ب دەستووری خودێ

بانگا منە خودانێ ھەکارێ
عەزیزێ منۆ ل بەر مە ھلینە وێ فقارێ
دا تواف کەین زمزمێ دگەل کاف و مغارێ

***
سۆتم ل بەر ڤی کراسی
ھند ب زەبوونی ھند ب پێخواسی
ھنجیێ رێیا شیخادی و مەلک شێخسن ل سەر خۆرا بناسی
ھۆی بھۆریە روێ بەحرێ د گەرە وەکی ماسی

***
خۆزی ل دیوانا شیخادی و مەلک شێخسن مە حاسل با ئەو مرازە
ڤێ دنیایێ نەقەول تێ ما نەوەعدەیە
گەلەکا سەر رێیا شیخادی گاڤدە

***
چەند مەدح و سەنا بۆ ناڤێ (سلتان شیخادی ):-

1- یا شیخادی توویی رێزانی و توو د دلادە ئی بەیانی توو ل بەحرێت گران ئی مەلەڤانی

2- یاشیخادی توویی رێناسی و توو د دلادە مرازی و توویی خاسی

3- یا شیخادی توویی رێبەری و توو د دلادە مەھدەریی

4- یا شیخادی توویی رێبینی
و توویی قەدیمی

5- یا شیخادی توویی مەزنی
و توو د دلادە مۆمنی
ئێزیدخانە ب ناڤێ سلتان شیخادی سەکنی

6- یا شیخادی توو وێ ل مەرگەھێ
و توو وێ ل لالشێ وێ ل قوبەھێ
توویی خودانێ خلمەتێ و چرا و قەندیلێت گەشی

7- یا شیخادی توو نووری
و توو د دلادە مشووری
توویی نێزیکی مۆمنایی و نەی دووری

8- یا شیخادی توو وێ ل قاپیێ
توو دوڕی ل سەر کورسیێ
توو وێ ل دەرەجەکە زۆر ھێڤیێ

9- یا شیخادی توو قوتبێ قوتبایی
و تانجێ سەرێ مێرایی


یێ تەمام خودێ یە. [1]