ناڤ: دەنیز
ناسناڤ: دەنیز هێڤی
ناڤێ بابی: جەودەت بولبون
ڕوژا وەغەرا داویی:
18-09-202318-09-2023
شوێنی وەغەرا داویی:
هەڤلێرهەڤلێر
ژیاننامە
ڕوژا 18-09-2023 ل باژێڕێ هەڤلێر، (دەنیز هێڤی) ئەندامێ کۆنگرەیا نەتەویی یا کوردستانێ -
کەنەکەکەنەکە لناڤ بارگەها وێ ڕێکخراوێ، ژ ئالێ کەسەکێ نەناس هات تەرۆر کرن.
[1]
ڕوژا
22-09-202322-09-2023 تەرمێ وی ل هەڤلێرێ ژبو باکوورێ کوردستانێ برن. دەنیز جەودەت بولبون ژیانەکە پڕی تێکوشان و بەرخۆدانێ ل خزمەتا دیروک، سیاسەت و زمانێ کوردی تێپەڕاند، هەم ل باکوور، هەم ل ڕوژئاوا و هەمیش ل باشوورێ کوردستانێ، بولبون ب خەیاڵا خوە درووستکرنا یەکێتییا نەتەوەیی یا کورد هاتە هەڤلێر، لێ دەستێ دوژمن و خیانەت زەفەر پێبرن و شەهید کر.
ڕوژا 18ێ ئەیلولێ ل نڤیسینگەها نینەرایەتی یا کۆنگرەیا نەتەویی یا کوردستان-کەنەکە، ل باژێڕێ هەڤلێرێ، ل ئەنجاما ئێرشەکە چەکداریدا ئەندام و نینەرێ کەنەکە ل باشوورێ کوردستانێ (دەنیز جەودەت بولبون) ژ ئالێ میتا تورکی و دەستێ خیانەتێ هات شەهید کرن.
ئەڤ نڤیسینە بدەستێ وی بخوە هاتیە نڤیسین
بولبون ئێکە لوان هزاران کوردێن، کو ژبەر زەبروزەنگ و ستەما دەوڵەتا داگیرکەرا تورک، ب نەچاری زێدێ باب و باپیرێن خوە بجێ ئێلا و ل غوربەتێ دە ژیا.
دەنیزی جەودەت بولبون، ل ساڵا
1987 ل خێزانەکە وڵاتپارێز ل گوندێ دێڵزی یا گەڤەرا سەرب جولەمێرگا باکوورێ کوردستانێ ژدایک بوویە، هەیا قوناغا ئامادەیێ ل گەڤەرێ خوەندییە و چوویە زانینگەها (یوزنجی ئیڵ) ل باژێڕێ
وانوان.
دەنیز لڤێ قویناغێدە دبیتە ڕێڤەبەرێ کۆمەڵەیا خوەندەڤانێن وڵاتپارێز، لبن فشارا فێرکرنا زمانێ تورکیدە و هەوڵدان ژبو لە بیرکرنا زمانێ دایک، ب پێداگرییەکە زۆر، بەرگریی ل زمان، ئەدەب و شوناسا کورد دکەت.
ل ساڵا
2011 بولبون، ژبو ئێکەمجار لسەر هەڵوێستا نەتەویی تێ دەستەسەر کرن و دکەڤیتە زیندانێ، بو ماوێ ساڵ و نیڤەک ل زیندانا پیتا-F دمینیت و دەمێ کو ئازاد دبیت ل کۆمەڵەیا لێکۆڵین و پێشخستنا زمانێ کوردیدە دبیتە ئەندام.
ل ساڵا
2014 ل خوەندنگەها سەرەتایی (ئوڤێش)دا دبیتە ماموستایێ زمانێ کوردیی، ل ساڵا
2014 تا
2016 لسەر دیروکا کورد و کوردستان ل ئەکادیمیایا سیاسی یا گەڤەردا دەرسێ دبێژیت.
هەروەسا جارەکە دن ل ئەنجوومەنا گەل یا گەڤەردا دبیتە ئەندام. ساڵا
2019 دێهێتە هەڤلێر و لوی دەمەی هەیا دەمێ شەهیدبوونێ ل هەڤلێر یێ ئاکنجی بوو. ب مەرەما ئێکرێزی و یەکێتی یا گەلێ کورد ل هەر چار پارچەیێن کوردستانێ بوویە ئەندام و نینەرێ کەنەکە ل باشوورێ کوردستانێ. ساڵا بوهری وەکە نینەرێ کەنەکە ل باشوورێ کوردستانێ و زور کار و خەبات و چالاکی یێن دیپلۆماسی ئەنجام ددەت، پشتی خوە میراتەکێ پڕ تێکۆشان و بەرخوەدانێ هێلا.
[2]