ئەڤ کومەڵگەهە دکەڤیتە باکوورێ ڕوژئاڤایێ باژێڕۆکێ شنگالشنگال و ئاکنجیێن ڤێ کومەڵگەهێ هەموو ئێزدینە. هەرهۆسا چەندین جهێن پیرۆزێ ئاینێ ئێزدیان دکەڤنە کومەڵگەها خانەسۆر و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها خانەسۆر لدیف ئامارێن بەری هاتنا داعش بۆ شنگال ل ساڵا 2010 نێزیکی ( 20،000) بیست هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ کومەڵگەها خانەسۆر هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەری باژێڕێن دهۆکدهۆک و زاخۆزاخۆ و سلێمانیسلێمانی بوینە و کۆچکرینە بۆ وەڵاتێن ئەوروپی. (302) سێ سەد و دوو کەس ژ کومەڵگەها خانەسۆر بووینە قوربانی دەستێ دەولەتا ئیسلامی، کۆمەڵا وان کەسێن بوینە قوربانیێ داعشێ 159 زەلام بوون و 143 ژن بوون، 42 زەڵام و 10 ژن هاتن ئەنفالکرن، 68 زەڵام و 39 ژن هاتن بێسەر و شوێن کرن، 49 زەڵام و 94 ژن هاتن ڕزگار کرن ژ دەستێ تەرۆریستێن سەر ب داعش، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا کومەڵگەها خانەسۆر گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، ل دەستپێکا ساڵێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]