چەند سەبەقێن پیرۆز ژ قەولێ تاووسی مەلەک :-
یا رەبی تویی کەریمی تویی رەحمی
یارەبی ھەر تو خودای
ھەر تویی لایقی مەدح و سەنای
یارەبی تو مەلەکێ مەلکێ جیھانی
یارەبی تو مەلەکێ مەلکێ کەریمی
تو مەلەکێ عەرشێ عەزیمی
یا رەبی ژ ئەزەل دا ھەر تویی قەدیمی
***
تو تام و کام و رای
یارەبی ھەر تو خودای
ھەر توی ھای
و ھەر تویی لایقی مەدح و سەنای
***
یا رەبی تو مەلەکێ عنس و جنسی
یارەبی تو مەلەکێ عەرش و کورسی
یا رەبی تو مەلەکێ گای و ماسی
یارەبی تو مەلەکێ عالەم و قودسی
***
تو ل سەمەدی لفتی لەمای
تو ل سەمەدی حەی ل مەجیدی
واحدی فەرز ل حەمیدی
***
یا رەبی تو خودان سەبری
یارەبی تو خودان مەھ و مەری
یارەبی تو خودانێ جی و دەری
***
یارەبی تو حاکمێ شاھ و گەدای
یارەبی تو خودانێ عەتای
یارەبی تو لایقی مەدح و سەنای
***
یارەبی ژ ناڤا تویی بلندی
تە ناڤ ل چو نینە توی چەندی
مزێ زای دوو زەندی
***
یارەبی کەس نزانت توی د کو دای
مقا دەستێ دووپایی
تویی لایقی مەدح و سەنای
***
یارەبی تو کەرەم دایێ حوتی
مەندایێ قوتی
حەلیمێ مەلکێ کوتی
***
یارەبی تو عالمێ علمای
یارەبی تو حەکیمێ دەردای
***
یارەبی تە نە خافە تە نە خوردە
خودان مالی خودان پەردە
یارەبی مەکانێ تە وێ ل ھەموو عەردە
***
یارەبی تە نە لەونە و تە نە رەنگە
تە نە ئاوازە تە نە دەنگە
تە نە ئیندامە تە نە چەنگە
***
یا رەبی تو حاکمێ جملەت عالەمی
یا رەبی تە تۆبە دانا بوو سە ئادەمی
یارەبی تو حاکمێ شفایەتی
***
یارەبی تو رەحمی و کەرەمی و ئەمینی
یارەبی تو لسەمەدی
و ئەم چو نینن
***
یا رەبی ئەزی کەتیمە یی تاویمە
تو دەرمانی و تو دەوای
تو دەرمانی و تو تەبیبی
***
تو حەکیمی ئەم غەریبینی
یارەبی ھەر تو دزانی دەرمانێ مە ل کو دبی
یارەبی تو ئونسێ غەریبایی
***
و ل سوچ و گونە و مشەوشە
مەگرن تەحیات و گەوشە
یا رەبی ل مە ببەخشە
***
یارەبی ھەر توی ھای
و ھەر تو خودای
و ھەر تویی لایقی مەدح و سەنای
***
یارەبی تو خالقی ئەم موخلقین
تو مرازی ئەم داخوازین
***
یێ تەمام خودێ یە [1]