نەجمەدین عومەر کەریم ل ساڵا 1949 ل #کەرکووک# ژدایکبوویە، قویناغێن خوەندنێ ل کەرکووک تمام کرینە، پشترە کولێژا پزیشکی ل زانینگەها #موسڵ# تمام کرییە.
$چالاکی$
ل ژیێ لاوینیێ ل ڕیزێن #یەکێتیی قوتابییانی کوردستان#دە کار کرییە.=KTML_Photo_Begin=https://www.kurdipedia.org/files/relatedfiles/2009/982/0014.JPG=KTML_Photo_Alt=نەجمەدین کەریم=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/982/0014.JPG=KTML_Photo_End=
ل ساڵا 1971 وەکە ئەندامێ مەکتەبا سکرتاریەت و لێپرسراوێ لقا موسڵ و #دهوک# یا یەکێتی قوتابیێن باشوورێ کوردستانێ و ل ڕیزێن #پارتی دیموکراتی کوردستان#دا کار کرییە، پشتی کار کرن ل نەخۆشخانەیا کۆماری یا کەرکووکێ وەک نوژدار چوویە ڕێزێن شوڕەشا کوردستان و ل کاری پزیشکی بەردەوام بوویە هەیا تێکچوونا شوڕەشێ پشی 6ێ ئازارا 1975.
ل ساڵا 1976 وەکە پزیشکێ تایبەت یێ #مەلا مستەفا بارزانی# پێکڕە چووینە ئەمریکا و لوێرێ ماینە، بەردەوام بوویە ل خوەندنێ هەیا پسپۆڕی وەرگرت ل (Neurosurgery) (جراحة الجملة العصبیة) ل زانینگەها جورج واشنتۆن و ل کارێ خوە بەردەوامبوویە.
بەرپرسیارەتیا زور وەرگرتییە و یارمەتییا ژمارەیەک زورا دکتۆرێن کورد دایە بەر هندێ کو بهێنە وەرگرتن ل نەخۆشخانەیان و پسپۆڕیێ وەربگرن.
دکتۆر نەجمەدین عومەر کەریم، سەرەرای خوەندن و کارێ پزیشکی ل کارێ سیاسی یێ بەردەوام بوو.
ل ساڵا 1988 دگەل چەند هەڤالێن خوە #کۆنگرەی نەتەوەیی کورد# KNC ل باکوورێ ئەمریکا دامەزراند، ل ساڵا 1991-1999 دا سەروکی کۆنگرەیێ بوو.
ل #15-06-1990# ئێکەم کورد بوویە ل بەردەم ئەنجوومەنا پیران یا ئەمریکادا قسە بکەت ژبو بەرگری کرن ل مافێ گەلێ کورد و ئاشکرا کرنا تاوانا ئەنفال و کیمیاباران.
ل مەها 4/1991 دا ئێکەم کۆم بوونا فەرمی وەکوو کورد دگەل وەزارەتا دەرەڤەیا ئەمریکادا ساز کر و بوویە گوتەبێژێ سەرەکی یێ کورد ل میدیایێن ئەمریکا لسەر کێشەیا کورد، هانا وەزارەتا دەرەڤەیا ئەمریکایێ دا ژبو کۆمبوونێ دگەل بەرەیێ کوردستانی وەکە نونەرێ شەرعی یێ باشوورێ کوردستانێ.
ل ساڵا 1991 ڕوڵەکێ سەرەکی هەبوو ژبۆ دامەزراندنا پشکا کوردی یا دەنگێ ئەمریکا کو ل ساڵا 1992 دەست ب پەخشێ کر.
ل ساڵا 1996 ئەنیستیتیوتا کوردی ل واشنتۆنێ دامەزراند کو هەتا نهۆ سەروکی Washinsku Kurdish instute.
پشکدارێ د کۆمبوونا کۆنگرەیا نیشتمانی یا ئیراقێ INC کر ل ڤیەننا و پشتڕە ژبو مەکتەبا تەنفیزی هات هەلبژاردن.
ل مەها 12/2002 دا پشکداریا کۆنگرەیا ئۆپۆزسیۆنا ئیراقی کر ل لەندەن و ئێک ژوان 65 کەسێن سەرکردایەتی هات هەلبژاردن و پشکداریا کۆمبوونا سەڵاحەدینێ کر ل مەها 2/2003 دا.
ئەندامێ بۆردا چەند سازیان و زانینگەهانە، زانینگەها ناڤەڕاستا فلۆریدا کو چارەم مەزنترین زانینگەها ئەمریکایە، ئالیکارێ سەروکێ ئەنستیتیوتا کوردی ل پاریسێ یە.
ل زور ڕوژنامە و پڕۆگرامێن تەلەڤزیۆن ل ئەمریکا، ئەوروپا، کەنەدا و ڕوژهەڵاتا ناڤەڕاست دا پشکداری کرییە، پشکداریا کۆمبینێن ئەمریکا و جیهانی کرییە کو پەیوەندی ب کێشەیا کوردڤە هەبوویە، گوتارا نڤیسراو بەڵاڤ کرییە ل ڕوژنامەیێن ناڤدارێن ئەمریکا وەکە نیویۆرک تایمز، واشنتۆن پۆست، لوس ئەنجلس تایمز، واشنتۆن تایمز، هەروەسا زور گۆڤار و ڕوژنامەیێن دن.
پشکداریا کۆمبینا پاریس ژبو ئاشتبوونەڤا پارتی و ئێکەتی ل ساڵا 1994 دا کر.
کاندیدی لیسی هاوپەیمانی کوردستانی ل پارێزگای کەرکووک بۆ هەڵبژاردنی پەڕڵەمانی ئێراق ل 2010دا. [1]
ماوەیەکێ زور پارێزگاری باژێڕێ کەرکووکێ بوویە.
ڕوژا #14-09-2017# لدیف بڕیارا ئەنجوومەنا نیشتمانی یا ئیراقێ ل پۆستێ پارێزگارێ کەرکووکێ هات لابرن.[2]
ل دەمژمێر 11ێ شەڤا ئینێ ل ڕوژا #30-10-2020# ل ئەمریکا گیانێ خوە ژدەست دا و پشتی چەند ڕوژەکان تەرمێ وی ڤەگەڕاندە باشوورێ کوردستانێ و ل پیرمام هات بخاک سپاردن . . [3]