بەیتا میر مح
ب دەستوری خودێ
هوون وەرن لێزم وەرن
گوند و چینارێت هێشەتێ
ئەم دا رایەکێ لێ بکەین
ئیرۆ قەوی گریا مە تێ
* * *
ئیرۆ قەوی گریا مەتێ
سۆسن ل مێرگا غەیری
نەما ڤەخۆن ڤێ شەربەتێ
* * *
لێڤێت نازک رەنگێ شەکەر
ژێ کێم دبون دوڕ و خەبەر
سەد داخ و کۆڤان و کەسەر
* * *
حەیفه ئەم ژێک ببین جودایی
یا رەبی ! حزنو گری ته هەردو ته دایی
ئەم درازینه ب حوکمێ خودایی
هنجی ڤا تێ ، ژ دەرگەهێ تە تێ
* * *
هنجیا دکەت ،ئەو میر دکەت
داغا دقەلبا دا پیر دکەت
خێر و شەرا دکەت
سۆتم بۆ ناڤێ فرقەتێ
* * *
سۆتم بۆ نارێ ئاگری
هەیی فەلەکێ ! ڤێ فێنیێ ئەم ژێک کرین
هەتا د خۆشین ، دێ ب کول و دەردا
مرین دۆست برا چەرخا عەدەتێ
* * *
چی عەدەکه بێ هەوایە
چەند جوان و مەحبوب وێ رڤایە
هەموو ل ناڤ ئاخێ دانایە
* * *
هنجیێ دناڤ ئاخا وی
هنجیێ لبەر عەنکێریا وی
ئەم دا بدەین تەرکا وی
ئەوە ب سەرێ کەسی نە تێ
* * *
ئەڤە گومبەتا ل ناڤ قەبورە
چی مەقبەرەکە تاری هۆیە کورە
هانا دۆستێیە دوورە
تەورە تەورا ڤێ محبەتێ
* * *
ئه و گومبەتا ل ناڤ بەیارە
چی مەقبەرەکە تاری هۆیە صاره
یا رەبی ! تە ل من حەرام کربوون بەهاره
ڤان چیچەکا ، کی دێ دەست کەتێ ؟
* * *
لڤان چیچەکا ، لڤان وەردا
ریحانێت بێهن خۆش وێ ل هەموو عەردا
هەتا د خۆشین ، دێ مرین ب کول و دەردا
شەب لڤان حەتا ب سەردا
* * *
ئەڤ دنیایە ب یارییە
حەقی بازارا دوو رویینیە
قەلسی هەڤالێ خۆ نینە
قەت نا ئێتە یتاعەتێ
* * *
عەبر تەباب و کەوکەبن
هنجیێ دوڕو جەوهەر هەبن
ئەو بێ شک دێ نیشانێ تەبن
* * *
شرعا میر محێ شرعەکە کشافە
هنجی کەسێ فاریقە بوو ژ ماکە
خالق هەمووا دێ وەفا کە ،
کەس نا مینت غێر شاهێ قودرەتێ
ئەم د کێمن خودێ یێ تەمامە. [1]