرێ، لێ بەروڤاژییا ڕێککەتنە کەتە ناڤا دەڤەر و گوندان ژبو هاندانا خەلکێ لسەر سەرهەلدانا شوڕەشەکە نوو. ل ساڵا 1945ئان دە هێزەکە سووپایێ عیراقی هاتن و ژبوو دەڤەرێن زێبار و بارزان و ئەو نەچار کرن تەڤی برایێ خوە شێخ ئەحمەدێ بارزانی ژبو سنوورێن ئیراق و ئیرانێ کۆچ بکەن. پشتڕە بریێ وی دێ ڤەگەڕت بارزان لێ بەلێ مەلا مستەفا تەڤی 2000کەسان دێ بەرەف مهابادێ کەڤنە ڕێ، ئەڤە د دەمەکی دە بوو کو قازی محەمەد ل 15 کانوونا ئێکەم یا 1945ێ ب ئالیکارییا ئێکەتیا سۆڤیەت فەرمانڕەواییەکە کوردی ڕاگەهاندبوو، کوو هەڤ سنوور بوو دگەل فەرمانڕەوایەتییا ئازەربێجان ئەوا کوو ل تەبرێزێ هاتە ڕاگەهاندن.
د ساڵا 1946ێ دا کو دەستهەڵاتا ئیرانێ کومارا مهابادێ لناڤبر، مەلا مستەفا تەڤی وان جەنگاوەران خوە بەرەف ڕووسیایێ کەتنە ڕێ و بو ماوێ 12ساڵان لور ئاکنجی بوون، د دەستپێکێ دە ل ئۆزبەکستان و ئازەربێجانێ ئەکنجی بوون، پشتڕە ژبو مۆسکۆیێ هاتن ڤەگوهاستن، زمانێ ڕووسی و هونەرا سەربازیی و زانیارییا ئیکۆنۆمی ل و وی وڵاتەی خوەندییە، پشتڕە ل 26ێ تشرینا ئێکەم یا ساڵا 1958ئان دە بەرەف ئیراقێ ڤەگەڕییاینە،
ل ئەیلوولا ساڵا 1961ئان دە شوڕەشەکا نوو دژی دەستهەڵاتا ئیراقێ ڕاگەهاند کو هەتا ئادارا ساڵا 1970 یا بەردەوام بوو، ل 29ێ ئەیلولا ساڵا 1971ئان دە ل هەولەکا تەرۆریستی ل دەڤەرا حاجی ئومەرانێ ب سلامەت دەرچوو.
دەستهەلاتا ئیراقێ ل #11 ئازارا ساڵا 1974# مافێ ئۆتۆنۆمی ژبو کوردێن باشوور ڕاگەهاند لێ مەلا مستەفا ب شێوازا ئۆتۆنۆمیێ ڕازی نەبوو و ژبۆ جارەک دن شوڕەشەکە نوو دەست پێکر، لێ پشتی پیلان و ڕێککەفتنناما جەزائیرێ دناڤبەرا ئیران – ئیراق و ب سەرپەرشتییا ئەمریکایێ ڤێ شوڕەشا نوو شکست ئانی و ب نەچاری ب ڤێ ئۆتۆنۆمیێ ڕازی بوون.
ل ساڵا 1979ئان دە ب مەرەما چارەسەرییا پزیشکی بەرەف واشنتۆنێ کەتە ڕی و ل یەکێ ئادارا ساڵا 1979 ل وێرێ کوچا داویێ کر، تەرمێ وی ل بو #روژهەڵاتا کوردستان#ێ هات ڤەگوهاستن و باژێرۆکی #شنو# ل گوڕستانا بارزان ئاباد هات بخاک سپاردن، ل ساڵا 1993 و پشتی ئازادییا #کوردستانا باشوور# تەرمێ وی تەڤی تەرمێ ئیدرئسێ کوڕێ وی بەرەڤ جهێ باب و باپیرێن وی بارزان هات ڤەگوهاستن.[1]