بابەت: وتار
نڤیسین: #وەلید محەمەد سلێمان یوسف#
$بڕیارا 688 ێ یا ئەنجومەنێ ئاسایشێ چییە؟ کەنگی هاتە دەرکرن؟$
بڕیارا 688 ێ یا ئەنجومەنێ ئاسایشا نیڤدەولەتیی ل بەروارێ 5ێ نیسانێ ل سالا 1991ز ئەنجومەنێ ئاسایشا نەتەوەیێن ئێکگرتی د کومبوونا ژمارە (9282) دا پشتگرێدان ب بەشێ حەفتێ یێ دەستوورێ ڕێخراوا نەتەوەیێن ئێکگرتی دەرکر.
$ئەرێ بریارا 688 بۆ گەلێ کوردستانێ چ دروستکر؟$
ئەڤ بریارە هاتە دەرکرن بۆ پاراستنا گەلێ کوردستانێ ل ھێرشێن ڕژێما بەعسی یا دڕندە ب دروستکرنا نافچەیا دژی فڕینێ ل سەر ھێلا (36) ھەرچەندە ڕوبەرەکێ کێم بوو بەلێ لڤان دەڤەران گەلێ کوردستانێ ل جینۆساید و کومەڵکوژیێ هاتە پاراستن.
$کی دەستپێشخەریا ڤێ بریارێ کر و کی دەنگ ب بەلێ دا و کی ب نەخێر ھەردیسان کیبوون بایکوتا بریارێ کرن؟$
ئەڤ بریارە لسەر دەستپێشخەریا فرەنسا و بریتانیا ب ھاریکاریا ویلایەتێن ئێکگرتیێن ئەمریکا ... هاتە دەرکرن، دوێ بریارێ دا لسەرجەمێ (15) ئەندامێن ئەنجومەنێ ئاسایشێ د وی دەمیدا ب (10) دەنگێن بەلێ دەرچوو.
ئەویش بریتیبین ل وەڵاتێن (فڕەنسا و بریتانیا و ئەمریکا و ڕوسیا و بەلجیکا و ڕومانیا و ئوسترالیا و ئیکوادور و کوتیڤوار و کونگۆ) دگەل (3) دەنگێن نەخێر ئەویش (کوبا و یەمەن و زیمبابۆ) بوون، ھەروەسا (2) وڵاتێن دیکەش ئەو ژی( چین، ھندستان) بێلایەن بوون.
$ئەرێ بریارا (688) ێ سیاسی یان مرۆڤایەتی بوو؟$
بریارەکا (سیاسی) بوو، ژبەرکو ویلایەتێن ئێکگرتیێن ئەمریکا و بریتانیا و فڕەنسا ... پشتی جەنگێ کەنداڤا دووێ، دڤیا ڕژێما بەعسی یا دڕندە لاواز بکەن، ب دەرکرنا ڤێ بریارێش ڕژێما بەعسی یا دڕندە زۆر لاواز بوو. ئ
دھەمان دەمدا دەرکرنا بریارا 688ێ بریارەکا مرۆڤایەتی بوو چونکی پشتی ڕاپەرینا گەلێ خەباتگێڕێ کوردستانێ ڕژێما بەعسا دڕندە ھێرشێن بەرۆڤاژی دەستپێکرنەڤە ب ھاریکاریا ھندەک وڵاتان، دڤیا جارەکا دن کوردستانێ داگیر بکەنەڤە، بەلێ گەلێ کوردستانێ لژێر درۆشمێ (نەخێر بۆ ژیانێ) ل ژێر دەستھەلاتا ڕژێما بەعسی یا ھەلبژاردو کۆرەوا ملیونی بەرپاکر و بەرەف سنورێن ڕۆژھەڵات و باکورێ کوردستانێ چوون.
ب ڤێ چەندێش رەنگڤەدانەکا مەزن ل جیھانێ ڤەدا و ھەڤژینا وی دەمی یا سەروکێ فڕەنسا خاتین( دانیاڵ میترال) سەرەدانا ئاوارەیان کرو دگەل سەرکردایەتیا گەلێ کوردستانێ کومبوو.
$گرنگیا ڤێ بریارێ چبی بۆ کوردستانێ دوی دەمێ ھەستیاردا؟$
د مێژوویا یاسایا نیڤدەوڵەتی و دامەزراندنا رێخراوا نەتەوەیێن ئێکگرتی بۆ جارا ئێکێ بوو، ئێکەم بریاربوو کو بۆ بەرژەوەندیا گەلێ کوردستانێ دەرکری و گەلێ کوردستانێ ل جینوسایدێ پاراستی.
پشتی ڤێ ڕویدانا دەگمەن یا بۆ گەلێ کوردستانێ ماف خۆر و ستەملێکری ھاتییە پێش پەرلەمان و حکومەتا ھەرێما کوردستانێ دروستبوون.
#05-04-2023#
[1]