ساڵا 1905ز. ل گوندێ (نارنجی) یا سەر ب باژێڕێ مێردینێ یێ کوردستانا باکوور ژدایک بوویە، خوەندنا سەرەتایی و ناڤەندی ل ئامەد و باژێڕێن دن یێن باکوورێ کوردستانێ تمام کرییە.
ل ساڵا 1925ز. دە پشکدارییا شۆڕەشا #شێخ سەعیدێ پیران# کرییه. =KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2008/269/0001.JPG=KTML_ImageCaption_Title=نەڤیێن ئاپۆ ئۆسمان=KTML_ImageCaption_CaptionStyle=000000=KTML_ImageCaption_Caption=نەڤیێن ئاپۆ ئۆسمان=KTML_ImageCaption_End=هەڤدەم دگەل ل سێدارەدانا شێخ سەعید و هەڤاڵێن وی هەستا نەتەوەی دناڤا وی دە پتر بهێزبوویە و کەتییە چالاکیێن ڕامیاری و دەمێ زانی ل تورکیایێ مەترسی لسەر هەنە، ئەو شەش برایێن وی دێ بەرێ خوە دەنە سووریا ل دیمەشقێ دێ نیشتەجە بن، سەیدا ئۆسمان سەبری تەڤی دەرچوونا گۆڤارا (هاوار) ژئالێ میر جەلادەت بەدرخان ل #15-05-1932#ز. ێ ل دیمەشقێ بوویە نڤیسەرەکێ سەرەکیێ وێ گوڤارێ و گەلەک وتارێن ب پیت لسەر نڤیسینا کوردی ب لاتینی تێدا بەلاڤ کرینە و دمەکیش، کو میر جەلادەت گوڤارەکە دن بناڤێ (ڕوناهی) هەر ل دیمەشقێ ل ساڵا 1942ز. ێ دەرچوواند و هەیا ساڵا 1945ز. بەردەوام بوو لسەر کارێ خوە، مامۆستا ئۆسمان سەبری وتار و هەلبەستێن لاتینی تێدا بەلاڤ دکرن، د بواری خەباتا نەتەویش دە سەیدا ئۆسمان ل ساڵا 1957ز. ێ تەڤی خەباتگێڕێن بەرنیاس وەکە #نوورەدین زازا# و کۆمەک ژ نیشتمانپەروەرێن کورد #(پارتی دیموکراتی کورد)# ل سووریایێ دامەزراند و بڤی کارێ وانا میرێ سووریایێ پێ تەنگاڤ بوو و چەند جارەکان ماموستا هەڤاڵێن وی دەستەسەر کرن، مامۆستا ئۆسمان د ژیانا ڕامیاریدە 18 جاران هاتییە دەستەسەر کرن و ئەشکەنجە دان و ژوانا دووجاران ل تورکیا دوو جاران ل ئێراق و جارەک ل لوبنانێ و 13 جاران ژی ل سووریایێ بوونە و ل ڕۆژا #08-08-1960#ز. دە تەڤی نوورەدین زازا و ڕەشید حەمۆ لسەر خەباتا ڕامیاری و وەکە سەرکردەیێن پارتی فەرمانا لسێدارەدانێ ژبو وانا دەرچوو، لێ بەلێ نڤیسەر و ڕووناکبیرێن کورد ل ئەوروپا و ئێراقێ و لوبنانێ یاداشت و پڕۆتستۆ پێشکەشێ جەمال عەبدوڵناسر کرن و داخوازا بەردانا وانا کرن و د ئەنجام دە ئەڤان داواکارییان کارێ خوە کر و پشتی ساڵەکێ و ل ڕۆژا #08-08-1961#ز. هاتن ئازاد کرن.
سەیدا ئۆسمان سەبری هەموو پارچەیێن کوردستانێ یێ گەڕیای، پشتی هاتنێ ژ بو دیمەشقێ، ل ساڵا 1930ز. دە تەڤلی پارتیا خۆییبوون بوویە و بناڤێ ڤێ پارتێ سەردانا کوردستانا باشوور کرییە و خوە گەهاندییە بارزان و ل ور تەڤی #مەلا مستەفا بارزانی# کۆمبوویە ژبو ب هێزکرنا پەیوەندیێن خۆیبیون ب خەباتا کوردی ل کوردستانا باشوور.
نڤیسەرێ ژێهاتی و هەلبەستڤان و خەباتگێڕێ ناڤدارێ کورد ئۆسمان سەبری ل #10-10-1994#ز. ل باژێڕێ دیمەشق وەغەرا دوایێ کر.
بەرهەمێن ب پیتێن وی ژبو خزمەتا زمان و ئەدەبێ کوردی:
1. ئەلفوبێیا کورد – ل ساڵا 1955ز. دا ل دیمەشقێ چاپ کرییه
2. ئاپۆ
3. دەردێن مه
4. باهۆز (دیوانا هەلبەست) ل ساڵا 1965ز. دە ل دیمەشقێ چاپ کرییه
5. چار لەهەنگ ل ساڵا 1984ز. دە ل دیمەشقێ چاپ کرییه[1]