ئێزدیان و ئێزدیاتیێ بناسە
دبێژنه وان کەسان ئێزدی یێ کو پەیڕەوێ ئاینێ (ئەزدایی) نە، چونکی ژبلی نەتەوەیێ کورد هیچ نەتەوەیەکی دی ل جیهانێ دا هەلگرێ ئاینێ ئێزدی نینە، دیارکرنا دیرۆکا ئێزدیان دیارکرنا دیرۆکا ڕەسەن یا نەتەوەیێ کوردە چونکی ئێزدی ب ڕەسەنترین خەلکێ کوردستانێ و خۆدان ئاخ و دیرۆکا نەتەوەیێ کورد دهێنە ناسکرن کو پاشماوێن ئاری و میدیانە، هندەک ژێدەرێن دیرۆکی خۆیا دکەن پاشماوێن سۆمەریانە، خودانێن کەڤنترین شارستانیەتا سەر ڕوویێ ئەردی نە .
ئێزدیاتی کەڤنترین میراتێ ئۆلا کوردانە و ئۆلا سوندێ و باوەریێ یا مللەتێ کوردا بنگەهێ ئۆلا ئێزدیانە، گەلەک جارا کوردێن نەیت ئێزدی سوند دخون ب ڕوژێ ، نانی، زادی ، گۆری.... هتد. یان زاب خودێ ( زاب واتە ڕووبار ب زمانێ سوباری ، زا ب خودێ هەموو پێکڤە دبتە یاخودانێ ڕووباری) ئەڤ سوندە ل ناڤ زێباریا یە و بارزانیا یە هەتا نهو یا مای ئەڤ جۆرە سوندە ژ باب و باپیرێن خوە یێن وەرگرتین بەری هاتنا پەرتووک و ئاينێن ئەسمانی ب هەزاران ساڵان، چونکی کورد ئاری بوون ل سەر ئۆلا ڕۆژ پەرێستیێ بوون، دینێ نەتەوەیی یێ کوردان زەردەشتی یە ل سەردەمێ دەولەتا ئەخمینینان بۆ دینێ نەتەوەیی یێ کوردان ، بەری هاتنە ئیسلامێ ئۆلا پتریا کوردا ئێزدی بوون ل گۆر گۆتنان، دکتۆر مامو ساڵا 636 زاینی ئیسلام هاتیە دەڤەرێ بەری ڤێ دیروکێ توو کوردەک نەبوو بوسلمان، کورد بەری ب دینێ ئیسلامێ بگرن (کورد و ئاشوری) بوون ، ئێزدیاتی وەک ئۆل دهێتە ناسکرن، ئۆلا ئێزدیان نە مزگین بەخشە (نە تەبشیری یە)، چونکی نە خودان پێخەمبەر و نەبی نە، پێخەمبەر ئەوە دەمێ پەیاما خو ب پەرتوکەکا پیرۆز بەلاڤ دکەت واتە ( ڕەسول خودان ڕیسالەیە ) وەک : موسا، عیسا و مەحەمەد ...... هتد ، نەبی ب زارەکی پەیاما خوە بەلاڤ دکەن وەک نەبی ئیبراهیم ڕامانا ناڤێ وی (ئێ براحم )، ئیزدی دبێژنێ (برهیم) ناڤێ دایکە و (تلی) یە و بابێ وی (ئیزەرە) د ئاینێ ئاسمانی دا ب ناڤێ ( ئازر) وێ هاتی و دبتە برازیێ نەمروودی ئێزدی دبێژنێ (نەمر)، هەڤالێ وی یێ هڤالینێ (برایێ ئاخرەتێ) پیر مەلک سالم بوو، ناڤێت کابانیێن وی سارێ و هەجار بوون، برایەک هەبوو ناڤێ وی (ئارام) بوو.
برهیم ژ سادق ماشێ خۆ وەرگرت
برهیمی ژ سالم علمێ خۆ پر گرت
فەقیرا ل عەردی ئەو عیلم هلگرت
چاڤکانیێ پەیدا بوونا ئۆلا ئێزدیان سروشتە نەک ڕیێا پێخەمبەرا (ئێزدیاتی یەکێتی بوونە ( وحددە الوجودە )، ئێزدی دبێژن خودێ ئی مەزنە، مەزنا یا وەگوتی دباوەریا ئێزدیان دا خودێ مروڤێن چاک و خودان کەرەم یێت هنارتینە سەر ڕویێ ئەردی ب ڕیێا وان خودان کەرەما دەستورێ ئۆلی هاتیە دان. ئۆلا ئێزدیان نەیا سیاسی و ئابۆرییە، ئۆلەکە هزری و ئایدۆلۆژییە، ئاینێ ئێزدیان ب تەمامی ئاینەکی یۆنیڤێرساڵ(جیهانی)ە. =KTML_Link_External_Begin=https://www.kurdipedia.org/docviewer.aspx?id=620269&document=0001.PDF=KTML_Link_External_Between=0001.PDF=KTML_Link_External_End=
[1]