ساڵح قادر
هێزێن سووریا دیموکرات -هەسەدە، ناسنامەیا 16 شەڕڤانان ئاشکرە کر کو ل ڕیبڕی بوونا دگەل گرووپێن چەکدارێن سەرب 'سوپای نشتمانی ئێن سووریایێ' گیانێ خوە ژدەستدایە.

ڕوژا سێشەممێ، 24-12-202424-12-2024 ، هەسەدە ڕاگهاند: ل ماوێ بەرهنگاربوونا هێزێن مە ژبو ئێرشێن داگیرکەرانە ئێن تورکیا و چەتەیێن وانا ل دەڤەرێن جودا ئێن باکوور و ڕوژهەڵاتێ سووریا، 16 هەڤالێن وانا شەهید بوون، پشتی کوو مەزنترین نموونەیا بەرخودان و قوربانیدانێ نیشاندا و بەرپەرچی ئێرشێن داگیرکەر و چەتەیان بوون.

لدویف ڕاگهاندنا هەسەدێ 15 ژ وان شەڕڤانان ل ماوێ 7 هەیا 9-12- 2024 ل دەڤەرێن گوندەوارێ حەلەب، منبج، پرا قەرەقۆزاق، بەنداوا تشرین و ڕوژهەڵاتا دێرەزوور گیانێ خوە ژدەستدا. ئێک ژی ڕوژا چارێ ئەڤێ مەهێ ب نەخوەشی گیانێ خوە ژدەست دایە.

هەسەدە ناسنامەیا ئەوان شەڕڤانان ژی بەڵاڤ کر کوو گیانێ خوە ژدەستدایە:

-شادی عەبدۆ (سەید قامشلۆ)، ژدایکبوویێ ڕەقە 1999، ل 8ی کانوونا ئێکەم ل منبج گیانێ خوە ژدەست دایە.
-ئەیمەن سەرحان (عەلی تەل بەراک)، ژدایکبوویێ تەل بەراک 2000، ل 9ی کانوونا ئێکەم ل منبج گیانێ خوە ژدەست دایە.
-عەبود عەلی (شاهین جەبەل) ژدایکبوویێ حەسەکە 1998، ل 7ی کانوونا ئێکەم ل دێرحافر گیانێ خوە ژدەست دایە.
-بەشار یوسف (چیا کلیداغ) ژدایکبوویێ کۆبانی 2000، ل 8ی کانوونا ئێکەم ل پرا قەرەقۆزاخ گیانێ خوە ژدەست دایە.
-مەحموود عوسمان (دەمهات حلنج) ژدایکبوویێ کۆبانی 1999، ل 7ی کانوونا ئێکەم ل دێر حافر گیانێ خوە ژدەست دایە.
-محەمەد نوور (عەگید حەسەکە)، ژدایکبوویێ حەسەکە 2004، ل 9ی کانوونا ئێکەم ل زرکان گیانێ خوە ژدەست دایە.
-محەمەد سەعید (شەرڤان تورمان) ژدایکبوویێ کۆبانێ 2005، ل 9ی کانوونا ئێکەم ل منبج گیانێ خوە ژدەست دایە.
-محەمەد شێخ محەمەد (محەمەد) ژدایکبوویێ کۆبانێ 1981، ل 9ی کانوونا ئێکەم ل پرا قەرەقۆزاخ گیانێ خوە ژدەست دایە.
-کاوە حەبشۆ (چیا) ژدایکبوویێ کۆبانێ 2000، 4ی کانوونا ئێکەم ب نەخوەشی گیانێ خوە ژدەست دایە.
-قوسەی مەعرووف (جوان حەسەکە) ژدایکبوویێ حەسەکە 2005، ل 8ی کانوونا ئێکەم ل دێرەزوور گیانێ خوە ژدەست دایە.
-فەواز محەمەد (دڵسۆز) ژدایکبوویێ منبج 2003، ل 7ی کانوونا ئێکەم ل دێر حافر گیانێ خوە ژدەست دایە.
-بیلال شێخ ئەحمەد (بیلال) ژدایکبوویێ دێر حافر، ل 9ی کانوونا ئێکەم ل منبج گیانێ خوە ژدەست دایە.
-عەمار حسێن (بروسک حەسەکە) ژدایکبوویێ حەسەکە، ل 9ی کانوونا ئێکەم ل منبج گیانێ خوە ژدەست دایە.
-ئەحمەد مەلا (شنگال) ژدایکبوویێ حەسەکە 2005، ل 8ی کانوونا ئێکەم ل دێرەزوور گیانێ خوە ژدەست دایە.
-محەمەد ئایبی (ئەمارکی مخاراج) ژدایکبوویێ کۆبانێ 2006، ل 9ی کانوونا ئێکەم ل منبج گیانێ خوە ژدەست دایە.
-ئیبراهیم مەلا خەلیل (ماسیرۆ) ژدایکبوویێ سەرێ کانی 2006، ل 7ی کانوونا ئێکەم ل سرین گیانێ خوە ژدەست دایە.

وێنەی ئەو شەڕڤانێن گیانێ خوە ژدەستدایە.
ل ڕوژا دووشەمێ هێزێن هەسەدە ل ناڤا وانا دە ئەنجوومەنا سەربازی یا منبج، دەست ب ئێرشێن دژبەری ژبو سەر منبجێ کر و هەژمارەک گوند ل دەستێ گرووپێن چەکدارەکان ئازاد کرن و نها ب تەنێ 15 کیلۆمەتر ل مەڵبەندی باژێڕێ منبج دوورن.
پشتی ئۆپەراسیۆنا چەکدارێن هەتەشە ب ناڤێ بەرپەرچدانا شەڕانگێزی ل 25-11-202425-11-2024 دژبەری سوپایێ سووریا، چەکدارێن سوپایێ نشتیمانی ئێن سووریا ئۆپەراسیۆنەک ب ناڤێ گزنگا ئازادی ڕاگهاند، لێ ئەوان ئێرش ژبو سەر هەسەدێ چڕکرەڤە و دەست بسەر دەڤەرێن شەهبا و منبج دا گرت، نها ژی دڤێت دەست بسەر بەنداڤا تشرین دا بگرن، لێ شەڕڤانێن هەسەدێ بەرپەرچا ئێرشێن وانا ددەن.[1]