ناڤ: محەمەد موکری
جهێ ژدایک بوونێ:
کەرکووککەرکووک
ساڵا ژدایک بوونێ: 1953
جهێ وەغەرا داویی:
سلێمانیسلێمانی
روژا وەغەرا داویی:
06-05-201206-05-2012
ژیاننامە
محەمەدێ موکری نڤیسەر و ئەدیب و ڕەشنبیرەکێ مەزنێ کوردستانێ بوویە و نێزی 50 ساڵان ل خزمەتا ئەدەب و ڕەوشنبیرییا کوردیدە بوویە. موکری ل ساڵا
1945 و ل تاخا قەڵا یا باژێڕێ کەرکووکێ ژدایک بوویە.
هەر ل دەستپێکا ژیانا خوە و ل ژیێ گەنجاتیێ حەز و خولیایا وی جیهانا ئەدەب و نڤیسین بوویە و خودیێ چەندەها چیروک و ڕۆمانێن ناوازەیە کو ژ دیارترینێن وانا دکارین ناڤێ ئەڤانە بهینین:
سەگوەڕ، تۆڵە، هەرەس، ئەژدیها، نێچیر .
محەمەدێ موکری ژبلی نڤیسینێ گرنگی ب شانۆیێ ژیک دایە و چەند شانۆگەری نڤیسینە کو ژوانا شانۆگەری یێن (هاروونە ڕەشید، دادگا) یێن بەرچاڤن .ل بوارێ وەرگێڕانێ ژی دە جێ دەستێ وی یێ دیارە و 10 شاهکارێن شانۆیێن مەزن و دیارێن شانۆ نڤیسێن جیهانی بو سەر زمانێ کوردی وەرگێڕ کرینە.
محەمەد موکری وەکە نڤیسەرەکێ خودان هەلوێست چوویە ڕیزا شوڕەشا نو و ب چەکێ و قەلەمێ خوە بەرگری ژ گەلێ کورد کرییە.
هەر ل چیایان موکری گرنگی ب کارێ ڕۆژنامەنڤیسی دایە و ل روژنامە و گۆڤارێن سەردەمێ شوڕەش و بەرخوەدانێ بەرهەمەێن خوە بەڵاڤ کرینە و گۆڤارا کولتووری ل شاخ و پەیڤین ژی ل ناڤ باژێڕ بەڵاڤ کرییە کوو دوو گۆڤارێن سەنگین و بەربڵاڤ بوون دناڤا خەلک و پێشمەرگاندە.
هەر ل شاخ چەند چیڕوک و ڕۆمانەک نڤیسی و بەڵاڤ ژی کر. دناڤ ئەواندە ڕۆمانا (سەگوەڕ) کو ب شێوازێ ڕەخنەگرتن ل سەر شوڕەشێ نڤیسی بوو گفتوگۆ و مشتومڕەکە زۆر ل سەر هاتە کرن و کارڤەدانەکە توند بدویف خوەدە ئینا.
ل پشتی ڕاپەرینێ ژی موکری ل خزمەت کرنا ئەدەب و ڕووناکبیری و ڕوژنامەنڤیسی یێ بەردەوام بوو و چەندین بەرهەمێن نو دەینا سەر خەرمانا بەرهەمێن دن یێن خوە.
نڤیسەر و ڕەوشنبیرێ کورد ل ڕێکەفتا 06-05-2012 ب نەخوەشی مالئاڤایی ئێکجاری ل ژیانێ کر و ل باژێڕێ سلێمانی یێ هاتە بخاک سپاردن.
[1]