هونەرمەندێ بەرنیاسێ باژێڕێ ڕواندزڕواندز (زرار محەمەد مستەفا) ، ل ئەیلولا ساڵا (1937) ل ماڵباتەکە بەرنیاس یا باژێڕێ ڕواندزڕواندز ژدایک بوویە، ل ساڵا (1944) ل قوتابخانەیا (ڕواندز یا سەرەتایی یا کوڕان - پاشای گەورە) چوویە بەر خوەندنێ و هەیا پولا چارێ لوێرێ خوەندییە، پشترە ژبەر ڤەگوهاستنا کارێ بابێ وی ژبو هەریرێ ل ساڵا (1948) ، قویناغا سەرەتایی ل قوتابخانەیا (باتاس یا سەرەتایی یا تێکهەل) تمام کرییە، دیسان ڤەگەڕیانە ڕواندز ل قوتابخانەیا (ناوەندی یا ڕواندزا کوڕان) قویناغا ناڤەندیی تمام کرییە، ب مەرەما درێژەدان ب خوەندنێ چوویە هەڤلێرهەڤلێر. ل ناڤەڕاستا ساڵێن پێنجەها یا سەدەیا بوهری تێکهەڵ ب کارێ سیاسی و حزبایەتی بوویە، ل ساڵا (1956) چوویە ڕیزێن (یەکێتیی قوتابییانی کوردستان) ، ل ساڵا (1957) ل ڕیزەکانی (پارتی دیموکراتی کوردستانپارتی دیموکراتی کوردستان) بوویە ئەندام، ل ساڵا (1958) باوەڕنامەیا پولا پێنجەمێ ل پشکا ئەدەبی وەرگرتییە.
ل ڕێکەفتا (10-05-195810-05-1958) ل قوتابخانەیا (سەرەتایی یا دەربەندا ڕایات یا تێکهەڵ) بوویە ماموستا و پشتڕە ژی بوویە ڕێڤەبەر. ل ساڵا (1959) خولا ڕاهێنانا ماموستایانوەرگرتییەە، ساڵا (1961) ژبو ڕواندز هاییە ڤەگوهاستن و ل قوتابخانەیا (ڕواندزا سەرەتاییا کوڕان - پاشای گەورە) بوویە ماموستا. هەر ل هەمان ساڵێدە بوویە بە بەرپرسیارێ ناوچەیا ڕواندز یا (پارتی دیموکراتی کوردستان) .
ل ساڵا (1960) چەکێ پێشمەرگاتیێ هەلگرتییە و پشکداری ل شوڕەشا ئەیلولێ کرییە، ل (10-05-196510-05-1965) سێ مەهان ل گرتیخانەیا هەڤلێرێ دەستەسەر بوویە.
ل ساڵا (1971) دگەل چەند هەڤاڵێن دن ئێکەمین تیپا موزیکێ ل باژێڕێ ڕواندز دامەزراندییە. ل ساڵا (1974) وەکە هزاران کوردێن دن ئاوارەی ئیرانێ بوویە و ل ئوردوگایێ زێوە، خوەبەخشانە بوویە ڕێڤەبەرێ قوتابخانەیا (دواناوەندی زمناکۆ) ، ل ساڵا (1975) ڤەگەڕیایە ڕواندز و ب ئاللیەک دەمکی ل قوتابخانەیا (دواناوەندیا ڕواندز) بوویە ماموستا.
ل ساڵا (1976) خولەکە ڕاهێنانا (ماموستایێن هونەر - مەڵبەندا ئیشا دەست) ل باژێڕێ سلێمانیسلێمانی وەرگرتییە، ل ساڵا (1977) تیپا موزیکا (پاشای گەورە) ل ڕواندز دامەزراندییە و بوویە بەرپرسیارێ (کۆما هونەر و وێژەیا کوردی پشکا ڕواندز) ، کو لڤێ تیپێدا چەندین ستران و سرودان ژبو هونەرمەندان تومارکرییە، لوی دەمەی ڕە بەردەوام ببێی وەستان خولێن فێربوونا موزیکێ و نیگارکێشانێ ژبو زاروک و گەنجان فەدکەن. ل ساڵا (1978) ل باژێڕێ هەڤلێرێ خولا ڕاهێنانا سروود و موزیکێ ب پلەیا ئێکەم بڕییە، ل ساڵا (1981) بە نهێنی بوویە ئەندامێ (یەکێتییا هونەرمەندێن کوردستانێ) ، ل ساڵا (1983) بوویە ڕاهێنەرێ سروود و موزیکێ ل قوتابخانەیێن ڕواندزێ.
ل ساڵا (1986) تیپا شانۆی (شەهید شلێر) دامەزراند و ل ساڵا (1987) لسەر داخوزا وی بخوە هات خانەنشین کرن، ل ساڵا (1988) ڕێڤەبەرێ (مەڵبەندێ کارێ دەستی یێ -ڕواندز) بوویە، جارەک دن ل ساڵا (1994) بوویە ماموستا و ل ساڵا (2005) خانەنشین بوویە کوو وانەیێن: (سروود و موزیک و شێوەکاری و ئینگلیزی) گوتینە.
ل ساڵا (2009) ئەندامێ دەستەیا دامەزرێنەرا (کۆما دۆستانی یا کتێب - ڕواندز) بوویە.
هەیا نها پتر ل (9) خولێن فێربوونا موزیکێ ل ڕواندز و دیانا ڤەکرینە، وەکە ئەکتەر و دەرهێنەر پتر ل (30) شانۆگەری پشکداری کرییە، هەروەسا پتر ل (8) خولێن نیگارکێشانێ ژبو زارۆکان ڤەکرییە، چەندین مەدالیا و باوەڕنامە و ڕێزوسوپاسی ل بوارێ هونەر و پەروەردەدا پێ هاتینە بەخشین و ل چەندین ڤیستەڤاڵ و ئاهەنگ و کۆڕێن هونەریدا دەور و پشکداری هەبوویە و کۆک هونەرمەند و موزیک زان پێگەهاندینە، کو ئیرو ناڤەک دیارا هونەری ئێن کوردینە، ل ساڵا (2005) ل مەڕاسیمەکیدا، کو ب هەلکەفتا (40) ساڵییا خەباتا هونەریی هاتبوو ڕێکخرا بوو، پەردە لسەر پەیکەرێ هونەرمەندی هات لادان، بوو ب ئێکەمین هونەرمەندێ کورد، کو ل ژیاندا بیت و پەکەر هەبیت، نها ژی ل باژێڕێ ڕواندز نیشتەجهە، ئەندامێ (کۆمەڵەیا دۆستێن کتێب - ڕواندز) ە، دگەل ئەڤێ کۆمەڵەیێ چەندین چالاکی ئەنجام داینە و دیارترینا وانا دامەزراندنا کتێبخانەیا گەڕۆکە.[1]
ڕوژا 07-12-202107-12-2021 وەغەرا داویێ کر.