مسحابەت
شیرەت و کارێ باش
ئەڤ سەبەقێت ژێریل پێشیا قەولا دبێژن هەلبەت ئەڤە وەکی مسحابەتێ تێنە گۆتن نە وەک قەول ، مسحابەت کۆم کرنا سەبەقا یە ژ وی قەولی و قەولی دی ، ئەف مسحابەت نه ل رۆژێن شین و شادیا تنێ دهێن گۆتن بەلکو ل کۆچک و دیوانخانێت ئێزدیان تێن گۆتن بێگۆمان هەموو هاندانن بۆ کرنا شۆلێ باش، زێدە کرنا تفاقێ و هاریکاریێ، دانا خێر و خێراتا.
ب دەستوری خودێ
بن ئادەمۆ ! تە وار ژ وردە
ئو خێر و خێرات ڤرێکە ل بەر تە
دا رۆژا ئاخرەتێ زەبینی نێنە سەر تە
* * *
وه دبێژت مەلک فەخرەدینە
سەکنیه راسته عەی ل مەعینه
ئه و دێ دەرمان کەت دلێت برینە
* * *
نەفس بەحره ، نه بیره
ل رۆژ، بن دەستێ عالمانە
ل عەردێ بن دەستێ فەقیرە
* * *
ئەڤێ دنێ زۆر کرن
گەلەک کەون و کار کرن
مالا گەلەکا خراب کرن
* * *
دبێژمە وە یە جێش
هوون سوار نەبن بۆرێ سەرکێش
زۆر خەندەق هەینە ل پێش
* * *
خەلکۆ ! هوون مەبن بێ جیە
هوون دوور بن ژ خرابیا
سلتان شیخادی ئی حازره ، ئی قادره، ل هەموو جیا
* * *
من دیت پەدشێ خۆ هنداڤێ
هند جی ل جۆ ل داڤێ
کەسەکی نه دگۆت; من نا ڤێ
* * *
چەندی دگریم ، چەندی دنالم
کەسەکی نه دزانی ب چی حالم
بەس ئه و دزانت ب حالێ من
حەتا رۆژا ئاخرەتێ ژ گولا جدێ خۆ دنالم !
* * *
هەفت سالا ب خەبتی
هەکه گالگالەکێ ب خەلتی
جی نینه، لێ بتەبتی
* * *
سەد سالا بکەی ماله
هەکه نەکەی زگێ وان هەڤالا
شێخ نابی ب وانرا
* * *
عاشق تو دبی
ماشوق تو دبی
هەر روحا رۆما گاورا تو دبی
* * *
شیخادی ب حسار دا
ئەزب وەرا شور و کەلهدا
ئەن شەﮪ و خوندکار بێ منەت دا
* * *
عاشق نا ئێت بێ معشوق
هەکه سوڕ نا ئێت ژ فۆق
میر نا ئێتە پێشیا جۆق
* * *
ژ قەولێ مامەندە
ل دیوانا سلتان شیخادی
مێر هەیە ب سەدا
* * *
کانێ سلێمان پێغەمبەرێ حوکم دکر ، عنس و جنس و چەندی تەیار ؟!
کانێ بلقیزا سپی چار
خیال هوون د خۆش بن ، ئەو ژی چۆنە ناڤ ئاخا صار
* * *
کانێ سلێمان پێغەمبەرێ حوکم دکر ، عنس و جنس چەندی دنێ ؟!
کانێ بلقیزا ب زێرا و مالێ دنێ خنێ ؟
هوون دخۆش بن ، ئەو ژو چۆن فەنا بوون ژ رووێ ڤێ دنێ
* * *
من چی گۆت ، من گۆ قەیبای بری !
من نه دزانی هەموو لسەر روحا من رۆژا ئاخرەتێ حساب کری !
* * *
خەلکۆ ! هوون مە بن بێ جیە
هوون دوور بن ژ خرابیا
سلتان شیخادی ، ئی حازره ، ئی قادره ، ل هەموو جیا
* * *
د بێژمە وە خودانێت گەرا
هوون ب خۆف بن، ب ترس ژ هەموو دلا
دا هوون رۆژا ئاخرەتێ نە بنە ئارمانجێت قەدان و بەلا
* * *
کەس ژ سلێمان پێغەمبەر مەزنتر نەبوو
گاڤا چۆ دیوانا سلتان شیخادی، ئەو ژە زەبونێ نەفسا خۆ بوو
* * *
هندو کۆ هندونە
چەند ب طۆپن، ب جەبلخانەنە
هەر ژ با خودێیێ خۆ ب رەجونە
* * *
ژ هندێ هەتا ئەتقاتێ
دێ ب کەڤانەکێ تە کەم خەلاتێ
حەتا دکرێ تە دگەرەت شەرق حەتا شامێ
* * *
ئەز ئاقوبێ متربم
ئەز هاتمه ژوێدەرێ ل ڤر بم
ب باخۆیێ خۆ رەجۆ بم
* * *
وەی ل غافلێت بغودە
مارێ دۆژێ لێ د بنە خودا
ئەوان نه دزانی شیخادی ب خۆ معەبودە !
* * *
ئەم د کێمن خودێ یێ تەمامە. [1]