شەماڵ جەلال سائیب
ل #07-11-1986# دا ستران بێژێ کورد شەماڵ جەلال سائیب د ئەنجاما نەخوەشییەکێ ل #هەڤلێر# وەغەرا داویێ کر و تەرمێ وی ل #سلێمانی# و ل گۆڕستانا ماڵباتا وانا هات بخال سپاردن.
ئەڤ هونەرمەندە ل ساڵا1930دا ل باژێڕێ سلێمانی ژدایکبوویە و ژبەر کوو بابێ وی قایمقام بوویە و ل زۆربەیا ل باژێڕوکان کار کریە، لەوما شەماڵ ل زاروکێڤە د گەلەک باژێر و باژێڕوکێن کوردستانێدە ژیایە و پشتی تمام کرنا قویناغێن خوەندنا دەستپێک، چوویە کولیژا مەلیک فەیسەڵ ل بەغدا کو قوتابخانەیەکا دواناوەندیی بوو و ب زمانێ ئینگلێزی وانە تێدا دەخویندن کو بتەنێ قوتابیێن ئێکەم ل ئیراقێ وەردگرتن.=KTML_Photo_Begin=https://www.kurdipedia.org/files/relatedfiles/2008/81/0012.JPG=KTML_Photo_Alt=شەماڵ سائیب=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/81/0012.JPG=KTML_Photo_End=
پشتی تمام کرنا قویناغا خوەندنێ ل پەیمانگەها هونەرێن جوان هات وەرگرتن و ل 1951دا کۆلیژا ئاداب پشکا مێژوو ل زانینگەها بەغدا هاتیە وەرگرتن و ل ساڵا1956دا خوەندنا زانینگەهێ تمام کرییە و باوەڕنامەیا بەکالۆریۆسێ ل دیروکێ وەرگرتییە و بوویە ب ماموستا ل دوا ناوەندیا ئەعزەمییەیا کوڕان و ل ساڵا1959دا بوویە ماموستایێ بابەتێ ڕوەشنبیری و موزیکێ ل پەیمانگەها هونەرێن جوان یا بەغدا.
ل دوماهیکا ساڵا 1963دا چوویە ئەمریکا ژبو تمام کرنا خوەندنا بڵند و باوەڕنامەیا ماستەرێ ل ئەدەبدا وەرگرتییە و دەمێ کو ڤەگەڕیا کوردستانێ ل ساڵا 1971دا ل زانینگەها سلێمانی بوویە ماموستایێ یاریدەدەر ل کۆلێژا ئاداب و دەمێ کوو ئەڤ زانینگەهە هات ڤەگوهاستن ژبو هەڤلێرێ و بوویە زانینگەها سەڵاحەدین.
شەماڵ سائیب ل سەردەمێ زاروکیێ فێری عود ژەنینێ بوو و ل دەستپێکا ژیانا هونەریدا لسەر ڕێبازا مۆسیقاژەن و سترانبێژێ میسری فەرید ئەتروشی کرییە.
ل ساڵێن پێنجەها یا سەدەیا بوهری بوویە خوەدیێ هونەر و دەنگێ تایبەت ب خوە و ئاوازێن نو ژبو گەلەک سترانێن تازە داناینە و گوتینە و مفایەک زور ل هۆنراوە و ئاوازێن فۆلکلۆری ئێن کوردیش وەرگرتینه.
ئەڤ هونەرمەندە ل ساڵا 1956 ڕە وەکە دەنگەک نو و هونەرمەندێ نوکار هاتە گوڕەپانا ئاواز و سترانێن کوردی و گەلەک سترانێن کوردی و گەلەک سترانێن سەرکەتی وەکە (شوانە هۆ شوانە و بەردە بەردە و هاتی بۆ هاتی و هاتم هاتم و ئەرێ لەیلێ و جوان ئێمە جوانین و بارزانی و زولەیخا) دانا و ب دەنگێ خۆش و زۆڵاڵێ خوە گوتینە و سەرکەفتنەک مەزن بەست ئینا.[1]