د ئێزدیاتیێ دا
نەزەر ( نەدەرا) خراب گونەها
نەزەر ( نەدەرا) خراب گونەها و گونەهباریەکا مەزنە و هەر تشتێ هێژا و سپەهی و دلخواز نەزەر لێدکەڤت و یە فەرە بێتە پاراستن مینا: زارۆکێن رادبنە سەر پیان گێنجێن نوو هاتی کەچێن بەژنێ رڤاین لاوێن بەهرەمەند بووک و زاڤایێن سالێ شۆغلکارێن مالێ شێوەردارێن ئۆلی شێوەردارێن جڤاکی خودانێت خێر و خێراتا کەت خوەدا کۆچەک و فەقرا جۆتیارێن سەرفەراز مێر خاسێن قەهرەمان جوامێرێن ناندایی غیرەت کێشێن ئۆلی رێبەرێن گوندا رێەرێن عەشرەتا و .. هتد
ژ ئەدەبێ دینێ مە ئێزدیان ژ قەولێ نەفسێ دبێژت:
هەکە تە جوانەک دیت رەنگی سپەهی
هەکە نەفسا تە چۆیێ و تو پێ فەکری
بەلێ ب هەقیا خودێ تو پێ خەسری .
ژ قەولێ سوبەیەکا ژیێت تاری یە :
کا ئەو چاڤێن ل سەرتە سوڕی
کا ئەو دەورا خۆش تەژ خۆ دبڕی
ما تە حساب نەتکر ژ ئاگرێ گۆڕی .
کا ئەو چاڤێن تە یێن ئەشارەتێ
کا ئەو یارێن تەژ خۆڕا دگرتن نەژ قەومییەتێ
ما تە حساب نەتکر ژ رۆژا ئاخرەتێ.
ژ قەولێ ئاساسێ:
گازندا نەکە ژ رێیا مەسەب و دینە
ئەڤ دنیا دەورە و خۆ ژێ دەرینە
باتن هەیە ل سەر تە د حەسبینە.
ب وێ سوڕێ کەم نورا جەبێرە
مێر ژ وێ سوڕێ نەد بوون تێرە
عەمەل ب مێراڕا دگەرێت وەکا سیها دێرە .
ل گۆڕ ڤان سەبەقا دەتە دیارکرن بلا مرۆڤ نەبتە خودانێ نەزەرەکا خراب گونەها و هەر کەسێ ل پێ نەفسا خۆ هەرەت ئەو دێ کەفتە حەق و حسابە ئاخرەتێ و دێ پۆشمان بت.
ژ قەولێ بەیگۆیان:
مالا من ئاڤا بی
مێرێ عنکار ئەگەر پاشا بی
دلێ من قەد پێ خوەش نا بی.
ژقەولێ مریدیێ :
نەدەر خۆش نەدەرە
هەکە دارە و هەکە بەرە
نەدەر خراب ژ نەدیتنێ ڤە دبەنە سەرە .
[1]