شیمیایی وارانوو هەڵەبجەی و وەرپەرسی وەڵاتە زلهېزە جەهانیەکا
بەشۍ: دوەمە
دەوروو کڵاوسوورە کوردیەکا:
ھەرپاسە کە وەڵتەر ئیشارەم پەنە کەرد، ڕژیمو بەعسی وەڵتەر جە شەڕوو ئێراق و ئێرانینە و ھەر پاسە جە ساڵەو (1987ز)ینە جە چن مەحاڵێتەری کوردستانېیەنە چەکی شیمیایش بەکار ئاردەبێ. ئینەیچە ھەم پەی ئێرانی، ھەم پەی ھیزە کوردیەکا و ھەم پەی زلھێزە جەھانیەکایچ دیار و ئاشکرا بۍ کە بە بێدەنگی ویاراشا. ئانەیچە کە زلھێزەکا وەراوەروو ئی تاوانکاریاوە بێدەنگیشا ھۆرچنیە بێ، پەی ویروڕاو گردی جەھانی و کوردی و بە تایبەت پەی ھێزە کوردیەکا دیار و ئاشکرا بێ. ھەر ئی بێدەنگیە ھاندەرېو بۍ پەی سەدامی کە دیسان ئی چەکیە بەکار بارۆوە و جە ھیچ کەسوو لایەنێو نەسڵەمۆوە. سەرەڕاو ئانەیە بەشێو جە ھێزە کوردیکا وېشا کەرد بە بەشێو جە جەنگوو دوێ داگیرکەرۍ کوردستانی و بیێ بە کڵاوسوورێ سپاو پاسداراو ئێرانی و کەوتێ وەڵێشا و ئاردێشا تاکو دڵێ شاروو ھەڵەبجەی.
بەشێو چا کڵاوسوورا تەنانەت جەعانوو شیمیایوارانەکەینە بە گردجۊرە چەکێو وەرگیریشا کەرد جە ژەنووزاڕوی بۍ تاوان و بۍ پەناو ھەڵەبجەی و ناستشا چا کارەساتەنە ڕزگارێ با و وېشا یاونا یاگیە ئەمنە.
ڕاسەن کە تاوانباری سەرەکی ڕژیمە فاشیستەکەو سەدامین ودماتەریچ ئا وەڵاتانێ کە یاردیدەرش بېیەنێ. بەڵام بە یاگێ وېش کۊماروو ئیسلامی ئێرانی و کڵاوسوورەکایچ تاوانبارێنێ. چوون ئاڎێ زانێنێ کە سەدام ئی چەکە کوشەندەشە بەکار ئاردەن و بە بۍ ھیچ گومانێو دیسان بەکارش مارۆوە. ئاڎێشایچ ناوەرپەرسانە زەمینەشا پەی ئەنجامدای ئا تاوانێ ئامادە کەرد.
جە بڕېوە وەڵاتی ئوروپاینە، جە بەشوو ئاماولواینە، سەزایەوە یاساییە ھەنە بە نامۍسەزاو وێپارێزنای جە یاردیدای. ئینە پا ماناینە کە ئەر شۆفیرێو بە ماشین بڎۆ ئەو کەسېو زامڎارش کەرۊ و نەمردۆ و بلۆ. لایەنی یەرەمیچ کە بۍ ئاگان جە ڕوەداکەی، بەڵام لاشەنە ویەرۆ و کەسە زامڎارەکەی وینۆ. ئەر نەوەزۊرە و یاردی زامڎارەکەی نەڎۆ، پەی نمونەی تەلەفون نەکەرۊ پەی پولیسی و پەی دوکتوری، ئاڎیچ بە تاوانەو وێپارێزنای جە یاردیدای و وەرگېری نەکەردەی جە ئێش و ئازارو فرەتەروو زامڎارەکەی دریۆ بە دادگای و سەزا دریۆ.
جا سەرو بنەماو ئی جۊرە یاسایا و بە تایبەت بنەماو یاساو وەرگېری و سەزادای بکەراو کۊمەڵکوشی و ژنۆسایدی مشۊ سەزاو کۊماری ئیسلامی ئێرانی پېسەو زەمینە وەشکەری و کڵاوسورە کوردیەکا پېسەو چەمساقی جە کۊمەڵکوشی ھەڵەبجەینە جە دادگایە بێلایەنە و تایبەت بە تاوانکاری کۊمەڵکوشی یان ژێنۆسایدی چېشەبۊ؟
موختار کەریمی.[1]
کوردیپێدیا بەرپرس نییە ل ناڤەڕۆکا ئەڤێ تۆمارێ و خودیێ وێ ژێڕە بەرپرسیارە. کوردیپێدیا ب مەرەما ئەرشیڤکرنێ تۆمار کرییە.
ئەڤ بابەت ب زمانێ (هەورامی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەتە 923 جار هاتیە دیتن
ڕایا خو دەربارەی ڤی بابەی بنڤێسە!