نەبوو بوختان بێ بەختی

دئێزدیاتیێ دا هەر کەسێ ژ نەبوویێ خەبەر بدەت یان بێ بەختیێ بکەت ئەو کەس ئی دورە ژ ئێزدیاتیێ و ل رۆژا ئاخرەتێ دێ ئێتە خوندن وەک گونەهبارەک و دێ جزایێ خۆ وەرگرت و دێ ئێتە ئەشکەنجەدان ل گۆڕ ڤان سەبەقێن ژ ئەدەبێ دینێ ئێزدیان ژ قەولێ ئاخرەتێ ق هەسەدێ ئال توری ق پەدشایی ق بەیگۆیا ق بەدیلا غەدار ق ئەساسێ ق گاو ماسی و ژبەیتا نەسرا.

ژ قەولێ بەیگۆ یا :
وێ ل بەیگۆیا و عەوانە
دلێ وان خالی نەبت ژ ئێش و ژانە
یێ بچاڤێ خۆ نەدیتی و دکەن بوختانە .

ژ قەولێ بەدیلا غەدار :
ئەهلێ دۆژێ نەد فاخرن
دغەیبەتکارن دبێ باوەرن
دمراز مالن دێ بخۆ ڤەمرن.

ژ قەولێ ئاساسێ :
بێ بەخت نەبە ب هەڤالێ خۆرا
دێ بتە دیرۆک ژ ناڤێ وەرا
دنیا دورە دێ بتە ژ تەرا .

ژ قەولێ گا و ماسی :
نەیە ب بوختانە نەیە زۆرە
ل خاسا سایی یە و غافلا عەورە
بەلێ ژێر و بەرەو ژێر گایە .

ژ قەولێ ئاخرەتێ :
هەی زمانۆ یێ سۆتنێ
خەبەرەک وا هەی نەیا گۆتنێ
دێ بۆچی داهرکەیە روویێ ڤێ دنێ .

ژ قەولێ هەسەدێ ئال تەوری:
زەمان نەمان وەکی بەرمە
ژ دنێ هلات حەیا و شەرمە
خەلێ بۆختان گرتە سەرمە .

هون بوختانە مەکەن بران
دلێ خۆ سافی بکەن ژ غەدران
زۆر ژ ڤێ دنێ چۆن ب گونەهێت گران.

ژ قەولێ پەدشایی:
پەدشایێ من نوورە
ئەو ژمە نەی دوورە
ئەو عالمە ب عەرد و عەزمان و بەحرێت کوورە.

ژ بەیتا نەسرا:
هندەک هەنە خودان خۆفا ژ خۆرا دکەنە بەر بەرە
ئەو نکارن سەرێ خۆ راکەن ژبێ بەخت و نەبوو کەرە
ئەو دبێ بەهرن ل هەر دوو سەرە .

من زۆر ل ڤێ دنێ دیتن ب زمان و سەر
ل ئاخرەتێ قیر دحەلاندن و بەردانە سەر
هەموو ئەو بوون یێن ژ نەبوویێن دان خەبەر .

رۆناهیا ڤان سەبەقان ژ قەول و بەیتان شرۆڤەدکەن: درێیا ئۆلا ئێزدیان دا ( نەبوو بوختان ) گونەهە و حەرامە، هەر کەسێ نەبوویێ بوختانیێ بکەت ئەو روح دێ ل رۆژا ئاخرەتێ حوکم بت و جزایەکی مەزن دەت و گەلەک جاران بوختان بویە ژێدەرێ کوشتنێ یە یان ژ نەبویێ لسەر هەفت بابان بوینە دوژمنە، و سەدەما نەبویێ یان بوختانیێ ژ ئیمانێ دور بووینە و روحا وان نەبووکەرە دێ بتە بەهرا دۆژێ و سۆتنێ ب دەستێ زبێنیا.
خودێ خودان رەحمە و عەدالەت یا وییە و هەقێ کەسەکی ل خۆ ناهێلت و هەقێ خۆ ل کەسەکی ناهێلت و هەقێ کەسەکی ژ بۆ کەسەکی ناهێلت و گونەهبار دێ گەهنە جزایێ خۆ ل رۆژا ئاخرەتێ و خودان خۆف و رەحم و عەبادەت دێ گەهنە مرازێ ل باغێ جنەتێ و رێز و سلاڤ ل خەلکێ پاک. پیر خەلات [1]