دانەرێ پەرتووکا ڕێنڤیسا زمانێ کوردی ل ساڵا 1912 ژدایکبوویە و خەباتگێڕێ کورد و ئەندامەکێ چالاک یێ یەکێتیی نووسەرانی کورد - لقا #کەرکووک# و ئالیکارێ سەروکێ دەستەیا ڕێڤەبەریا ئەڤێ لقێ، ل #کۆیە# ژدایک بوویە و ل کەرکووک بەرەف پێش چوویە و ل #سلێمانی#ێ و د ژیێ 72 ساڵیدە وەغەرا دوایێ کر.
ئەڤ ماموستایێ کوردپەروەر ل دەستپێکا ساڵێن سیها یا سەد ساڵا بیستێ بوویە ماموستایێ قوتابخانەیا سەرەتایی یا کوڕان ل کۆیە و ل مەها نیسانا ساڵا 1936 دا لسەر خوەندنێ ب کوردی قوتابیێن پولا پێنجێ و شەشێ هانداینە کو مان ژ خوەندنێ بگرن، چونکی ئەوێ ساڵێ خوەندن کربوو عەرەبی و ل ئەنجاما ئەڤی کارەیدە داخوازییا قوتابییان هاتەدی و زمانی کوردی بوویە زمانێ خوەندنێ، ژبەر ئەڤێ هاندانێ ژی ئە ماموستایە و ڕێڤەبەرێ قوتابخانێ ل کۆیە هاتن دویرخستن.
ماموستا تایەر نڤیسەرەک ژێهاتی بوو، پڕۆژەیا ڕێنڤیسا زمانێ کوردی دانا و ساڵی 1969د ل چاپخانەیا شیمال ل کەرکووکێ ب ناڤێ ڕێنووس چاپ کر و ل دوماهیکێدە کۆڕا زانیارییا کورد سوودەک زۆر لێوەرگرت و پەرتووکەکە دبیتە 144 لاپەڕەیێن قەبارە ناڤەنجی.
ماموستا تایەر سادق وەکە ماموستایەک خوەدی ئەزموون و زانا هات بانگهێشت کرن ژبو پشکداری کرنێ ل کۆنگرەیا ناڤخۆیی یا ئێکەم و دووهەما ماموستایێن کورد کو ل ساڵێن 1959 و 1960 دا ل هاوینەهاوارا شەقڵاوە هات گرێدان و گەلەک پێشنیاز و ڕاسپاردە یێن مفادار دەربارێ خوەندنا زمان و دیروک و وێژەیا کوردی ل قوتابخانەیێن کوردستان و تەڤایا ئیراقێ پێشکەش کرن.
دگەل دامەزراندنا یەکێتی نووسەرانی کوردیش ل #10-02-1970# دا بوویە ئەندام لڤێ ڕێکخراوا وێژەیی و لقا کەرکووکا ئەڤێ یەکێتیێ ژی ل کەرکووک ڤەکرن و ب ئەندامێ دەستەیا ڕێڤەبەرایەتی و جێگرێ سەروک هات هەلبژێراردن و گەلەک خزمەتا بزووتنەوەیا وێژەیا کوردی لڤی پارێزگەهێ کوردستانێ کر و ل دوماهیکیدە ژی چوویە سلێمانی و لوێرێ ئاکنجی بوو هەیا دەمێ کوو ل ڕوژا #05-11-1984# دا وەغەرا داویێ کر.[1]