سازییا سەڵاحەدین ئەیووبی سازییەکە خێرخوازییا کوردییە ل عەممان. ئەڤ سازییە ژ ئالێ سەعد جومعە کوردی ل ساڵا
1970 هاتییە دامەزرندن، ب ئارمانجا یارمەتیدانا ماڵباتێن هەژارێن کورد ئێن ئاکنجی ل شانشینا ئوردنا هاشمی و بەرز ڕاگرتنا ئەڤی ناڤێ کوردی لڤێ شانشینێ. ئەوانا توو هەماهەنگییەک دگەل حکومەت و سازیێن هەرێما کوردستانێ نینە و دڤێت ل ڕییا ڕووداوێ، دەرگەهەکێ تێکهەلیێ دگەل هەرێما کوردستان ڤەبکەن.
دکتۆر هەمزە محەمەد کوردی، سەروکێ سازیێ یە و دبێژیت: پێدڤییە ساڵانە چالاکیێن هەمەڕەنگ هەبن، وەکە جەژنا نەورۆز و بڵندکرنا ناڤێ سەڵاحەدین ئەیووبی و ئەڤان کارێن کوو هاتینە کرن پیتە پێڕە بهێتە دان. نها مە دڤێت جارەک دن ئەڤێ سازیێ زیندی بکەین وەکە ماڵباتێن کوردی و سازییەکە کوردی، ئەز نها بوویمە سەروکێ ئەڤێ سازیێ و توو هەماهنگی من دگەل دام و دەزگەهێن هەرێما کوردستانێ نینە و هیڤی دخوازم ل داهاتوودا پەیوەندییا مە هەبیت. لدیف ئامارەکە ئەڤێ سازیێ نێزی 80 هزار کورد ل ئوردنێ هەنە. عەبدولهادی یوسف کوردی، ئەندامەکێ سازیێ یە و دبێژیت: [پەرتووکا] 'ئوردن یەکەم، دواتر هاشمی؛ داهێنەری شکۆی مێژوو' کو فراس فائز مەسعود کوردی نڤیسیە، ئەڤ پەرتووکە بەحس ل دەوڵەتا هاشمی و ڕوڵێ کوردان تێیدە دکەت، ئەڤە گرنگترین پەرتووکا ئەڤێ پەرتووکخانەیێ یە.
ڕاکان محەمەد حەسەن، ئەندامەکێ دن یێ سازیێ یە و دبێژیت: هیڤیا مە ئەوە کوو بکارین ئەڤێ سازیێ بەرەڤ پێش ببەین و زمانێ کوردی زندی بکەینەڤە و زورترین کەسان فێری زمانێ کوردی بکەین.
ل دەستپێک دامەزراندنا وێ، مەهانە گۆڤارەک ب ناڤێ 'ڕۆناهی' ب زمانێ کوردی چاپ دکر، لێ نها ماوێ 20 ساڵانە توو ڕوژنامە و گۆڤارەک لڤی وڵاتەی ب زمانێ کوردی ناهێت چاپ کرن. ئەڤ سازییە ل 9 ئەندامان پێکدهێت و هەر سێ ساڵان جارەکێ هەڵبژارنا وێ دهێتە ئەنجام دان، ئەوژی ب چاڤدێرییا وەزارەتا گەشەپێدان و کۆمەڵایەتیا ئوردنێ. یاسر کوردی، ئەندامەکێ دن یێ سازیێ دبێژیت: وەزارەتا گەشەپێدانا کومەڵایەتی ڕێز و پێزانینا زۆر ژبو مو هەبوویە و ڕاگهاند هون لناڤا باشترین 5 سازیێن شانشینا ئوردنا هاشمینە. هۆز و ماڵباتێن کوردی ئێن ئوردنێ ب بنەجها دامەزراندنا شانشینا ئوردنا هاشمی دهێنە هەژمارتن و نێی
1200 ساڵانە لڤی وڵاتەی وەکە نەتەوە پشکدارییا کارا ل ئوردنا کەڤن و نودا هەیە.
دیارترین پۆست و پل کو کورد پیڕە گەهشتین پۆستا سەرۆکوەزیرانە کو، سەعد جومعە کوردی، دامەزرێنەرێ سازییا سەڵاحەدینی ئەیووبی ل ساڵا
1967 بڕێڤە دبر.
[1]
ئامادە کرن: مستەفا گۆران
وەرگێڕان: کاروان ئاکرەیی