ناڤ: مستەفا
ناڤێ بابی: ڕەئوف شێخۆ
مستەفا ڕەئوف - موزیک ژەن
ژ نڤیسینا: خالید عومەر عوسمان
$ژیاننامە$
ناڤێ وی (مستەفا ڕەئوف شێخۆ) یە، د ساڵا 1942 ل باژێڕێ #هەڤلێر# ژدایک بوویە، ل بوارێ خوەندێ ڕە دەرچوویێ پەیمانگەها ماموستایانە ل پشکا وەرزشێ، ساڵا 1958 دەست ب کارەکێ نوو د بوارێ هونەری دە کرییە ل تیپا دەرسیم ب سەرپەرشتیا ماموستایێ هونەری، جەمال هیدایەت، دگەل ڤان هونەرمەندا کارێ هونەری کرییە وەکە میوزیک ژەن (ماموستایێ هونەرمەند #تاهیر تۆفیق# - ماموستایێ هونەرمەند #ڕسول گەردی# - یەحیا مەرجان – باکووری - #شەمال سائیب# - #فوئاد ئەحمەد# - واحید مەرجان – ماموستایێ هونەرمەند #مشکۆ# - محەمەد ئەحمەد ئەربللی - #عارەب عوسمان# - ماموستایێ هونەرمەند #محەمەد عارف جەزراوی# - ماموستایێ هونەرمەند #محەمەد جەزا# - نیزام شوکر).
هەروەسا مستەفا ڕەئوفی تەڤی ئەڤان تیپێن هونەری کارێ خوە وەکە ژەنیار کرییە: (تیپا مۆسیقییا دەرسیم - تیپا یەکێتی ماموستایێن کوردستانێ - تیپا چالاکیێن قوتابخانا - تیپا هونەری یا هەڤلێرێ - تیپا کومەڵە و هونەر و وێژە یا کوردی - تیپا موسقایا شۆڕش 1974 - تیپا هونەرێن میللی - تیپا موسیقیا هەڤلێر). ئێکەم ژەنیارێ ئامیرێ قانوونێ بووهە ل باژێڕێ هەڤلێرێ.
ماموستا مستەفا ساڵا 1974 پشکداریا ئێکەمین ڤیستەڤاڵا کوردی کرییە ل باژێڕێ بەغدا، د ئاهەنگێن وڵاتێن دەرڤە ژی وەکە ژەنیار ل ئەڵمانیا و ڕووسیا و نەمسا پشکداری کرییە.
ب باڤارتن بوویە ئەندامێ دەستەیا ڕێڤەبرنا ئێکەمین سەندیکایا کوردستان ل باژێڕێ هەڤلێرێ، هەرەوسا بەرپرسیارێ تیپا هونەرێن میللی بوویە، ماموستا مستەفا هەروەسا پشکداریا کارێ شانۆیی ژی کرییە و ل درامایا چڵپاو یێ پشکدار بوویە.
پشتی ڤان هەموو کارێن هونەری و خزمەتا کرنا وی ژبو هونەرێ کوردی ژبو هەیامەکێ ل مالا خوەدە نەخۆش کەت ب مخابنی ڤە ل ڕێکەفتا #25-08-2014# وەغەرا داویێ کر. [1]