سەلەف ربا
ل گۆڕ ئەدەبێ دینێ ئێزدیان سەلەف (ربا)
د ئیێزدیاتیێ دا یەحەرامە و مالێ ربایێ نەهاتیە قەبولکرنە و هەر کەسێ ربا خۆر ئەو کەس دێ کەفتە هەق و حسابا رۆژا ئاخرەتێ و ئەو گونەﮪ هەموو لسەر روحا وی حسابە.
ژ ئەدەبێ دینێ ئێزدیان دایە دیارکرن ژ قەولێ (شەقەسەری ق مەرسووما جەبێر ق تەرجالی ق پیری کار) دیاردکەت و شرۆڤەدکەت.
ژ قەولێ پیری کار:
یە حەرامە سەلەف ربا و دزی و دەرەوو
و کوشتن و زنا و خەبەردان ژ نەبوو
و یێ ژ غێری خودێ را سجودە بوو .
ژ قەولێ شەقەسەری:
سەلەف خۆرێت بێ دین
دزگێ وان دا هەیە کەرب و کین
تالیا وان یان دێ هاربت یان دین .
ژ قەولێ مەرسووما جەبێرە:
خودان سەلەف و ربا دژوارن
ل ئاخرەتێ دبێ پشتینە ب بارن
ل دۆژێ دبێ گازینە و دبێ هاوارن .
ژ قەولێ تەرجالی:
یێ مالی دەت ب سەلەف و ربێ یە
دێ لێ کورت بن دەست و پێ یە
ئەو ڕێ نابەنە سەر چو ڕێ یە .
یێ مالێ ربا سەلەفێ دخوارە
ئەو هەر دێ کەتە گازی و هاوارە
نەسەد خۆزکا بروحێت گونەهکارە .
ل گۆڕ رۆناهییا ڤان سەبەقێن قەولان ژ ئەدبێ دینی ئێزدیان زەلال دکەت و دبێژت:
خودایێ مەزن ئاقل وێ دایە تە تو خۆ پارێزی ژ نەبوویێ ژ بوختانیێ ژ کوشتنێ ژ زنایێ ژ دەرەوێ و ژ دزیێ و هەموو خرابیان و ژ سەلەفێ ژ ربایێ ئەڤەنە هەموو دزڤرن ب گونەﮪ و حرامبوون و هون خۆ ژێ ب پارێزن.
[1]